ኤርማሳ ቲንቢቴ 2:15 - Geeshsha Maxaafa

¹⁵ Gaammoti iza bollan xaaggida; istti bantta qaala dhoqqu histtidi iza bolla garmamida; istti iza biitta bula kessida; iza katamatikka xuugettidanne kayzida.

ጋሞ ማጻፋ

¹⁵ ጋሞቲ ኢዛ ቦላን ጻጊዳ፤ ኢስቲ ባንታ ቃላ ቁ ሂስቲዲ ኢዛ ቦላ ጋርማሚዳ፤ ኢስቲ ኢዛ ቢታ ቡላ ኬሲዳ፤ ኢዛ ካታማቲካ ጹጌቲዳኔ ካይዚዳ።

ኤርማሳ ቲንቢቴ 2:15 Iomraidhean Croise

ኢዮቤ ማጻፋ 4:10

Iitati gaammo mala xaaggana; ba qaala dhoqqu ooththidi waassana; Xoossi gidikko isttas achchaa menththereththana.

ዬ ማጻፋ 57:4

Tani ta morkketa giddon, as puuzidi miza gaammo misatizayta giddon days. Istta achchay tooranne wondafe yiishshaa mala; istta inxarsayka qara mashsha mala.

ኢሳያሳ ቲንቢቴ 1:7

Intte derey aykkoy baynda bazzo gidana; intte katamati taman xuugettana; intte ayfey xeellishin intte biitta allagay bonqqi ekkana; istti intte biitta bula kessana.

ኢሳያሳ ቲንቢቴ 24:1

Be7ite! GODAY biittaa bula kessana; mulera dhayssana; budheththa doore histtana; izin diza asaa laallana.

ኢሳያሳ ቲንቢቴ 5:29

Istta xaagoykka gaammo xaago mala; wodalla gaammota mala xaaggeettes; banttas miza miish shankkati oykkidi xaaggeettes; istti oykkidayssa tookki ekki beettes; isttafe woththi ekkanay oonikka deenna.

ኢሳያሳ ቲንቢቴ 5:9

Ubbaafe Wolqqama GODAY tani ta hayththara siyishin, «Gita keeththati kayzi attana; he lo7o keeththatan de7anaas asi dhayana.

ኢሳያሳ ቲንቢቴ 6:11

Tanikka, «Abeet Godawu! Hayssi ayde gakkanaas hananee?» gadis. Izikka zaaridi taas, «Katamati isttan de7iza asi dhayiin istti laalettana gakkanaas, keeththatikka ubbay kayzana gakkanaassinne biittayka mulera aykkoy baynda bula gidana gakkanaassa.

ኤርማሳ ቲንቢቴ 10:22

Siyite! Iita yo7oy yuussa bolla dees; hessi, «Pudeha baggara diza kawoteththan gita bul7aketeththi yuussan dees» gizayssa. Iza olanchchati yiidi Yuhuda katamata bazzonne worakanata duussaso kessana.

ኤርማሳ ቲንቢቴ 25:30

Hessa gishshas GODAY Ermaasas, «Ha qaala ubbaa istta bolla tinbite yoota; ‹GODAY bollafe waassana; ba diza geeshsha sohoppe dadattiza ba gunththaa sissana; izi ba biitta bolla keehi waassana; woyne maxishe yexxiza mala sa7an diza ubbaa bolla izi guummana.

ኤርማሳ ቲንቢቴ 25:9

tani pudeha bagga deraa ubbaanne ta aylle gidida Baabiloone kawo Nabukadanaxoore xeygana. Histtada istta ha biitta bolla, ha biittan diza asaa bollanne heeran diza kawoteththata ubbaa bolla ehana; tani inttena mulera dhayssana; qasse mernaas asi kadhizanne qidhiza bula kessana.

ኤርማሳ ቲንቢቴ 26:9

Neni, ‹Hayssi Keeththazi Seelo mala gidana; qasse hanna katamaya bulanne kays gidana› gaada GODAA sunththan ays tinbite yootay?» gida. Histtidi GODAA Keeththan shiiqida asay ubbay Ermaasa giddoththides.

ኤርማሳ ቲንቢቴ 33:10

GODAY, «Intte, ‹Hanna ha sohoya asinne medosati bayndaso› geeta; gido attiin asinne medosati baynda bula gidida Yuhuda katamataninne Yerusalaame ogetan qasse cenggurssi seetettana.

ኤርማሳ ቲንቢቴ 34:22

Tani istta azazana; istti ha katamayo olana mala tani zaara ehana; isttika katamayo oli oykkananne taman xuuggana; tani Yuhuda katamata asi bayndaso bula kessana» gees.

ኤርማሳ ቲንቢቴ 4:7

Gaammoy ba dizasoppe kezides; kawoteththata dhayssizay kiitettides; ne biittayokka bulasanaas ba dizasoppe kezides; ne katamati laalettana; kundidikka kayzi attana.

ኤርማሳ ቲንቢቴ 44:22

Intte ooththida iitanne harassiza ooso GODAY co7u gaanaas dandayontta gishshas hach intte be7iza mala intte biittay qanggeththas malata, asi baynda bazzo biitta gidides.

