ኤርማሳ ቲንቢቴ 4:19 - Geeshsha Maxaafa

¹⁹ Waanoo tanii! Tani hayssa wostta dandayanee! Tana metides! Ta wozinay hirgees; tani co7u gaanaas dandaykke. Ays giikko tani zaye cenggurssinne ola cenggurs siyadis.

ጋሞ ማጻፋ

¹⁹ ዋኖ ታኒ! ታኒ ሃይሳ ዎስታ ዳንዳያኔ! ታና ሜቲዴስ! ታ ዎዚናይ ሂርጌስ፤ ታኒ ጮኡ ጋናስ ዳንዳይኬ። ኣይስ ጊኮ ታኒ ዛዬ ጬንጉርሲኔ ኦላ ጬንጉርስ ሲያዲስ።

ኤርማሳ ቲንቢቴ 4:19 Iomraidhean Croise

ሜቴ ማጻፋ 49:6

Tani istta zoreteththan gelikke; tani istta shiiqosonkka uttike. Ays giikko istti ba hanqon as wodhidanne bana ekka ekka giin boorata gildayi qanxxida.

2ካዎታ ማጻፋ 4:19

Izi ba aawaas, «Ta hu7ee! Ta hu7ee!» gides. Aawazikka ba ayllezas, «Naaza ba7a efada iza aayeykko gaththa» gides.

2ካዎታ ማጻፋ 8:11

Izi yeellatana gakkanaas Azaheeley iza tishshi histti xeellides; hessafe guye Xoossa nabezi ayfunth gussides.

ዬ ማጻፋ 103:1

Ta shemppoyee! GODAA galata! Ta kumeththa asateththay iza geeshsha sunththa galato.

ዬ ማጻፋ 116:7

Ta shemppoyee ane woppu ga; GODAY nees lo7o miish ooththides.

ዬ ማጻፋ 119:136

Ne wogay bonchchettontta gishshas ta afunththi haaththa mala goggees.

ዬ ማጻፋ 119:53

Iitati ne wogas azazettonttayssa be7ada keeha hanqettadis.

ዬ ማጻፋ 146:1

GODAY galatetto! Ta shemppoyee, GODAA galata!

ዬ ማጻፋ 16:2

Tani GODAAS, «Neni ta Godaa; neeppe attiin hara lo7oy taas deenna» gadis.

ኢሳያሳ ቲንቢቴ 15:5

Ta wozinay Mo7aabe gishshas yeekkides; izippe goodettida asati Zo7aare gakkanaas, Egilaate-Shalishiya gakkanaas baqatida; istti afunth gussishe pude Luhite kezida; qasse Horonayme efiza ogera bishe bantti dhayanayssas waassida.

ኢሳያሳ ቲንቢቴ 16:11

Hessa gishshas ta wozinay Mo7aabe gishshas qadheta milas sissawus; Qiire-Hereeseta gishshas ta maraceya yeekkawus.

ኢሳያሳ ቲንቢቴ 21:3

Hessa gishshas ta xeessay sako xalala gidides; miixay oykkida maccassa mala tana leessoy oykkides; tani siyida yo7oy tana gadigadissides; ta be7ida yo7on shirotadis.

ኢሳያሳ ቲንቢቴ 21:4

Ta wozinay poddu gides; tana yashshi kokkorisides; ta ufayssan naagida omarsay ta bolla hirga yeggides.

ኢሳያሳ ቲንቢቴ 22:4

Hessa gishshas tani, «Taappe haakkite; ane camo yeeho ta yeekkays; dhayda ta asaa gishshas tana minththeththana qoppofte» gadis.

ኤርማሳ ቲንቢቴ 13:17

Intte siyontta ixxiko, intte otoreteththaa gishshas ta shemppoya geeman yeekkana; GODAA wudey di7etti bichchida gishshas tani camo yeeho yeekkays; ta ayfeppe afunththi haaththa mala goggees.

ኤርማሳ ቲንቢቴ 20:9

Tani, «Hayssafe guye GODAA sunththaa denththike; iza sunththankka haasaykke» giikko iza qaalay ta wozina giddon tama mala, ta meqeththa giddonkka surquntto mala gidides; hessa gishshas ta kamma oykkanaas xoonides; mulerakka eqettanawu dandayabeekke.

ኤርማሳ ቲንቢቴ 23:9

Nabeta gishshas ta wozinay meqqides; ta meqeththati ubbayka kokkorida. GODAA gaasoninne iza geeshsha qaala gaason woyne ushshu uyidi maththottiza asa mala gidadis.

ኤርማሳ ቲንቢቴ 4:21

Tani ayde gakkanaas ola malata xeellanee? ta ayde gakkanaas zaye giiris siyanee?

ኤርማሳ ቲንቢቴ 4:5

GODAY, « ‹Biitta ubbaan zaye punnite!› giidi Yuhudan yootite. Yerusalaamenkka awajjite; ‹Issife shiiqite! Ane gimbettida katamatakko baqatoos!› gi waassite.

