ኤርማሳ ቲንቢቴ 22:21 - Geeshsha Maxaafa

²¹ Neni saro dishin ta nees minththa yootadis; gido attiin neni, ‹Siyikke› gadasa. Yelagateththafe doommiin ne ogey hayssa; neni taas azazettontta ixxadasa.

ጋሞ ማጻፋ

²¹ ኔኒ ሳሮ ዲሺን ታ ኔስ ሚን ዮታዲስ፤ ጊዶ ኣቲን ኔኒ፥ ‹ሲዪኬ› ጋዳሳ። ዬላጋቴፌ ዶሚን ኔ ኦጌይ ሃይሳ፤ ኔኒ ታስ ኣዛዜቶንታ ኢጻዳሳ።

ኤርማሳ ቲንቢቴ 22:21 Iomraidhean Croise

2ታሪኬ ማጻፋ 33:10

GODAY Minaasessinne iza asaas haasaydes; gido attiin istti iza haasayaa siyontta ixxida.

ዬ ማጻፋ 129:1

Isra7eele asay, «Morkketi tana yelagateththafe doommidi daro wode un7eththida.

ሌሚሶ ማጻፋ 30:9

Histtontta aggiko tani keeha kallada nena kaddana; ‹GODAY izi oonee?› gaana; woykko manqada kaysana; histtada tani Xoossa sunththaa caysana.

ኢሳያሳ ቲንቢቴ 48:8

Neni siyabeekka woykko erabeekka; ne hayththi benippeka doyettibeenna. Gaasoykka neni kasekka cimmizaadenne naateththafe doommada ne makkallanchcha geetettidayssa ta eradis.

ኤርማሳ ቲንቢቴ 13:10

Ta qaala siyontta ixxidi, bantta wozina muumeteththa kaallidi, eeqa xoossatas ooththanaassinne goynnanaas biza ha iita asay hayssa danccoza mala mulekka go7onttayssa gidana.

ኤርማሳ ቲንቢቴ 19:15

Ubbaafe Wolqqama GODAA Isra7eele Xoossay, ‹Siyite! Istti bantta wozina shuchchasidi ta qaala siyontta ixxida gishshas tani ha katamaa bollanne iza matan diza mooththata ubbaa bolla ehana gida iita miish ubbaa istta bolla ehana gays› gees» gides.

ኤርማሳ ቲንቢቴ 2:25

Ne tohoy argacana gakkanaas woxxofa; ne doonay saamon melana gakkanaas toylattofa; ne gidikko, «Coo daaburoppa; tani eeqa xoossata dosadis; tani istta kaallana» gadasa.

ኤርማሳ ቲንቢቴ 2:31

Intteno ha wode yeletatoo! GODAA qaala yuushshi qopite; «Tani inttes Isra7eele asaas bazzo mala woykko sakkanna dhumay diza biitta mala gidadinaa? Histtiin ays ta asay, ‹Nuni nu shene mala hanana; simmidikka neekko yookko› gizee?

ኤርማሳ ቲንቢቴ 25:3

«Yuhuda kawo Amoone naa Iyosiyaasi kawotida tammanne heedzdzanththo layththafe doommidi hach gakkanaas nam7u tammanne heedzdzu layth kumeth GODAA qaalay taakko yides. Histtiin tanikka zaara zaarada inttes yootadis; gido attiin intte siyontta ixxideta.

ኤርማሳ ቲንቢቴ 25:4

«GODAY ba aylle gidida nabeta ubbaa zaari zaaridikka intteko kiittides; gido attiin intte istta siyontta ixxideta; isttaskka wudu gontta ixxideta» gides.

ኤርማሳ ቲንቢቴ 25:7

GODAY, «Intte tana siyontta aggida gishshas intte kushey ooththida miish ubbaan tana hanqeththideta; histtidi intte bolla iita miish ehideta» gees.

ኤርማሳ ቲንቢቴ 25:8

Hessa gishshas Ubbaafe Wolqqama GODAY, «Intte ta qaalas azazettontta ixxida gishshas,

ኤርማሳ ቲንቢቴ 3:24

Nuni yelagateththafe doommiin nu aawati daaburi demmida ayfeta, istta dorsatanne meheta, istta macca naytanne attuma nayta tuna xoossati mi dhayssida.

ኤርማሳ ቲንቢቴ 3:25

Nuni yelagateththafe doommidi hach gakkanaas, nunikka nu aawatikka GODAA nu Xoossa bolla nagara ooththidos; GODAAS nu Xoossaas azazettibeekko; hessa gishshas ane nuni yeellateth gullunttidi ichchoos; qasse kawushshateththi nuna afala mala kammo» geettes.

