ኤርማሳ ቲንቢቴ 3:22 - Geeshsha Maxaafa

²² Istti, «Intteno ammanoy baynda asatoo! Taakko simmite. Intte ammanettana mala, tani inttena paththana» gides. Histtiin isttas, «Ero, nuni neekko simmana. Ays giikko neni GODAA nu Xoossa.

ጋሞ ማጻፋ

²² ኢስቲ፥ «ኢንቴኖ ኣማኖይ ባይንዳ ኣሳቶ! ታኮ ሲሚቴ። ኢንቴ ኣማኔታና ማላ፥ ታኒ ኢንቴና ፓና» ጊዴስ። ሂስቲን ኢስታስ፥ «ኤሮ፥ ኑኒ ኔኮ ሲማና። ኣይስ ጊኮ ኔኒ ጎዳ ኑ ጾሳ።

ኤርማሳ ቲንቢቴ 3:22 Iomraidhean Croise

Siiqo Saba 1:4

Tana nenara ekkada ba; haa ya, ane nam7ay issife woxxoos! Ta kawoo, tana ne quruxo giddo gelththa» gadus. «Izan nuni ay keena ufayettidonii! Nuni iza siiqo woyne ushshafekka aaththidi nashshoos. Tumukka maccassay ubbay nena siiqanaas bessees» gida.

ኢሳያሳ ቲንቢቴ 1:2

GODAY, «Salotoo siyite! biittayee nekka ezga siya! Tani nayta yelada dichcha gaththiin istti ta bolla makkallida.

ኢሳያሳ ቲንቢቴ 27:8

Olaninne di7on ne izo qaxxayadasa; arshey mokkiza bagga carkoy carkiza mala wolqqama gote carkon ne izo gooddadasa.

ኢሳያሳ ቲንቢቴ 31:6

Intteno Isra7eele asazoo! Intte keehippe makkallidayssaako simmite.

ኢሳያሳ ቲንቢቴ 57:17

Iza nagara gishshassinne iza yiiqeteththa gishshas ta hanqettadis; ta iza qaxxayadis; ta sinththaaka hanqon izappe genththadis; gido attiin ha7ikka simmidi izi ba ogen bides.

ኤርማሳ ቲንቢቴ 3:12

«Ba; baada pudeha baggas, ‹Hanne ammanoy baynda Isra7eelee simma! Tani maarotay kumidaade gidida gishshas nena iita ayfen xeellike; mernaaskka hanqettike› gees GODAY.

ኤርማሳ ቲንቢቴ 30:17

Inttena gidikko tani zaarada payyisana; intte madunththaaka paththana. Gaasoykka isttas, ‹Kadhettidaaro; oonikka koyontta Xiyoono› gida gishshassa» gees GODAY.

ኤርማሳ ቲንቢቴ 31:18

«Efreemey camo milas milalishin addafe ta siyadis; ‹Loohontta wofano mala tana qaxxayadasa; tanikka qaxxayettadis; neni GODAA ta Xoossa; neni tana zaara; tanikka simmana.

ኤርማሳ ቲንቢቴ 33:6

«Gido attiin tani izis paxateththinne payyateth zaara immana; ta derezakka paththana; ta istta daro saroteththaninne woppateththan woththana.

ኤርማሳ ቲንቢቴ 4:1

GODAY, «Isra7eele asawu! simmiko haa taakko simmite. Intte harassiza miishshata ta sinththafe diggiko, yayyontta minni eqqiko,

ሂዚቄላ ቲንቢቴ 18:30

«Hessa gishshas intteno Isra7eele asatoo! Hessa gishshas intte ooso ooso mala ta intte bolla pirdana; Ha7i maaroteththan gelite; intte nagaran dhayontta mala intte nagara ubbaafe simmite.

ሂዚቄላ ቲንቢቴ 33:11

Neni isttas Ubbaa Haariza GODAY, ‹Tani ta de7on caaqqays; istti ba ogeppe simmidi shemppora paxa daana mala attiin iita asata hayqon ta ufayettike; simmite! Intte iita ogeppe simmite! Isra7eele keeththa asatoo ays hayqqeetii?› gaada yoota.

ሆሴኤ ቲንቢቴ 13:4

GODAY, «Nena Gibxeppe kessiday tana GODAA ne Xoossa; nees taappe attiin hara Xoossi deenna; nena ashshiday taappe attiin hara xoos gidenna.

ሆሴኤ ቲንቢቴ 14:1

Isra7eele derezoo! Intte intte nagara gaason kundida gishshas GODAA intte Xoossako simmite.

ሆሴኤ ቲንቢቴ 14:4

GODAY, «Ta hanqoy istta bollafe simmida gishshas taas ammanettontta ixxida ta deraa ta paththana; ta istta coo mela siiqana.

ሆሴኤ ቲንቢቴ 14:5

Tani Isra7eele asaas puuse ira mala gidana; isttika lo7o ciishsha mala ciiyana; Libaanoose ziga mala xapho yeddana.

ሆሴኤ ቲንቢቴ 14:8

Efreemee! Taassinne eeqa xoossatas ay gaytoteththi dizee? Ne woosa siyizaynne nena naagizay tana; Tani ubba wode cilili uttida miththa mala; ne ayfizay taappe dendidayssanna» gees.

ሆሴኤ ቲንቢቴ 3:5

Hessafe guye Isra7eele derey GODAA ba Xoossaakonne ba kawo Dawitekko simmana. Wurseththa wode istti yashshan kokkorishe GODAAKKONNE iza anjjoko yaana.

ኢዩኤሌ ቲንቢቴ 2:12

GODAY, «Ha7ikka gidikko xooman yeehoninne ceecen intte kumeththa wozinappe ha taakko simmite.

ዛካራሳ ቲንቢቴ 13:9

He attida issi kushe asaa ta gede taman yeggana; bira taman geeshshiza mala ta geeshshana; worqqa malakka paaccana; istti ta sunth xeygana; tanikka isttas koyana; ta isttas, ‹Ta dereta› gaana; isttika, ‹Nu GODAA› gaana» gides.