ኤርማሳ ቲንቢቴ 16:4 - Geeshsha Maxaafa

⁴ «Istti iita hargen hayqqana; isttas yeehoy deenna; moogokka moogettettenna; istta ahay biitta bollan buura mala yegetti attana; istti mashshaninne koshan wurana; istta ahay salo kafotassinne wora do7atas quma gidana» gides.

ጋሞ ማጻፋ

⁴ «ኢስቲ ኢታ ሃርጌን ሃይቃና፤ ኢስታስ ዬሆይ ዴና፤ ሞጎካ ሞጌቴቴና፤ ኢስታ ኣሃይ ቢታ ቦላን ቡራ ማላ ዬጌቲ ኣታና፤ ኢስቲ ማሻኒኔ ኮሻን ዉራና፤ ኢስታ ኣሃይ ሳሎ ካፎታሲኔ ዎራ ዶኣታስ ቁማ ጊዳና» ጊዴስ።

ኤርማሳ ቲንቢቴ 16:4 Iomraidhean Croise

2ካዎታ ማጻፋ 9:10

Elzabeelo gidikko Izra7eele gade giddon kanati izo maana; izi ahay moogettenna› gees» gi yootida mala kare doyi yeggidi woxxides.

ዬ ማጻፋ 78:64

Istta qeeseti mashshan wurida; istta machchetikka yeekkanaas dandaybeettenna.

ዬ ማጻፋ 83:10

Istti En-Doore geetettizason dhayda; istta ahay moogettontta biitta bolla wooqqides.

ኢሳያሳ ቲንቢቴ 18:6

Istti ubbayka zuma bolla diidi baqqi miza kafotassinne bazzo do7atas attana; kafoti bone kumeth mishe shaaccana; bazzo do7ati balgo ubbaan mishe shaaccana.

ኢሳያሳ ቲንቢቴ 5:25

GODAA hanqoy iza deraa bolla eexxi ke7ides; izi ba kushe denththidi istta shocides. Zumati qaaxxida; hayqqida asaa ahay oge bolla pitti yeggida buura mala gidides; histti pe7iinkka iza hanqoy simmibeenna; iza kushey ha7ikka dendida mala dees.

ኤርማሳ ቲንቢቴ 19:7

« ‹Ha sohon Yuhuda halchchonne Yerusalaame halchcho ta laallana; istti bantta morkketa mashshaninne banttana wodhanaas koyzayta kushen hayqqana mala tani ooththana; istta aha salo kafotassinne wora do7atas quma histta immana.

ኤርማሳ ቲንቢቴ 21:6

Tani ha katamayn diza asaanne mehaa shocana; isttika iita hargen wurana.

ኤርማሳ ቲንቢቴ 25:33

He woden GODAY wodhidayta ahay biitta gaxaappe biitta gaxa gakkanaas porccu gi kundana; isttas yeekettenna; istta ahay shiiqennanne moogettenna; biitta bolla buura mala olettana.

ኤርማሳ ቲንቢቴ 34:17

Hessa gishshas tani GODAY, «Intte taas azazettontta ixxidi intte ishatanne intte dabbota aylleteththafe la7a yeddiza awajja awajjibeekketa; be7ite tani intte bolla, ‹La7a› awajja awajjana; hessika olan, iita hargeninne koshan intte kundana awajja; tani inttena sa7a bolla diza kawoteththati shaaphettiza miish ooththana.

ኤርማሳ ቲንቢቴ 34:20

tani istta shemppo wodhanaas koyza istta morkketa kushen aaththa immana; istta ahay salo kafotassinne do7atas quma gidana» gees.

ኤርማሳ ቲንቢቴ 36:30

Hessa gishshas GODAY Yuhuda kawo Iyo7aaqeme gishshas, «Dawite kawoteththa araatan uttanay iza zareppe beettenna; iza ahaykka gallassa awa seelassinne omarsa kenchchos yegetti attana.

ኤርማሳ ቲንቢቴ 44:12

Yuhudan casha attidayti Gibxe biidi heen daana qachchida ubbata tani denththa dhayssana; istti ubbay dhayana; Gibxe biittan mashshaninne koshan wurana; gitappe gashe gakkanaas diza ubbay mashshaninne koshan hayqqana; palqqes, dagamas, qanggeththassinne qidhes kezana.

ኤርማሳ ቲንቢቴ 44:27

Tani istta bolla lo7o miish ehanaas gidontta iita miish ehanaas baaxetana; Gibxen diza Yuhuda asay mulera wurana gakkanaas, olaninne koshan hayqqana.

ኤርማሳ ቲንቢቴ 7:33

He wode he asata ahay salo kafotassinne sa7a do7atas quma gidana; istta babisidi gooddiza miishshi deenna.

ኤርማሳ ቲንቢቴ 9:22

Hessa gishshas GODAY tana, « ‹Asa ahay buura mala demban laalettana; kath shiishshizayti guyen aggida pushulo mala attana; istta oonikka shiishshenna› ga» giidi azazides.

ኤርማሳ ዚላስ 4:9

Koshan hayqqidaytappe mashshan hayqqidayti lo7o;

ሂዚቄላ ቲንቢቴ 24:21

Isra7eele keeththas Ubbaa Haariza GODAY, ‹Intte ceeqettiza wolqqa, intte ayfe shempisizasozanne intte wozinas ufays gidida Xoossa Keeththaa tayssa ta tunisana. Intte yeggi bida intte macca naytinne attuma nayti mashshan wurana.

ሂዚቄላ ቲንቢቴ 5:12

Ne asaappe issi kushey katama giddon iita hargeninne koshan hayqqana; nam7anththo kushey katamaa gimbefe karera mashshan wurana; attida heedzdzanththo kusheza tani carkos laallananne mashsha shodda yedeththana.

ሶፎናሳ ቲንቢቴ 1:17

Asay qooqeththo hemettana mala asaa bolla tani ceece yeddana; asay GODAA bolla nagara ooththida gishshas istta suuththi di7o mala gukkana; istta ahaykka buura mala olettana.

ዛሬ ማጻፋ 28:22

GODAY nena gilqateththan, mishoninne qoxon, madunththan, xuuggiza awaninne koshan nena dhayssana; ne kaththaa dhayssanaas kutul7enne lobe ne bolla yeddana.

ዛሬ ማጻፋ 28:26

Ne ahay salo kafotassinne bazzo do7atas quma gidana; istta gooddana asikka deenna.