ኤርማሳ ቲንቢቴ 47:3 - Geeshsha Maxaafa

³ Para toho giirissi morkke para-gaareta waaso, para-gaareta tohoy genderishe giiriza giirissa gaason aawati bantta nayta ashshanaas guye simmi xeellettenna; istta kusheykka sila gidana.

ጋሞ ማጻፋ

³ ፓራ ቶሆ ጊሪሲ ሞርኬ ፓራ-ጋሬታ ዋሶ፥ ፓራ-ጋሬታ ቶሆይ ጌንዴሪሼ ጊሪዛ ጊሪሳ ጋሶን ኣዋቲ ባንታ ናይታ ኣሻናስ ጉዬ ሲሚ ጼሌቴና፤ ኢስታ ኩሼይካ ሲላ ጊዳና።

ኤርማሳ ቲንቢቴ 47:3 Iomraidhean Croise

ኢሳያሳ ቲንቢቴ 5:28

Istta yiishshay hoxe; istta wondafeykka waaxetti uttides. Istta parata qinccafilley zaalla shuchcha mala; istta para-gaareta erzoykka gote mala.

ኤርማሳ ቲንቢቴ 46:9

Paratoo guppi kezite; para-gaaretoo adaraasite; gondalle oykkida Tophphiya asaynne Puuxe asay, wondafe waaxi oykkida mino gidida Luudime asati, intte mino olanchchati olas dendite.

ኤርማሳ ቲንቢቴ 50:42

Istti wondafetanne mashshata oykkida; istti maarontta menxe iitata, maarokka ooththettenna; istti parata toggishin istta giirissay abba dambala mala guummees; hanne Baabiloone macca nayee! olas giigettida olanchchata mala ne bolla yaana.

ኤርማሳ ቲንቢቴ 8:16

Morkketa para peenoy Daane katamappe siyettees; istta wodalla parata caashan biittay ubbay qaaxxees; biittayonne biittay bolla diza ubbaa, katamayonne izin diza ubbaa mittanaas yida» geettes.

ሂዚቄላ ቲንቢቴ 23:24

Istti ola massara, para-gaarenne gaare ekkidi daro derey ne bolla yaana; istti wogga gondallenne qeeri gondalle oykkidi, birata qoobe woththidi, ne yuushon salfana; istti ne bolla pirdana mala ta nena isttas aaththa immana; isttika ba wogan nena qaxxayana.

ናሆሜ ቲንቢቴ 2:4

Para-gaareti demban yaanne haa buraqeettes; ogeta bollaka shom7ushom7u geettes; laciza xomppe misateettes; wolqqanththa mala wawaci geettes.

ናሆሜ ቲንቢቴ 2:8

Nannawey eele haaththa mala; izi haaththika miccana. «Eqqa! Eqqa!» gi istti waassana; gido attiin guye simmizay deenna.

ዮሃኒሳ ኣጁታ 9:9

Biratappe oosettida xurure geetettiza may7o mala tira bolla may7iza may7oy isttas dees; istta qefey giiriza giirissay olas togettiza daro paranne para-gaareta giirissa mala giirees.

ዳናታ ማጻፋ 5:22

Hessafe guye toga asati togan adaraasi yida. Toga parata giirissay dada giirissa mala.