ኤርማሳ ቲንቢቴ 5:6

Hessa gishshas gaammoy worappe kezidi istta menththereththana; kana suytey bazzofe kezidi istta puuzereththana; Maahey istta katamata yuusho zamadi naagana. He katamatappe keziza ubbaa izi puuzana. Gaasoykka istta makkallateththinne kaddoy darides.

ኤርማሳ ቲንቢቴ 50:17

«Isra7eeley gaammoy gooddidi laallida wude mala gidides; koyro Asoore kawoy puuzerethi mides; guyeppe Baabiloone kawo Nabukadanaxoorey meqeththaa dhoggides» gees GODAY.

ኤርማሳ ቲንቢቴ 51:38

Izin diza asay wodalla gaammo mala xaaggees; gaammo mara mala daarees; istti ho7etti dendettishin ta isttas gibira giigsana; istti maththottana mala ooththana.

ኤርማሳ ቲንቢቴ 6:8

Hanne Yerusalaame naagetta; ne akkay giikko ta neeppe shaakettana; qasse ne biittaaka bulasana» gees.

ኤርማሳ ቲንቢቴ 9:10

Tani dhoqqa deretas yeekkananne waassana; bazzon heenththasohotas kayottana. Gaasoykka istti dhayda; heera issi asinne kanththenna. Mehe waasoy siyettenna; salo kafotinne do7ati baqatidi bichchida.

ኤርማሳ ቲንቢቴ 9:11

GODAY, «Yerusalaame katama tani budhetti kayzidasonne worakanati kaa7izaso ooththana. Yuhuda katamatakka asi bayndaso bula kessana» gees.

ሂዚቄላ ቲንቢቴ 36:3

Hessa gishshas neni tinbite yoota; Ubbaa Haariza GODAY, ‹Ubbaa baggara dooddidi olishe inttena qohida gishshas hankko attida kawoteththatas intte xinxxo gidideta; deretasikka miichchassinne qidhes gidideta› gees ga.

ሂዚቄላ ቲንቢቴ 5:14

«Ne yuushon diza kawoteththata giddon ne matara aadhdhiza ubbaa sinththan tani nena bulasananne qidhes aaththa immana.

ሆሴኤ ቲንቢቴ 11:10

«Tani GODAY istta ashshanaas xaaggiza gaammo mala tani ta qaala sissishin istti tana kaallana; ta nayti kokkorishe arshey mokkiza baggafe yaana.

ሆሴኤ ቲንቢቴ 5:14

Hessafe dendidayssan tani Isra7eeles gaammo mala Yuhudaska wodalla gaammo mala gidana; ta istta nififi histta menththereththa yeggana; bonqqa ekkada baana; oonikka istta ta kusheppe ashshanaas dandayenna.

ኣሞጼ ቲንቢቴ 3:12

GODAY, «Heenththanchchay gaammo doonappe dors woththi ekkiza wode dorsas nam7u gedata woykko duuxa hayththata woththi ekkiza mala Samaariya biittan ishalon uttida Isra7eele asaappe guuththati xalla attana» gees.

ኣሞጼ ቲንቢቴ 3:4

Gaammoy wora giddon aykko miza miish shankkati demmontta dishe coo mela xaaggi erizee? Wodalla gaammoy aykko miza miish demmontta dishe ba dizason coo mela ba qaala sissi erizee?

ኣሞጼ ቲንቢቴ 3:8

Gaammoy xaaggiin siyidi dagammonttay oonee? GODAY ba xuura izas yootiin tinbite haasayonttay oonee?

ናሆሜ ቲንቢቴ 2:11

Gaammoti kase de7iza gongoloy, istta marati mizasoy, macca gaammoynne adde gaammoy bizasohoy, istta marati hirgay baynda mizasoy ha7i awan dizee?

ሶፎናሳ ቲንቢቴ 1:18

GODAA bashsha gallas istta biraynne worqqay istta ashshanaas dandayenna. Biittay kumeth iza hanqon dhayana; iza zil7eteththa suulen biitta ubbay xuugettana; biitta bolla diza ubbaa bolla qoppontta dishin wurseth ehana» gees GODAY.

ሶፎናሳ ቲንቢቴ 2:5

Intteno abba achchan dizaytoo! Kelite dere asatoo, inttes aayye ana! Filisxeeme dere asay diza Kanaane biittayee! ne bolla yootettida GODAA qaalay hayssafe kaallizayssa; «Ta nena mulera dhayssana; nenan diza asappe attana asi deenna.

ሶፎናሳ ቲንቢቴ 3:6

GODAY, «Tani dereta dhayssadis; istta miixay mulera dhaydes; oonikka izara aadhdhontta mala istta oge kayzisadis; istta katamati mulera dhayda; issi asikka deenna; isttan de7anaykka deenna.

ዛካራሳ ቲንቢቴ 11:3

Heenththa nayta waaso siyite; istta bonchchoy qaarettides; Yordaanoose shaafa doonan diza dhippi gida woray wurida gishshas gaammota xaago siyite.

ዳናታ ማጻፋ 14:5

Hessafe guye Samsooney ba aawaranne ba aayeyra duge Temina woyne miththi diza heera gakkishin issi wodalla gaammoy xaaggishe iza bolla kezides.