ኤርማሳ ቲንቢቴ 42:14

qasse intte, ‹Ola beyonttaso, ola zayey punettonttaasonne koshay bayndaso Gibxe biidi heen daana› giikko,

ኤርማሳ ቲንቢቴ 49:2

Amoone katama Eraaba bolla ola waaso cenggurssi seetettana wodey yaana. Iza budhettada doorettida doore gidana; izi gutati ubbay xuugettana; Isra7eeley bana kessi gooddidayta ba dereppe kessa gooddana.

ኤርማሳ ቲንቢቴ 50:22

He biittan ola shiroynne gita bashsha waasoy seetettides.

ኤርማሳ ቲንቢቴ 6:24

Nuni he yo7o siyiin nu qesey kim7ilish gides. Maccas miixay oykkida mala nuna ceecey oykkides.

ኤርማሳ ቲንቢቴ 8:18

Ta ceeciza wode tana minththeththizayssoo! Ta wozinay keehi meqqides.

ኤርማሳ ቲንቢቴ 8:21

Ta derey madunxishin tanikka madunxadis; yeekkadissinne dagammadis.

ኤርማሳ ቲንቢቴ 9:1

Shukettida ta deraa gishshas omarsinne gallas ta yeekkana mala ta hu7ey haaththa olla, ta ayfetikka pultto mala afunth gogissidaakko ta ay mala dosandinaa!

ኤርማሳ ቲንቢቴ 9:10

Tani dhoqqa deretas yeekkananne waassana; bazzon heenththasohotas kayottana. Gaasoykka istti dhayda; heera issi asinne kanththenna. Mehe waasoy siyettenna; salo kafotinne do7ati baqatidi bichchida.

ኤርማሳ ዚላስ 1:16

«Morkkey nu bolla goobides; nu naytikka barkka attida; nuna zori minththeththizayti nuuppe haakkida; hessa gishshas ta yeekkayssinne afunththa gussays.

ኤርማሳ ዚላስ 1:20

«Abeet GODAWU! Ta waayeza be7a! ta giddo asateththay metotides; ta keeha makkalladis; ta wozinaykka meqqides; Karen gidiin soon deraa hayqoy wursees.

ኤርማሳ ዚላስ 2:11

Ta derey wurides; naateththa naytinne qeeri nayti katama giddon labbani kundida. Hessa gishshas ta ayfey afunththan baljumides; taas maracey kokkorides; ta wozinaykka seerides;

ዳኔላ ቲንቢቴ 4:19

He wode Bilxxasoore geetettiza Daaneeli keehi dagammidi hanizaaz dhaydes; ba qofan guuththa wodes ceecides; kawozikka iza, «Bilxxasoore! Agumoza gidiin woykko iza birsheththay nena daganththofo» gides. Bilxxasooreykka izas, «Kawoo! Ne agumozi nena ixxizaytas, birsheththayka ne morkketas gido.

ዳኔላ ቲንቢቴ 7:15

«Tani Daaneeli hayssa ta be7ida ajjuutan keeha metotadis; ta shemppoyakka ceecadus.

ዳኔላ ቲንቢቴ 7:28

«Ta ajjuuta birsheththi hayssan polettees; tani Daaneeli ta qofan keeha ceecadis; ta ayfesoy laamettides; gido attiin tani hayssa wursaka ta wozinan qum7a oykkadis» gides.

ዳኔላ ቲንቢቴ 8:27

Taas Daaneelas wolqqay ixxides; daro wodekka saketta ichchadis; hessafe guye dendada kawo oososo badis; ta be7ida ajjuutan keeha dagammadis; ta erappe bolla gidides.

ኣሞጼ ቲንቢቴ 3:6

Katama giddon olas zayey punettishin babon kokkorontta asi di erizee? GODAA sheney baynda dishin katama bolla iita miishshi gakki erizee?

ኢምባቆ ቲንቢቴ 3:16

Tani siyadis; ta wozinaykka dagammides; Iza giirssafe dendidayssan ta metershay kokkorides. Babon taas maracey qaaxxides. Taas gulbatey kokkorides; gidikkoka nu bolla worajjiza dereza bolla metoy yaana gallas ta gencca naagays.

ታይቦ ማጻፋ 10:9

«Intte deraa bolla worajjida intte morkketara intte olettanaas keziza wode zayeta dhoqqu histti punnite; histtiko GODAA intte Xoossay inttena qoppananne intte morkketappe inttena ashshana.

ኦሮሜ ኣሳስ 10:1

Ta ishatoo! Isra7eele nayta gishshas ta amoynne ta Xoos woossizay istti dhayontta attanaassa.

1ቆሮንቶሴ ኣሳስ 14:8

Qasseka xurumbay aazas punettizaakko woykko zayey aazas zayettizaakko shaakki erettontta ogera punettiko ooni olas giigettanee?

ጋላቲያ ኣሳስ 4:19

Ta naytoo! Kirstoosi intte wozinan xaafettiin ta beyana gakkanaas intte gishshas ta miixattays.

ዳናታ ማጻፋ 5:21

Beni Qisoone shaafaa kixay istta denththi efides; isttika haron meecetti dhayda; Ta shemppoyee minna; wolqqankka sinth gujja.