ኤርማሳ ቲንቢቴ 32:30

GODAY, «Isra7eele asaynne Yuhuda asay bantta yelagateththafe doommidi ta sinththan iita miish ooththidaappe attiin hara issi lo7o miish ooththibeettenna; istti bantta kushen ooththida ooson tana hanqeththida.

ኤርማሳ ቲንቢቴ 35:15

Taas oosanchcha gidida nabeta zaara zaara intteko kiittadis; histtada, ‹Intte ubbayka intte iita ogeppe ha7i simmite; intte oosokka lo7eththite; eeqa xoossatas goynnoftenne ooththofte. Histtiko, tani GODAY inttessinne intte aawatas immida biittan intte daana› gadis. Intte gidikko intte hayth taakko yeggidi siyibeekketa.

ኤርማሳ ቲንቢቴ 48:11

«Mo7aabey yelagateththafe doommidi gacettontta tocera diza woyne ushsha mala woppan dees; otoppe oton laamettibeenna; izi di7etti bi erenna; iza mal7oy kase diza mala dees; iza sawoykka laamettibeenna.

ኤርማሳ ቲንቢቴ 6:16

GODAY, «Daggala oge bolla eqqi xeellite; beni ogeyo oychchite; Lo7o ogey awaarii? Izira biite; intte intte shemppos shemppo demmana; intte gidikko, ‹Nu izira bookko!› gideta.

ሂዚቄላ ቲንቢቴ 20:13

«Gido attiin Isra7eele asay bazzo biittan ta bolla makkallida. Asi naagidaakko shemppora paxa woththiza ta wogaa naagibeettenna; ta maaraa menththida; ta Sambataakka mulera tunisida. Histtiin tani ta hanqo istta bolla gussada bazzo biittan istta dhayssanaas qachchadis.

ሂዚቄላ ቲንቢቴ 20:21

«Istta nayti ta bolla makkallida; asi naagidi shemppora paxa daana mala ta immida maara kaallibeettenna; ta wogaa minni naagibeettenna; ta Sambataakka tunisida. Histtiin tani ta hanqo bazzon istta bolla gussadis; ta hanqoy polettana gakkanaas istta bolla ehanaas qachchadis.

ሂዚቄላ ቲንቢቴ 20:28

Tani isttas immana caaqqida biittaa istta eha gelththida wode dhoqqu gida zumbullata ubbaanne cililo mith ubbata be7ida; heen bantta yarsho yarshida; bantta kaththa yarsho shiishshidi, sawo tunnu giza exaane cuwasidi, ushsha yarshoka shiishshidi ta hanqo denththeththida› gees.

ሂዚቄላ ቲንቢቴ 20:8

«Istti issoy issoy gidikko ta bolla makkallida; ta yootizayssaka siyana koyibeettenna; istti bantta ayfeta istta bolla woththida tuna misleta diggibeettenna; Gibxe eeqa xoossatakka aggibeettenna. Hessa gishshas istti Gibxen dishin tani ta hanqo istta bolla gussana; polana gakkanaashe istta bolla yeddanaas qachchadis.

ሶፎናሳ ቲንቢቴ 3:2

Iza oonaska azazettuku; ooni zoriinkka ekkuku; GODAANKKA ammanettuku; ba Xoossakokka shiiqukku.

ዛካራሳ ቲንቢቴ 7:7

Yerusalaameynne izi achchan yuuyi aadhdhi diza katamati saroteththaninne dureteththan diza wode dugeha bagga zumata garsaninne arshey geliza baggan diza zumata garsan kase asi heen diza wode GODAY ba nabeta baggara yootida qaalay hayssa gidennee?› ga oychcha.»

ዛሬ ማጻፋ 31:27

Isra7eele asay ay mala makkallanchchakonne wozina muumekko ta erays; tani shemppora paxa isttara dishin istti GODAA bolla makkallizayti tani hayqqidaappe guye keehi makkallanchchata gidana.

ዛሬ ማጻፋ 9:24

Ta inttena eroosofe hanno gakkanaas intte GODAA bolla makkallida mala deeta.

ዛሬ ማጻፋ 9:7

GODAA intte Xoossaa bazzon intte wostti hanqeththidaakko balopite; intte Gibxeppe kezida gallassafe doommidi hanno gakkanaas intte GODAA intte Xoossaa bolla makkallideta.