ኤርማሳ ቲንቢቴ 20:12 - Geeshsha Maxaafa

¹² Abeet Ubbaafe Wolqqama GODAWU! xilloza paaccizayssoo! wozinanne kaha pilgga xeellizayssoo! tani ta mooto nees aaththa immida gishshas neni istta bolla halo kessishin ta ayfen be7anaas tana gaththa.

ጋሞ ማጻፋ

¹² ኣቤት ኡባፌ ዎልቃማ ጎዳዉ! ጺሎዛ ፓጪዛይሶ! ዎዚናኔ ካሃ ፒልጋ ጼሊዛይሶ! ታኒ ታ ሞቶ ኔስ ኣ ኢሚዳ ጊሻስ ኔኒ ኢስታ ቦላ ሃሎ ኬሲሺን ታ ኣይፌን ቤኣናስ ታና ጋ።

ኤርማሳ ቲንቢቴ 20:12 Iomraidhean Croise

2ታሪኬ ማጻፋ 24:22

Kawo Iyo7aasi Zakaraasa aaway Yoodahey baas ooththida kiyateththaa hassa7ontta aggidi iza naa Zakaraasa wodhisides; Zakaraasi hayqqishe, «GODAY hayssa be7idi halo kesso» gides.

ዬ ማጻፋ 11:5

GODAY xillotanne nagaranchchata pilggi xeellees. Gido attiin geellateththinne makkallateth siiqizayta izi keehippe ixxees.

ዬ ማጻፋ 139:23

Abeet Xoossawu! Ta wozina pilggada era; tana paaccada ta ceece qofaakka shaakka era.

ዬ ማጻፋ 17:3

Neni qamman tana xomosadasa; ta wozina paaccadasa; ne paaccidaa gidikkoka ta bolla aykkoka demmabeekka. Ta inxarsay iita haasaybeenna.

ዬ ማጻፋ 54:7

Ays giikko neni tana ta meto ubbaafe ashshadasa; ta morkketi kundishin ta ayfen beyadis.

ዬ ማጻፋ 58:10

Nagaranchchata bolla halo kessizayssa be7idi xilloti ufayettana. Iitata suuththan ba toho meecettana.

ዬ ማጻፋ 59:10

Ta Xoossay ba mernaa siiqon tanara gayttana; ta morkketa kundeth izi tana bessana.

ዬ ማጻፋ 62:8

Asoo! Ubbaa wode Xoossan ammanettite; izi nuus qotetti attizaso gidida gishshas intte wozina qofa izas yootite.

ዬ ማጻፋ 7:9

Qofanne wozina pilgga eriza xillo Xoossawu! Iitata geneza neni dhayssa; gido attiin xillota saron naaga.

ዬ ማጻፋ 86:4

Abeet Godawu! Tani wozinappe nena woossiza gishshas tana ne aylleza ufayssa.

ኢሳያሳ ቲንቢቴ 37:14

Hizqiyaasi dabdaabbeza kiitettida asatappe ekkidi nababides. GODAA Keeth ekki efidi GODAA sinththan miccides.

ኢሳያሳ ቲንቢቴ 38:14

Tani cirashanne haaththa kafo mala waassadis; haraphphe malakka guugumadis. Ta ayfeti pude salo xeellidi daaburda. Abeet Godawu, tani un7ettadis; neni tana hannife kessa!» gadis.

ኤርማሳ ቲንቢቴ 11:20

Wozinanne kilaho paacca xeelliza Ubbaafe Wolqqama GODAWU! Ta yo7ota nees immadis; neni istta bolla halo kessishin ta beyana.

ኤርማሳ ቲንቢቴ 12:8

Ta xinxxoya wora giddon diza gaammo mala ta bolla dendadus; ta bollaka xaaggadus; hessa gishshas tani izo ixxadis.

ኤርማሳ ቲንቢቴ 17:10

Tani GODAY as ubbaas iza oge malanne iza ooso mala immanaas asaa wozina pilggayssinne iza kaha paaccays» gees.

ኤርማሳ ቲንቢቴ 17:18

Tana yedeththizayti yeellatetto; tana yeellasoppa; istti dagammetto; gido attiin tana dagamappe qotta; istta bolla iita gallas eha; istta bolla dakko bash eha.

1ጴጽሮሳ ኪታ 2:23

Asay iza cayishin izi zaari cayibeenna. Waayettishe bana tumu pirdiza Godaas hadara aaththi immides attiin halo kessana mandibeenna.

1ጴጽሮሳ ኪታ 4:19

Hessa gishshas Xoossa shene mala waayettiza asati banateththaa ubbaa ammanettida bana medhdhidayssas hadara immidi lo7o ooso ooththontta aggofetto.

ዮሃኒሳ ኣጁታ 18:20

Salozoo! Izi gaason ne ufayetta; Xoossi intte gishshas izi bolla pirdida gishshas intte geeshshati, Hawaaretinne nabetikka ufayettite.

ዮሃኒሳ ኣጁታ 2:23

Tani izi nayta hayqon qaxxayana; asa qofanne asa amo shaakka erizay tana gididayssa woosa keeththati wuri erana; tani inttes issaas issaas izaade ooso mala immana.

ዮሃኒሳ ኣጁታ 6:10

Istti dhoqqa qaalan, «Geeshshanne tumanchcha Godawu! Neni biitta bolla diza asaa bolla pirdonttaynne nu suuththaa gishshas ne halo kessonttay ayide gakkanaassee?» gi waassida.

1ሳሜላ ማጻፋ 1:15

Haannayka izas, «Ta godawu ta maththottabeekke; tani keehippe wozinay meqqida maccassa; hessa gishshas tani ta wozina GODAA sinththan miccayssife attiin woyne ushshu gidiin woykko hara maththosiza ushshu ta uyabeekke.