ኤርማሳ ቲንቢቴ 2:19 - Geeshsha Maxaafa

¹⁹ Ne iitateththi ne bolla qixaate gaththana; ne tana kaddoyssi ne bolla hanqo ehana. GODAA ne Xoossaa ne aggishin, taas yashshateth ne wudu gontta ixxishin ay mala iitaynne camo miishshi ne bolla gakkanaakko qoppa; ane akeeka» gees.

ጋሞ ማጻፋ

¹⁹ ኔ ኢታቴ ኔ ቦላ ቂጻቴ ጋና፤ ኔ ታና ካዶይሲ ኔ ቦላ ሃንቆ ኤሃና። ጎዳ ኔ ጾሳ ኔ ኣጊሺን፥ ታስ ያሻቴ ኔ ዉዱ ጎንታ ኢጺሺን ኣይ ማላ ኢታይኔ ጫሞ ሚሺ ኔ ቦላ ጋካናኮ ቆፓ፤ ኣኔ ኣኬካ» ጌስ።

ኤርማሳ ቲንቢቴ 2:19 Iomraidhean Croise

1ካዎታ ማጻፋ 18:18

Eelaasi Akaabes, «GODAA azazo aggidi Ba7aale eeqatas goynnidi biittaa bul7akizay nenanne ne aawaa soo asaa attiin Isra7eele biittaa bul7akizay tana gidikke.

2ታሪኬ ማጻፋ 12:5

Hessafe guye nabe Shama7ey Shiishaaqes babbidi Yerusalaamen shiiqi uttida Yuhuda kaaleththizaytakkonne Erobi7aamekko yiidi, «GODAY, ‹Intte tana aggideta; hessa gishshas tanikka inttena Shiishaaqe kushen aaththa immadis› gees» gides.

2ታሪኬ ማጻፋ 21:10

He wodeppe doommidi hach gakkanaas Eedoome asay Yuhuda asaas haarettibeenna. Iyoraamey ba aawata GODAA aggida gishshas Libina asay qasse he wode Yuhuda kawo bolla makkallides.

2ታሪኬ ማጻፋ 25:16

Nabezi yooto bolla dishin kawozi, «Neni kawo zorana mala nuni nena dooridonii? Co7u giikkii! Hayqqana koyay?» gides. Histtiin nabezi co7u gi ekkidi, «Neni hayssa ooththida gishshassinne tani nena zoridayssa ne siyontta gishshas Xoossi nena dhayssana qachchidayssa tani erays» gides.

ዬ ማጻፋ 36:1

Iita asi ba wozinan gene qoppees; iza giddon Xoossas yashshateththi deenna.

ኬሳ ማጻፋ 33:6

Isra7eele asay Siina zumaappe doommidi ba alleqo miishshaa kessi woththides.

ሌሚሶ ማጻፋ 1:31

Hessa gishshas istti bantti ooththida ooso ayfeza maana; bantti qoppida qofa ayfekka kallana.

ሌሚሶ ማጻፋ 1:32

Wozinay paccidayta aadho erateththafe haakoy istta wodhana; balata wuda dhayoy istta dhayssana.

ሌሚሶ ማጻፋ 5:22

Nagaranchcha izi ooththida nagaray zaari oykkees. Iza nagara gitey iza qachchees.

ኢሳያሳ ቲንቢቴ 3:9

Istta ayfesoy istta bolla markkattees; istti Sodoome asaa mala bantta nagaraa qottontta qonccen haasayeettes; istti bantta bolla iita miish ehiza gishshas isttas aayye ana!

ኢሳያሳ ቲንቢቴ 5:5

Ha7i tani ta woyne tokkiza gadeza bolla ooththanaaz inttes yootays. Dirsaa shoddana; izikka dhayana mala ooththana; Tani gimbeza laallana; he sohoykka durettana.

ኢሳያሳ ቲንቢቴ 50:1

GODAY, «Tani intte aayo anjja yeddida waraqatay awan dizee? woykko ta inttena ay tal7a ekkidaades bayzadinaa? Be7ite intte intte nagara gishshas bayzettideta; intte mooro gishshas intte aaya anjjetta badus.

ኤርማሳ ቲንቢቴ 1:16

«Yuhuda asay tana aggidi, hara eeqa xoossatas exaane cuwasida gishshas, ba kushen ooththi kessidayta goynnida gishshas ta deraa bolla pirdaa awajjadis.

ኤርማሳ ቲንቢቴ 13:22

Neni ne wozinan, ‹Hayssi ubbay ta bolla ays gakkidee?› giikko, ne may7oy qaarettiin ne sugettiday, ne asa kushen waaye be7iday ne nagaray darida gishshassa.

ኤርማሳ ቲንቢቴ 2:17

Oge nena kaaleththizayssa GODAA ne Xoossa aggada hayssa ne bolla ehiday nena gidikkii?

