ኤርማሳ ቲንቢቴ 2:7 - Geeshsha Maxaafa

⁷ Intte izi ayfenne izi anjjo maana mala tani inttena aradda biitta ehadis; gido attiin intte yiidi ta biitta tunisideta; ta xinxxoyo harasettana mala ooththideta.

ጋሞ ማጻፋ

⁷ ኢንቴ ኢዚ ኣይፌኔ ኢዚ ኣንጆ ማና ማላ ታኒ ኢንቴና ኣራዳ ቢታ ኤሃዲስ፤ ጊዶ ኣቲን ኢንቴ ዪዲ ታ ቢታ ቱኒሲዴታ፤ ታ ጺንጾዮ ሃራሴታና ማላ ኦዴታ።

ኤርማሳ ቲንቢቴ 2:7 Iomraidhean Croise

ናሂሚያ ማጻፋ 9:25

Qasse lo7i gimbettida katamatanne aradda biitta, lo7o miish isttan kumida keeththata, haaththa ollatanne woyne atakiltey tokettiza gade, wogara miththatanne daro ayfe ayfiza miththata laattida; Miidinne uyidi modhdhida; neni ne kiyateththan immida lo7o miishshan wuri ufayettida.

ናሂሚያ ማጻፋ 9:26

«Gido attiin istti ne bolla makkallida; ‹Ne qaalaska azazettoko› gida; ne wogaa siyokko giidi nees zokko zaarida; qasse istti neekko zaarana giidi seeri tamaarsida nabeta wodhida; ubba wode ne bolla cashsha qaala haasayda.

ኢሳያሳ ቲንቢቴ 19:25

Ubbaafe Wolqqama GODAY isttas, «Ta dere Gibxey, ta kushey medhdhida Asoorey, ta xinxxo Isra7eeley anjjettidayta gidetto» gi anjjana.

ኤርማሳ ቲንቢቴ 16:18

Istti ta biittaa aha mala gidida harassiza eeqa xoossatan tunisida gishshassinne ta xinxxoka yeellachchiza miishshatan kunththida gishshas tani istti ooththida qohoza gishshassinne nagara gishshas nam7u kushe qaxxayana» gees.

ኤርማሳ ቲንቢቴ 3:1

«Issi asi ba keeththaayo anjji yeddiin iza baada hara azina gelikko, kase anjji yeddidaadey simmi izikko bizee? izi biikko he biittaya mule tunekkee? Neni gidikko ne siiqiza cora laggetara laymatadasa; histtadakka ha7i neni taakko simmana koyay?» gees.

ኤርማሳ ቲንቢቴ 3:2

«Ane dhoqqu gaada aykkoy baynda zumbullata xeella; neni laymas ichchonttasoy hessan dizee? Bonqqana bazzon uttida panga mala oge doonan uttada ne laggeththota naagadasa; histtada neni laymateththaninne iitateththan biittayo tunisadasa.

ኤርማሳ ቲንቢቴ 3:9

Ba kawushshateththan biitta tunisadus; miththarakka shuchcharakka laymatadus.

ኤርማሳ ቲንቢቴ 32:23

Histtiin istti he biittaa gelidi laattida; gido attiin nees azazettibeettenna; ne wogaakka naagibeettenna; istti ooththana mala neni azazidayssa ubbaaka ooththibeettenna; hessa gishshas neni istta bolla ha bosha ubbaa ehadasa.

ኤርማሳ ቲንቢቴ 32:30

GODAY, «Isra7eele asaynne Yuhuda asay bantta yelagateththafe doommidi ta sinththan iita miish ooththidaappe attiin hara issi lo7o miish ooththibeettenna; istti bantta kushen ooththida ooson tana hanqeththida.

ሂዚቄላ ቲንቢቴ 20:24

Gaasoykka istti maara kadhida; ta wogaa naagibeettenna; ta Sambata tunisida; istta ayfey istta aawata eeqa xoossatara shiddides.

ሂዚቄላ ቲንቢቴ 20:28

Tani isttas immana caaqqida biittaa istta eha gelththida wode dhoqqu gida zumbullata ubbaanne cililo mith ubbata be7ida; heen bantta yarsho yarshida; bantta kaththa yarsho shiishshidi, sawo tunnu giza exaane cuwasidi, ushsha yarshoka shiishshidi ta hanqo denththeththida› gees.

ሂዚቄላ ቲንቢቴ 20:6

‹Tani istta Gibxe biittafe kessada ubbaafe lo7o gidida maaththinne eessi goggiza biitta ta isttas giigsa woththida biitta gelththana› gaada caaqqadis.

ሂዚቄላ ቲንቢቴ 23:35

«Hessa gishshas Ubbaa Haariza GODAY, ‹Neni tana dogida gishshassinne taas zokko zaarida gishshas neni ne laymateththaanne ziita gate tookkana› gees» gides.

ሂዚቄላ ቲንቢቴ 36:17

«Haysso asa nawu! Isra7eele asay bantta biittan diza wode bantta oosoninne bantta duussan biittayo tunisida; maccassay agina wogay yiza wode tuniza mala istta kandoy ta sinththan tuna.

ሆሴኤ ቲንቢቴ 9:3

Isra7eele derey GODAY isttas immida biittan uttenna. Efreemey duge Gibxe simmana; Asoorekka biidi tunida kath maana.

ሚኪያሳ ቲንቢቴ 2:10

Dendidi hessafe kichchite; hessi inttes shempposo gidenna; gaasoykka tunidessinne daro moorettides.

ታይቦ ማጻፋ 13:27

Istti Muses, «Nuni biittayo xomosi be7idi addafekka iza maaththinne eessi kumida dure dere gididaaro nu shaakki eridos; he biittaya immiza ayfeza hayssa beya.

ዛሬ ማጻፋ 21:23

miththa bolla kaqetti hayqqida asi Xoossi qanggidaade gidida gishshas iza ahay miththa bolla kaqetti aqopo; GODAA intte Xoossay inttes immiza biitta tunisontta mala hayqqida ahaza he gallas moogite.

ዛሬ ማጻፋ 32:9

«Isra7eeley GODAAS gisha; Yaaqoobeykka izas buzo miishsha.

ዛሬ ማጻፋ 6:18

Inttes ubba miishshi lo7o gidana mala GODAA sinththan intte suurenne lo7o ooththite; histtiko inttes immanaas GODAY intte aawatas qaala gelida he lo7o biittayo intte laattana.