ኤርማሳ ቲንቢቴ 16:11 - Geeshsha Maxaafa

¹¹ He wode neni isttas, ‹Kase intte aawati tana aggida gishshassa, istti eeqa xoossata kaallidi isttas ooththida gishshassinne goynnida gishshassa; tana aggi baqatidi ta wogaa naagontta ixxida gishshassa;

ጋሞ ማጻፋ

¹¹ ሄ ዎዴ ኔኒ ኢስታስ፥ ‹ካሴ ኢንቴ ኣዋቲ ታና ኣጊዳ ጊሻሳ፥ ኢስቲ ኤቃ ጾሳታ ካሊዲ ኢስታስ ኦዳ ጊሻሲኔ ጎይኒዳ ጊሻሳ፤ ታና ኣጊ ባቃቲዲ ታ ዎጋ ናጎንታ ኢጺዳ ጊሻሳ፤

ኤርማሳ ቲንቢቴ 16:11 Iomraidhean Croise

1ካዎታ ማጻፋ 9:9

Asay, ‹Istta aawata Gibxeppe kessida GODAA bantta Xoossaa aggidi istti hara xoossata kaallida gishshassinne isttas goynnida gishshas GODAY istta bolla ha iita miish ubbaa ehides› giidi zaarana» gides.

2ታሪኬ ማጻፋ 7:22

Histtiin asay, ‹Istta aawata Gibxeppe kessida GODAA bantta Xoossaa aggidi istti hara xoossata kaallida gishshas, isttas ooththida gishshassinne isttas goynnida gishshas GODAY istta bolla ha iita miish ubbaa ehides› giidi zaarana» gides.

ኤርማሳ ቲንቢቴ 13:22

Neni ne wozinan, ‹Hayssi ubbay ta bolla ays gakkidee?› giikko, ne may7oy qaarettiin ne sugettiday, ne asa kushen waaye be7iday ne nagaray darida gishshassa.

ኤርማሳ ቲንቢቴ 2:8

Qeesetikka, ‹GODAY awan dizee?› gi oychchibeettenna; Ta wogay istta kushen diza asatikka tana eribeettenna. Dere kaaleththizaytikka ta bolla makkallida. Nabeti Ba7aale sunththan tinbite yootida; go7ontta miishshatakka kaallida» gides.

ኤርማሳ ቲንቢቴ 22:9

«Istti, ‹GODAA bantta Xoossaara caaqettida caaqo aggidi eeqa xoossatas goynnida gishshassinne isttas ooththida gishshassa› gaana» gees.

ኤርማሳ ቲንቢቴ 44:3

Hessi haniday istti ooththida iita ooso gishshassa; istta gidiin, inttena woykko intte aawata gidiin, ba erontta hara eeqa xoossatas exaane cuwaseththaninne isttas goynon tana hanqeththida.

ኤርማሳ ቲንቢቴ 8:2

Histtidi istti siiqida, kiitettida, kaallida, zore oychchidanne goynnida arshe sinththan, agina sinththaninne salo xoolintteta ubbaa sinththan micettana. Istta meqeththay shiiqenna woykko moogettenna; gido attiin biitta bolla olettida buura mala gidana.

ኤርማሳ ቲንቢቴ 9:14

Histtidi istti bantta wozina muumeteththan biidi bantta aawati tamaarsida malakka Ba7aale geetettiza eeqa xoossa kaallida» gides.

ኤርማሳ ዚላስ 5:7

Nu aawati nagara ooththida; nuni istta qixaate ekkidos.

ሂዚቄላ ቲንቢቴ 11:21

Gido attiin bantta wozina tunida misletakkonne harassiza oosotakko zaaridaytas istta ooso mala ta isttas immana» gides.

ኣሞጼ ቲንቢቴ 2:4

GODAY Yuhuda, «Yuhuda asay zaari zaaridi ooththida nagara gishshas ta istta qaxxayontta aggike; istti ta woga kadhida; ta azazotakka naagontta ixxida; kase istta aawati goynnida eeqa xoossata kaallidi istti balettida.

ሚልካሳ ቲንቢቴ 3:7

«Intte kase intte aawata wodeppe doommidi ta azazotappe haakkideta; isttaka naagibeekketa; haa taakko simmite tanikka intteko simmana; Intte gidikko, ‹Nuni neekko waani simminoo?› geeta» gees Ubbaafe Wolqqama GODAA Xoossay.

1ጴጽሮሳ ኪታ 4:3

Hinko Xoos erontta asay ooththizayssa mala intte coo mela yeda duussan asho amon, maththon, ogey baynda kaassan, wogappe aaththi uyidi durussaninne harassiza eeqa goynon kase intte aaththida wodezi inttes gidana.

ዳናታ ማጻፋ 2:11

Hessafe guye Isra7eele asay GODAA sinththan iita miish ooththides; Ba7aale geetettiza eeqatas goynnides.