ኤርማሳ ቲንቢቴ 19:4 - Geeshsha Maxaafa

⁴ Gaasoykka asay tana aggidi hayssa ha sohoza eeqa goynnizasoho kessides; istti gidiin woykko kase istta aawati, woykko Yuhuda kawoti erontta eeqa xoossatas yarshida; hayssa ha sohozan xillo suuth gussida.

ጋሞ ማጻፋ

⁴ ጋሶይካ ኣሳይ ታና ኣጊዲ ሃይሳ ሃ ሶሆዛ ኤቃ ጎይኒዛሶሆ ኬሲዴስ፤ ኢስቲ ጊዲን ዎይኮ ካሴ ኢስታ ኣዋቲ፥ ዎይኮ ዩሁዳ ካዎቲ ኤሮንታ ኤቃ ጾሳታስ ያርሺዳ፤ ሃይሳ ሃ ሶሆዛን ጺሎ ሱ ጉሲዳ።

ኤርማሳ ቲንቢቴ 19:4 Iomraidhean Croise

2ካዎታ ማጻፋ 21:16

Harappeka Minaasey Yuhuda asay Xoossa sinththan iita ooththana mala istti nagara oosisida nagaraappe harakka Yerusalaames ha gaxappe he gaxa gakkanaas xillo gidida daro asaa suuth gussides.

2ካዎታ ማጻፋ 23:10

Henoome naa shoobban diza Toofeete geetettiza goynnizasohoza tunisides; ay asikka attuma naa gidiin woykko macca naa Molookes taman xuuggi yarshontta malassa.

2ካዎታ ማጻፋ 24:4

Qasseka izi xillo suuth gussida gishshassa. Yerusalaameykka xillo suuththan kumana mala izi ooththida gishshas GODAY iza maaranaas koyibeenna.

ዬ ማጻፋ 106:38

Istti xillo suuth Kanaane eeqatas yarshida; bantta attumanne macca nayta suuth gussida; he suuththan biittay tunides.

ኢሳያሳ ቲንቢቴ 59:7

Istta tohoti nagarakko woxxeettes; xillo suuth gussanaas eesoteettes; istti iita qofa qoppeettes. Bashshinne qohoy istti aadhdhida oge ubbaas malata.

ኢሳያሳ ቲንቢቴ 65:11

Gido attiin GODAA aggida inttes, ta geeshsha zumaa dogida inttes, ‹Ta baso› geetettiza eeqa xoossas soho giigsida inttes, ‹Gaade› geetettiza eeqa xoossas walakettida woyne ushshu wancan kunththida inttes,

ኤርማሳ ቲንቢቴ 1:16

«Yuhuda asay tana aggidi, hara eeqa xoossatas exaane cuwasida gishshas, ba kushen ooththi kessidayta goynnida gishshas ta deraa bolla pirdaa awajjadis.

ኤርማሳ ቲንቢቴ 11:13

Intteno Yuhuda asatoo! Intte xoossati intte katamata keena cora. Qasse Ba7aale geetettiza he yeellachchiza xoossas exaane cuwasanaas intte essida yarshizasohoti Yerusalaame ogeta keena cora› gees.

ኤርማሳ ቲንቢቴ 15:6

«Ne tana aggadasa; guye guye baasa; hessa gishshas tani ne bolla ta kushe denththada nena dhayssana; hayssafe guye nees qadhettike.

ኤርማሳ ቲንቢቴ 16:11

He wode neni isttas, ‹Kase intte aawati tana aggida gishshassa, istti eeqa xoossata kaallidi isttas ooththida gishshassinne goynnida gishshassa; tana aggi baqatidi ta wogaa naagontta ixxida gishshassa;

ኤርማሳ ቲንቢቴ 17:13

Isra7eeles hidota gidida GODAWU! nena aggi bida ubbay yeellatana; nena de7o haaththa pultto gidida GODAA aggida gishshas ba ayfeso neeppe haraso zaarizayti gudulla bolla xaafettidayssa mala gidana.

ኤርማሳ ቲንቢቴ 17:20

Histtada isttas, ‹Ha pengetara geliza Yuhuda kawoto! Yuhuda asatoo! Yerusalaamen diza as ubbatoo GODAA qaala siyite!› ga» gees.

ኤርማሳ ቲንቢቴ 18:15

Ta derey gidikko tana balides; istti go7ontta xoossatas exaane cuwaseettes; bantta ogera biidi dhuphettida; beni ogeppe kare kezida; baasettontta diza kundukurcco ogera bida.

ኤርማሳ ቲንቢቴ 2:13

Ta derey nam7u iita miishshata ooththides; de7o haaththa pultto gidida tana aggides; haaththa oykkanaas dandayontta lukettida ollata baas bookkida.

ኤርማሳ ቲንቢቴ 2:17

Oge nena kaaleththizayssa GODAA ne Xoossa aggada hayssa ne bolla ehiday nena gidikkii?

ኤርማሳ ቲንቢቴ 2:19

Ne iitateththi ne bolla qixaate gaththana; ne tana kaddoyssi ne bolla hanqo ehana. GODAA ne Xoossaa ne aggishin, taas yashshateth ne wudu gontta ixxishin ay mala iitaynne camo miishshi ne bolla gakkanaakko qoppa; ane akeeka» gees.

ኤርማሳ ቲንቢቴ 2:30

Tani intte nayta coo mela qaxxayadis; istti gidikko baaybeettenna; gafida gaammo mala intte mashshay intte nabeta mides» gees.

