ኤርማሳ ቲንቢቴ 33:9 - Geeshsha Maxaafa

⁹ Hessafe guye hanna ha katamaya ta izis ooththida lo7o miish ubbaa siyiza kawoteththata ubbaa sinththan sabas, ufayssas, galatasinne bonchchos gidana; ta izis immiza daro dureteththaafenne saroteththafe dendidayssan asay izis yashshan kokkorana» gees.

ጋሞ ማጻፋ

⁹ ሄሳፌ ጉዬ ሃና ሃ ካታማያ ታ ኢዚስ ኦዳ ሎኦ ሚሽ ኡባ ሲዪዛ ካዎቴታ ኡባ ሲንን ሳባስ፥ ኡፋይሳስ፥ ጋላታሲኔ ቦንቾስ ጊዳና፤ ታ ኢዚስ ኢሚዛ ዳሮ ዱሬቴፌኔ ሳሮቴፌ ዴንዲዳይሳን ኣሳይ ኢዚስ ያሻን ኮኮራና» ጌስ።

ኤርማሳ ቲንቢቴ 33:9 Iomraidhean Croise

2ታሪኬ ማጻፋ 20:29

GODAY Isra7eele morkketa olidayssa biitta bolla de7iza kawoteththati ubbay siyida wode istti Xoossas yayyida.

ናሂሚያ ማጻፋ 6:16

Nu yuushon diza kawoteththaa giddon diza nu morkketi oosozi Xoossi maaddiin polettidayssa siyidi keehi hirgidi yayyida.

ኣስቴሪ ማጻፋ 8:17

Kawoza awajjay gakkida deretaninne katamata ubbaan Ayhudatas ufayssinne miichcha, gibira gallassinne kaassa gallas gidides; hara kawoteththati ubbay Ayhudatas babbida gishshas Ayhudateththan laamettida.

ዬ ማጻፋ 130:4

Gido attiin nuni nena bonchchana mala neni nu nagara atto gaasa.

ዬ ማጻፋ 40:3

Izi ta doonan ooraththa mazamure woththides; he yeththay, «Nu Xoossay galatetto» gizaaza. Daroti be7idi yayyananne GODAAN ammanettana.

ኢሳያሳ ቲንቢቴ 43:21

Tani taas giigsida derey ta galataa awajjana mala ta hayssa ooththana.

ኢሳያሳ ቲንቢቴ 55:13

Agunththa gishshas xiidday, kindichcho gishshas barsineete geetettiza miththi mokkana; hessika GODAA hassa7issiza miishshi dhayontta mala mernaas malata gidana» gees.

ኢሳያሳ ቲንቢቴ 60:5

He wode ne be7ananne phoollana; ne wozinay ufayssan kumana; abban diza aqotay neekko yaana; kawoteththata dureteththi nees gidana.

ኢሳያሳ ቲንቢቴ 62:1

Izi xilloteththi maalado poo7o mala phoollanaashe gakkanaas, izi atoteththi xomppe mala poo7anaashe gakkanaas ta Xiyooni gishshas co7u giikke; Yerusalaame gishshassika sirphi giikke.

ኢሳያሳ ቲንቢቴ 62:12

Istti, «GODAY Wozzida Geeshsha dereta; nekka Yegetta Attonttaaro koyettiza Katamayo» geetettana.

ኢሳያሳ ቲንቢቴ 62:4

Hayssafe guye neni, «Azinay yeggi aggidaaro» geetettaka. Qasse ne biittayakka, «Yegetta attidaaro» geetettuku. Gido attiin, «Ta ufayssi izinna» geetettana; ne biittayakka, «Azinay dizaaro» geetettana; GODAY nenan ufayettana; ne biittayakka azinara dizaaro gidana.

ኢሳያሳ ቲንቢቴ 62:7

Izi Yerusalaame minththana gakkanaassinne biitta ubbaa bolla erettida katama ooththana gakkanaas izas shemppo immofte.

ኢሳያሳ ቲንቢቴ 64:2

Qayxare tamay haath penttisiza mala, ne morkketa matan ne sunththi erettana mala wodhdha; kawoteththatakka ne sinththan kokkorssa.

ኤርማሳ ቲንቢቴ 13:11

Danccoy asa xeessa baqqi oykkiza mala Yuhuda asay ubbaynne Isra7eele asay ubbay taakko shiphphi gaana malanne ta sunththas galatanne bonchcho immana mala ta ooththiin istti ta gizaaz siyibeettenna» gees.

ኤርማሳ ቲንቢቴ 16:19

Taas minoteththinne miixa gidada meto gallas ta shiiqa attizaso gidida GODAWU! Kawoteththati sa7a gaxaappe neekko yiidi, «Kase nu aawati bana aykkoka maaddontta eeqa xoossatas goynnida.

