ኤርማሳ ቲንቢቴ 2:6 - Geeshsha Maxaafa

⁶ Isttika, ‹Nuna Gibxeppe kessiday, bazzon samida ogera, kundukurcco biittara, melanne dhuma biittara, asi aadhdhonttasora nuna kaaleththi ehida GODAY awan dizee?› gi oychchibeettenna.

ጋሞ ማጻፋ

⁶ ኢስቲካ፥ ‹ኑና ጊብጼፔ ኬሲዳይ፥ ባዞን ሳሚዳ ኦጌራ፥ ኩንዱኩርጮ ቢታራ፥ ሜላኔ ማ ቢታራ፥ ኣሲ ኣንታሶራ ኑና ካሌ ኤሂዳ ጎዳይ ኣዋን ዲዜ?› ጊ ኦይቺቤቴና።

ኤርማሳ ቲንቢቴ 2:6 Iomraidhean Croise

2ካዎታ ማጻፋ 2:14

Eelaasappe wodhdhida kaabbaan haaththaa shocishe, «GODAY Eelaasa Xoossay awan dizee?» gides; izi haaththaa shociin hadirsinne ushach shaaketti wodhdhiin pinnides.

ኢዮቤ ማጻፋ 3:5

Shaarumaninne girdi gida dhuman kamettidayssa gido; shaaray kammiin dhumay iza poo7o mitto.

ኢዮቤ ማጻፋ 35:10

Gido attiin isttafe oonikka, ‹Tana medhdhida Xoossay awanee? Leela giddoth mazamure immizayssi awanee?

ዬ ማጻፋ 23:4

Neni ta GODAY tanara diza gishshas tani girdi gida dhuma shoobba giddora biikkoka iita miishshas babbike. Ne guufeynne gatumay tana minththeththees.

ዬ ማጻፋ 77:5

Tani aadhdhida wodeta qoppadis; kase aadhdhida layththatakka hassa7adis.

ኬሳ ማጻፋ 20:2

«Nena Gibxeppe aylleteththa biittafe kessida GODAA ne Xoossay tana.

ኢሳያሳ ቲንቢቴ 63:9

Istta meto ubbaan ceecides; Iza duussaa erisiza kiitanchchay istta ashshides; izi ba siiqoninne ba maaroteththan istta wozzides. Kase aadhdhida wode ubbaan istta denththidesinne tookkides.

ኢሳያሳ ቲንቢቴ 64:7

Oonikka woosan ne sunth xeygenna; nena oykkana paaccizaykka deenna; neni ne ayfeso nuuppe genththadasa; nu nagaray nuna dhayssana mala aggadasa.

ኤርማሳ ቲንቢቴ 13:16

Izi dhuma ehontta dishin dhumida zumata bolla intte tohoy dhuphettontta dishin GODAAS intte Xoossas bonchcho immite; Intte, «Poo7oy yaana» giidi naageeta; gido attiin izi dhuman laammana; sakkanna dhuma ooththana.

ኤርማሳ ቲንቢቴ 2:2

«Ba! Baada waassa; Yerusalaame asaa hayththan sissa; GODAY, ‹Neni naateteththan ay keena ammanettidaakko, qasse neni buro mishiran dashe tana ay keena siiqidaakko, zereththi zerettontta bazzo biittan ne wostta kaallidaakko ta akeekays.

ኤርማሳ ቲንቢቴ 2:8

Qeesetikka, ‹GODAY awan dizee?› gi oychchibeettenna; Ta wogay istta kushen diza asatikka tana eribeettenna. Dere kaaleththizaytikka ta bolla makkallida. Nabeti Ba7aale sunththan tinbite yootida; go7ontta miishshatakka kaallida» gides.

ኤርማሳ ቲንቢቴ 5:12

Istti GODAA bolla wordo haasayda; «Izi nuna aykkoka ooththenna; iita miishshika nu bolla gakkenna; olanne kosha nuni mulekka be7okko.

ኤርማሳ ቲንቢቴ 5:2

Gido attiin isttas, ‹GODAY beyiin› gi caaqqikokka istti tumappe wordo caaqqeettes» gees.

ኤርማሳ ቲንቢቴ 51:43

Izi katamati asi bayndaso, asi mokki xeellonttaso, melanne bazzo biitta, aykkoy baynda bula biitta gidana.

ሆሴኤ ቲንቢቴ 12:13

GODAY nabe baggara Isra7eele Gibxeppe kessides, nabeza baggara istta ishalsi oykkides.

ሆሴኤ ቲንቢቴ 13:4

GODAY, «Nena Gibxeppe kessiday tana GODAA ne Xoossa; nees taappe attiin hara Xoossi deenna; nena ashshiday taappe attiin hara xoos gidenna.

ኣሞጼ ቲንቢቴ 2:10

Tani inttes Amoore dere biitta immanaas inttena Gibxeppe kessadis; oyddu tammu layth kumeth bazzora kaaleththa ehada laatissadis.

ዛሬ ማጻፋ 1:19

«Hessafe guye nu GODAY nuna azazida mala Siina zumaappe dendidi intte be7ida iita bazzozara kanththidi Amoore deren shaara menththora aadhdhi biidi Qaadeese Barine gakkidos.

ዛሬ ማጻፋ 32:10

«Aykkoyka baynda bazzon carkoy punniza biittaan iza demmides; izas gondalle gidides; ba ayfe ciro mala iza naagides.

ዛሬ ማጻፋ 8:2

GODAA intte Xoossay inttes immida azazota intte naagizaakkonne naagonttaakko intte wozinan diza qofa eranaas, inttena paaccanaassinne inttena ashkesanaas oyddu tammu layth kumeth meto giddora aaththidi izi inttena wostti wostti kaaleththidaakko ane yuushshi qopite.

ዳናታ ማጻፋ 6:13

Geedoonikka iza, «Ta godoo! GODAY nunara dizaa gidikko ha meto ubbay nuna ays gakkidee? Nu aawati, ‹GODAY nuna Gibxe biittafe kessides› giidi nuus yootida malalisiza iza oosoti ubbay awan dizoo? Ha7i gidikko GODAY nuna mulekka aggides; Midiyaame asaa kushenkka aaththi immides» gides.