ኤርማሳ ቲንቢቴ 47:6 - Geeshsha Maxaafa

⁶ «Intte, ‹Nenoo GODA mashshawu! Ne ayde shemppanee? Ne koohon simma gela; neni co7u gaada utta› gaana.

ጋሞ ማጻፋ

⁶ «ኢንቴ፥ ‹ኔኖ ጎዳ ማሻዉ! ኔ ኣይዴ ሼምፓኔ? ኔ ኮሆን ሲማ ጌላ፤ ኔኒ ጮኡ ጋዳ ኡታ› ጋና።

ኤርማሳ ቲንቢቴ 47:6 Iomraidhean Croise

2ሳሜላ ማጻፋ 2:26

Abineeri Iyo7aabe xeygidi, «Nuni mernaas ola olettishe daanee? Izas wurseththa gatey camo gididayssa ne waanada erontta aggadii? Ne asay ba ishata gooddizayssa aggana mala ne isttas azazo immonttay awude gakkanaassee?» gides.

1ታሪኬ ማጻፋ 21:27

Histtiin GODAY kiitanchchaa azaziin kiitanchchazi ba giththa mashshaa koohaan gelththides.

ዬ ማጻፋ 17:13

Abeet GODAWU! Denda. Ta morkketara eqettada istta shoca; ne mashshan iitatappe tana ashsha.

ኢሳያሳ ቲንቢቴ 10:15

Kalttay banan qanxxizaade bolla ceeqettizee? Magaazey bana goochchizaade bolla otorettizee? Xam7ay bana oykkida asa bolla ba hu7e qaaththana dandayzee? guufey asi baynda barkka hemetti erizee?

ኢሳያሳ ቲንቢቴ 10:5

GODAY, «Ta hanqos guufe, ta ehiza bashshas xam7a gidida Asoore biitta asaas aayye ana!

ኤርማሳ ቲንቢቴ 12:12

Bazzon diza zumbullata bollafe dhayssizayti yaana; gaasoykka GODAA mashshay biitta ha gaxaappe he gaxa gakkanaas maana. Hessa gishshas oonikka attanaas dandayenna.

ኤርማሳ ቲንቢቴ 12:4

Iray dhayiin biittay ayde gakkanaas melanee? Maataykka ayde gakkanaas melanee? Asaa iitateththaafe dendidayssan medosatinne kafoti dhayda. Hessa bollaka asay, «GODAY nuni ooththizayssa demmenna» gees.

ኤርማሳ ቲንቢቴ 15:3

«GODAY, ‹Tani oyddu qommo bash istta bolla ehana; heytikka istta wodhanaas mashsha, istta aha goochchanaas kanata, istta ashoza miidi dhayssanaas salo kafotanne sa7a do7ata.

ኤርማሳ ቲንቢቴ 25:27

Hessa gishshas GODAY tana, «Ubbaafe Wolqqama GODAA Isra7eele Xoossay inttena, ‹Uyite; maththottite; cooyite nam7anththo intte dendontta mala ta intte giddo yeddiza olaa sinththan kundite› gees.

ኤርማሳ ቲንቢቴ 4:21

Tani ayde gakkanaas ola malata xeellanee? ta ayde gakkanaas zaye giiris siyanee?

ኤርማሳ ቲንቢቴ 48:10

«GODAA oosos wudu gonttaadey qanggettidaade gido! iza mashshay suuth gussontta mala diggizaadey qanggettidaade gido.

ኤርማሳ ቲንቢቴ 50:35

GODAY, «Mashshay Baabiloone asaa bolla yides; izin diza asata bolla, maatay diza asata bollanne aadho eranchchata bolla siifanaas shodettides.

ሂዚቄላ ቲንቢቴ 14:17

«Woykko tani ha biitta bollan mashsha ehada, ‹Ha biittara mashshay kanththo› gaada mehenne as dhayssiko,

ሂዚቄላ ቲንቢቴ 21:30

Mashsha koohozan zaara; ne medhettida biittan, ne yelettida deren heen ta ne bolla pirdana.

ዛካራሳ ቲንቢቴ 13:7

«Ubbaafe Wolqqama GODAY, ‹Mashsha! Ta heenththanchcha ta daro dosizayssa bolla beegga! Heemmizayssa shoca; dorsatikka laalettana; tanikka ta qese guuththata bolla denththana› » gees.

ዮሃኒሳ ሚሺራቾ 18:11

Yesusi qasse Phexroosa, «Ne mashshaza koohon zaara gelththa. Aaway taas immida waaye ushshaa ta uyontta aggana misatizee?» gides.

ዳናታ ማጻፋ 7:20

Hara baggara diza nam7u buttetikka ba zaye zaye punnidi ba oykkida xaarotakka menththereththida; hadirsa kushen eexxiza xomppe, ushachcha kushen zaye oykkidi punnishe, «GODAA olanne Geedoone ola!» giidi waassida.