ኤርማሳ ቲንቢቴ 24:6

Tani lo7o ayfen istta xeellana; qasse tani istta zaarada ha biitta ehana. Ta istta giigsana attiin laallike; ta istta tokkana attiin shoddike.

ኤርማሳ ቲንቢቴ 26:6

tani ha Keeththaa Seelo mala ooththana; ha katamayokka sa7a bolla diza kawoteththa ubbaa sinththan qanggettidaaro histtana› gees ga» gides.

ኤርማሳ ቲንቢቴ 29:1

Nabe Ermaasi di7etti biidi hayqqontta shemppora paxa diza cimatas, qeesetas, nabetassinne Nabukadanaxoorey Yerusalaameppe di7idi Baabiloone efida hara as ubbaas Yerusalaameppe yeddida dabdaabbey hayssafe kaallidi xaafettidayssa.

ኤርማሳ ቲንቢቴ 3:17

He woden istti Yerusalaame, ‹GODAA araata› gi xeygana. Kawoteththa ubbaafe asay GODAA sunth bonchchanaas Yerusalaame shiiqana. Hessafe istti bantta iita wozina hanoteththaa kaallettenna.

ኤርማሳ ቲንቢቴ 3:19

GODAY, «Tani nena attuma nayta mala wostta woththanaakko, doorettida biittayonne ay kawoteththika demmontta lo7o biittayo nena laatissana qoppadis. Qasse tana, ‹Ta aawawu!› gaada xeygana misatides; tana kaallizasoppe guye simmontta misatadasa;

ኤርማሳ ቲንቢቴ 31:14

Tani qeeseta keeha anjjana; ta derezakka kiyateththi kaallana» gees.

ኤርማሳ ቲንቢቴ 31:4

Isra7eele derezoo! Tani inttena zaara keexxana; intteka keexettana. Intte karabe zaari denththidi ufayssan hombocizaytara intte hombocana.

ኤርማሳ ቲንቢቴ 32:42

Qasseka GODAY, «Tani ha deraa bolla hayssa wolqqama bash ubbaa ehida mala tani isttas lo7o ooththana gaada caaqqida qaala ubbaa polana.

ኤርማሳ ቲንቢቴ 33:14

«Tani Isra7eele asaassinne Yuhuda asas ooththana gida hidota qaala polana gallassati yaana.

ኤርማሳ ቲንቢቴ 4:2

intte tuman, suureteththaninne xilloteththan, ‹De7o GODAY beyiin!› giidi caaqqiko, he wode kawoteththati izan anjjettananne bonchchettana» gees.

ኤርማሳ ቲንቢቴ 44:8

Intte daanaas gelida ha Gibxe biittan hara eeqa xoossatas exaane cuwaseththan intte intte kushen medhdhida miishshatan tana ays hanqeththeetii? Biitta bolla diza kawoteththata ubbaa giddon qanggeththassinne qidhes malata gidana mala intterkka inttena dhayssana koyeetii?

ኤርማሳ ቲንቢቴ 49:25

Ta izin ufayettiza erettida katamaya waana yegetta attadee?

ሂዚቄላ ቲንቢቴ 26:20

beni wode asati gelida ollan wodhdhizaytara ta nena duge woththana; duge ollan gelizaytara ta nena issife beni laalettidi diza biitta garsan ta nena woththana; hessafe guye neni biitta bolla shemppora paxa dizayta garsan nees de7oso demmaka;

ሂዚቄላ ቲንቢቴ 36:35

Istti hayssi asi bayndasozi Edene Gannate misatides; dhayda, laalettidanne bulattida katamati asa duussasonne gimbettidaso gidida gaana.

ሂዚቄላ ቲንቢቴ 39:13

He biitta asay ubbay istta moogana; tani ta bonchcho bessiza wode isttas bonchcho gidana; tani Ubbaa Haariza GODAY hayssa yootays.

ሆሴኤ ቲንቢቴ 3:5

Hessafe guye Isra7eele derey GODAA ba Xoossaakonne ba kawo Dawitekko simmana. Wurseththa wode istti yashshan kokkorishe GODAAKKONNE iza anjjoko yaana.

ዛካራሳ ቲንቢቴ 1:17

«Kaaleththidikka kiitanchchazi, ‹Ubbaafe Wolqqama GODAY ta katamati keehi duretana; GODAY Yerusalaame kase mala maaddananne ba katama histti doorana› » gi awajjite.

ዛካራሳ ቲንቢቴ 12:2

«Tani Yerusalaame izo yuuyi aadhdhi diza deretas maththosiza woyne ushshu izan tigiza birille mala ooththana; Yerusalaame dooddana mala Yuhuda katamayokka dooddana.

ዛሬ ማጻፋ 30:5

Hessaththo hanidi kase intte aawata biittaa intte zaari laattana; izikka inttena kase intte aawatappe aaththi duresananne intte qooda darsana.