ኤርማሳ ቲንቢቴ 19:2 - Geeshsha Maxaafa

² Kon7a Meqo Penge achchara aadhdhada Henoome naa shoobba ba; heen tani nees yootiza qaala awajja.

ጋሞ ማጻፋ

² ኮንኣ ሜቆ ፔንጌ ኣቻራ ኣዳ ሄኖሜ ና ሾባ ባ፤ ሄን ታኒ ኔስ ዮቲዛ ቃላ ኣዋጃ።

ኤርማሳ ቲንቢቴ 19:2 Iomraidhean Croise

2ካዎታ ማጻፋ 23:10

Henoome naa shoobban diza Toofeete geetettiza goynnizasohoza tunisides; ay asikka attuma naa gidiin woykko macca naa Molookes taman xuuggi yarshontta malassa.

2ታሪኬ ማጻፋ 28:3

Qasse GODAY Isra7eele asaa sinththafe gooddi kessida asata de7o woga kaallidi Henoome naa shoobban exaane cuwasides; ba yelida attuma naytakka xuuggi yarshides.

2ታሪኬ ማጻፋ 33:6

Henoome naa shoobbaan ba attuma nayta taman xuuggidi yarshides; izi ba hu7enkka bitizaade, gojizaadenne maroththizaade gididi moytille xeygizaytanne iita ayanatara haasayettizayta zore oychchides; GODAA sinththan izi daro iita miish ooththidi iza hanqeththides.

ናሂሚያ ማጻፋ 3:29

Imere naa Saadooqey ba keeththa sinththan dizayssa ooththishin arshey mokkiza baggara diza gimbeza penge naagiza Shakaaniya naa Shama7ey kaalli dizayssa zaari ooththides.

ኤርማሳ ቲንቢቴ 1:7

Gido attiin GODAY tana, « ‹Tani naa› gooppa. Tani nena kiittiza asa ubbaakko ba. Tani azaziyssa ubbaaka yoota.

ኤርማሳ ቲንቢቴ 11:6

Hessafe guye GODAY taas, «Hayssa ta qaala ubbaa Yuhuda katamataninne Yerusalaame ogetan, ‹Ha caaqo qaala siyite; siyidi iza kaallite.

ኤርማሳ ቲንቢቴ 18:2

«Dendada manaso ba; heen ta nees ta kiita yootana» giza qaalay yides.

ኤርማሳ ቲንቢቴ 26:2

GODAY tana, «GODAA Keeththaa zagon eqqada GODAA Keeththan goynnanaas Yuhuda katamatappe yiza dere ubbaas yoota; tani nena, ‹Yoota› gaada azazida qaala ubbaafe issinokka ashshontta wursa yoota.

ኤርማሳ ቲንቢቴ 3:12

«Ba; baada pudeha baggas, ‹Hanne ammanoy baynda Isra7eelee simma! Tani maarotay kumidaade gidida gishshas nena iita ayfen xeellike; mernaaskka hanqettike› gees GODAY.

ኤርማሳ ቲንቢቴ 32:35

Istti bantta attuma naytanne macca nayta Molookes yarshanaas Henoome naa shoobban Ba7aales goynniza dhoqqasohota giigsida; gido attiin istti Yuhuda nagara oosisanaas hayssa mala harassiza ooso ooththana mala ta istta azazabeekke; ta hessa mulekka qoppabeekke» gides.

ኤርማሳ ቲንቢቴ 7:2

«Neni GODAA Xoossa Keeththa pengen eqqa; histtada ha qaala, ‹Intteno GODAAS goynnanaas ha pengetara geliza Yuhuda asatoo, ubbayka GODAA qaala siyite!› ga awajja.

ዮናሳ ቲንቢቴ 3:2

«Dendada he gita katamaa Nannawe baada tani nees yootiza qaalaa isttas awajja» gishe yides.

Maatosa 10:27

Ta inttes dhumara yootidayssa poo7on haasayte; hayththan siyidayssa qonccen haasayte.

ሃዋሬታ ኦሶ 20:27

Ays giikko ta Xoossa qofaa wursa inttes yootadis attiin aykkoka ta yootontta ashshiday deenna.

ሃዋሬታ ኦሶ 5:20

«Biidi Xoossa Keeththaa gibbe giddon eqqidi hayssa de7o qaalaa ubba deraas yootite» gides.

ኢያሶ ማጻፋ 15:8

Hessafe Henoome naa shoobbara kanththi biidi Yaabuseta katama Yerusalaamey dizaso dugeha baggara kanththidi Erafayme shoobbaas pudeha bagga xeerara kanththi biidi Henoome shoobbaas arshey wulliza baggara diza zumbulla xeera gakkees.