ኤርማሳ ቲንቢቴ 2:34

Ne istta kaysoteththan oykkontta xillo manqota suuththi ne may7o bolla beettides. Neni hayssa ubbaa ooththa woththadakka,

ኤርማሳ ቲንቢቴ 22:17

Gido attiin ne ayfeynne ne wozinay shempiday haa hee shocechchon demmiza go7an, xillota suuth gusson, asaa un7eththoninne gene oosonna» gees.

ኤርማሳ ቲንቢቴ 22:3

GODAY, «Suure pirdanne xillo ooththite; bonqqettidayta un7eththizayta kusheppe ashshite; beteta, yi7otanne am7eta qohopite; ha sohonkka xillo suuth gussofte.

ኤርማሳ ቲንቢቴ 26:15

Gido attiin hayssa intte siyida qaala ubbaa tani inttes yootana mala GODAY taas addafe yootida gishshas intte tana wodhikkoka intte xillo suuth gussidi intte intte hu7essinne hanno katamayn diza as ubbaa mooranchcha histtontta mala naagettite» gides.

ኤርማሳ ቲንቢቴ 26:23

Istti Ooriyo Gibxeppe oykki ehidi kawo Iyo7aaqemekko efida. Kawozi iza mashshan wodhidi iza aha beettiday moogettizason efi yeggides.

ኤርማሳ ቲንቢቴ 44:3

Hessi haniday istti ooththida iita ooso gishshassa; istta gidiin, inttena woykko intte aawata gidiin, ba erontta hara eeqa xoossatas exaane cuwaseththaninne isttas goynon tana hanqeththida.

ኤርማሳ ቲንቢቴ 5:6

Hessa gishshas gaammoy worappe kezidi istta menththereththana; kana suytey bazzofe kezidi istta puuzereththana; Maahey istta katamata yuusho zamadi naagana. He katamatappe keziza ubbaa izi puuzana. Gaasoykka istta makkallateththinne kaddoy darides.

ኤርማሳ ቲንቢቴ 7:6

bete yida asatanne yi7ota, am7eta intte qohontta aggiko, hayssa ha biitta bolla xillo suuth gussontta aggiko, inttena qohiza eeqa xoossata intte kaallontta aggiko,

ኤርማሳ ቲንቢቴ 7:9

GODAY, «Intte kaysoteeta, as wodheeta, laymateeta, wordo caaqqi markkatteeta, Ba7aale eeqa xoossas yarsho yarsheeta, hayssafe kase intte erontta eeqa xoossatas goynneeta.

ኤርማሳ ዚላስ 4:13

Hayssi haniday nabetinne qeeseti ooththida nagara gaasonna; qasse istti xillota suuth gussida gishshassa.

ሂዚቄላ ቲንቢቴ 20:26

Istta bayra nayta taman xuuggi yarshidi tunana mala ooththadis; ta hessa ooththiday istti dagammidi tani GODAA gididayssa erana malassa.

ሂዚቄላ ቲንቢቴ 7:22

Tani ta ayfeso haraso zaarana; bonchchettida ta keeththaa pangati gelananne tunisana.

ሂዚቄላ ቲንቢቴ 8:11

Isttafe sinththa baggara Isra7eele keeththafe laappun tammu cimati eqqi deettes; qasse Saafaane naa Ya7izaaneyaykka istta giddon eqqides. Ubbayka exaane cuwasiza miish bantta kushen oykki deettes; lo7o sawo sawiza exaane cuway tullu gi kezees.

ዳኔላ ቲንቢቴ 11:31

«Iza olanchchati Xoossa Keeththaanne dirsaa tunisana; hach hach shiiqiza yarshoza diggana; bash ehiza tunateth tokkana.

ሉቃሳ ሚሺራቾ 11:50

Hessa gishshas ha yeletay biittay medhettoosofe ha7i gakkanaas gukkida nabeta ubbaa suuththaa gishshas oyshettana.

ዛሬ ማጻፋ 13:13

intte asaa giddofe iitati dendidi asaa, «Ane biidi intte erontta xoossatas goynnoos» giidi baleththishin siyikko,

ዛሬ ማጻፋ 13:6

Intte aayi naa ishay, intte attuma naytinne intte macca nayti, intte siiqiza intte machcheti, intte siiqiza intte laggeti inttena, «Kase intteninne intte aawati goynni erontta xoossas ane goynnoos» giikko,

ዛሬ ማጻፋ 28:20

Neni iita ooson GODAA aggida gishshas ne ooththiza ooson ubbaan ne mulera dhayana gakkanaas qanggeth, hirganne kawushshateth GODAY ne bolla ehana.

ዛሬ ማጻፋ 28:36

GODAY nenanne neni ne bolla kawosana kawoza ha biittafe denththidi kase neninne ne aawati erontta hara kawoteth efana; intte heen miththafenne shuchchafe oosettida eeqa xoossatas goynnana.

ዛሬ ማጻፋ 28:64

GODAY nena kumeththa alamen diza asaa giddon biittas gaxappe gaxa gakkanaas laallana; heen neninne ne aawati kase goynni erontta miththafenne shuchchafe oosettida eeqa xoossatas intte goynnana.

ዮሃኒሳ ኣጁታ 16:6

Asay kase ammanizayta suuththinne nabeta suuth gussida gishshas ne istta suuth ushshadasa; hessika isttas bessees»

ዳናታ ማጻፋ 5:8

Isra7eele asay allaga xoossata doorida wode, biittan olay dendides; oyddu tammu shii Isra7eele olanchchata giddon issi gondalley woykko issi tooray beettibeenna.