ኤርማሳ ቲንቢቴ 3:22

Istti, «Intteno ammanoy baynda asatoo! Taakko simmite. Intte ammanettana mala, tani inttena paththana» gides. Histtiin isttas, «Ero, nuni neekko simmana. Ays giikko neni GODAA nu Xoossa.

ኤርማሳ ቲንቢቴ 4:18

Ne hanoynne ne oosoy hessa ne bolla ehides; hessi nees qixaate; hessika ay mala cammizaazee! ay mala wozina menththizaazee!» gees GODAY.

ኤርማሳ ቲንቢቴ 5:22

Intte taas yayyanaas bessennee? Intte ta sinththan kokkoranaas bessennee? Ays giikko izi mernaas kanththi bontta mala, tani ancco abbas zawa ooththadis. Dambalay bulakettikokka zawappe aadhdhenna; Izi guummikkoka pinnanaas dandayenna.

ኤርማሳ ቲንቢቴ 5:24

Istti bantta wozinan, ‹Nuus sila iranne gabba ira woden woden bukissiza, kaththa shiishsho wode nuus wodera ehiza GODAA nu Xoossaas ane yayyoos› gibeettenna.

ኤርማሳ ቲንቢቴ 5:6

Hessa gishshas gaammoy worappe kezidi istta menththereththana; kana suytey bazzofe kezidi istta puuzereththana; Maahey istta katamata yuusho zamadi naagana. He katamatappe keziza ubbaa izi puuzana. Gaasoykka istta makkallateththinne kaddoy darides.

ኤርማሳ ቲንቢቴ 7:19

Istti hayssa ubbaa ooththizay tana qohanaasee? Hayssan qohettidi yeellatanay bantta hu7es istta gidettennee?» gides.

ኤርማሳ ቲንቢቴ 8:5

Histtiin hayssi derezi ays guye simmi bizee? Yerusalaamey ays ubbato guye simmazee? Istti gene ooso minththi oykkida; simmanaaska koyettenna.

ሂዚቄላ ቲንቢቴ 23:30

Gaasoykka neni kawoteththatara laymatanaas amottada istta eeqa xoossatan tunadasa.

ሂዚቄላ ቲንቢቴ 39:24

Istta tunateththaa malanne istta qohoza mala ta istta bolla pirdadis; ta ayfesokka ta isttafe genththadis.

ሆሴኤ ቲንቢቴ 11:7

Ta derey taappe haakkanaas koyides; gidikkoka istti taakko Ubbaafe Wolqqama Xoossako waassiko ta istta ashshike.

ሆሴኤ ቲንቢቴ 13:9

«Isra7eele derezoo! Ne ta bolla dendida gishshassinne nena maaddiza tanara ne eqettida gishshas ne dhayana;

ሆሴኤ ቲንቢቴ 14:1

Isra7eele derezoo! Intte intte nagara gaason kundida gishshas GODAA intte Xoossako simmite.

ሆሴኤ ቲንቢቴ 4:16

Isra7eele derey makkallanchcha ussa mala makkallides; histtiin GODAY istta dorsa laaqqata mala lo7oson wostti heemmanee?

ሆሴኤ ቲንቢቴ 5:5

Isra7eele asaa otoroy istta bolla simmi markkattees. Istti bantta nagaran dhuphettana. Yuhudaykka isttara issife dhuphetti kundana.

ሆሴኤ ቲንቢቴ 7:2

Gido attiin tani hayssa istta iitateththaa wursa erizayssa istti akeekibeettenna. Hessa gishshas istta istta nagaray giddoththi woththides; istta iita oosoy taappe geemmibeenna» gees.

ሆሴኤ ቲንቢቴ 9:1

Isra7eele asawu! Ufayettofte! Hara kawoteththata mala ufays nococu goopite! Ays giikko intte intte Xoossas ammanettibeekketa; kaththa bale ubbaan laymateththas

ኣሞጼ ቲንቢቴ 8:10

Intte layththan layththan bonchchiza ba7aaleza yeehon laammana; intte yexxiza yeththaaka waason laammana; diza pexi issi nay hayqqiin camo yeeho yeekkiza asa mala intte intte hu7e binana buucidi maaqa may7ana mala tani inttena ooththana; he wurseththa gallassay camo gallas gidana.

ሚኪያሳ ቲንቢቴ 1:5

Hessi wuri hananay Yaaqoobey ooththida mooro gishshassinne Isra7eele nayta nagara gishshassa; Isra7eele asay iita ooththanaas gaaso gididay oonee? Izis waanna katamayo Samaariya gidekkee? Yuhuda asay eeqa goynnidi nagara ooththana mala gaththiday oonee? Yerusalaame gidekkee?

ዛካራሳ ቲንቢቴ 7:11

«Istti qasse siyana koyibeettenna; zokko zaaridi ba hayth tuccida.

ኦሮሜ ኣሳስ 3:18

Istta ayfeson Xoossas yashshateththi baa» geetetti xaafettida mala.

ዳናታ ማጻፋ 10:13

Gido attiin intte tana aggidi hara xoossatas goynnideta; hessa gishshas tani inttena mulekka ashshike.