ኤርማሳ ቲንቢቴ 15:2 - Geeshsha Maxaafa

² Qasse istti nena, ‹Nuni awa biinoo?› gi oychchiko, ne isttas, ‹Hayqos pirdettidayti hayqqana; mashshas pirdettidayti mashshan shukettana; koshas pirdettidayti koshan wurana; di7ettanaas pirdettidayti di7etti baana.›

ጋሞ ማጻፋ

² ቃሴ ኢስቲ ኔና፥ ‹ኑኒ ኣዋ ቢኖ?› ጊ ኦይቺኮ፥ ኔ ኢስታስ፥ ‹ሃይቆስ ፒርዴቲዳይቲ ሃይቃና፤ ማሻስ ፒርዴቲዳይቲ ማሻን ሹኬታና፤ ኮሻስ ፒርዴቲዳይቲ ኮሻን ዉራና፤ ዲኤታናስ ፒርዴቲዳይቲ ዲኤቲ ባና።›

ኤርማሳ ቲንቢቴ 15:2 Iomraidhean Croise

ኢሳያሳ ቲንቢቴ 10:4

Qashettida asaara issife qasheteththafe shukettiza asaara issife shuketeththafe attiin haray inttes attanaasoy deenna. Hessi ubbay haniinkka GODAA hanqoy dochchibeenna; qaxxayanaas izi ba kushe denththi woththides.

ኢሳያሳ ቲንቢቴ 24:18

Salo maskooteti doyettida gishshas, biitta yochchatikka qaaxxida; shiroppe baqatizay ollan kundana; ollafe kessi ekkidaykka woximaden oykettana.

ኤርማሳ ቲንቢቴ 14:12

Istti xoomi woossikokka tani istta waaso siyikke; xuugettiza yarshonne kaththa yarshoza istti yarshikokka tani istta yarshoza ekkike. Tani istta mashshan, koshaninne iita hargen dhayssana» gides.

ኤርማሳ ቲንቢቴ 14:16

Qasse istti tinbite yootida dereykka koshaninne ola gaason Yerusalaame dubbushatan kundana; isttas, istta machcheta, istta attuma naytanne macca nayta aha moogizay dhayana; tani istta mooro mala istta bolla qixaate ehana» gides.

ኤርማሳ ቲንቢቴ 16:4

«Istti iita hargen hayqqana; isttas yeehoy deenna; moogokka moogettettenna; istta ahay biitta bollan buura mala yegetti attana; istti mashshaninne koshan wurana; istta ahay salo kafotassinne wora do7atas quma gidana» gides.

ኤርማሳ ቲንቢቴ 19:7

« ‹Ha sohon Yuhuda halchchonne Yerusalaame halchcho ta laallana; istti bantta morkketa mashshaninne banttana wodhanaas koyzayta kushen hayqqana mala tani ooththana; istta aha salo kafotassinne wora do7atas quma histta immana.

ኤርማሳ ቲንቢቴ 43:11

Izi yiidi Gibxe olana; hayqos bessizayta hayqos, di7os bessizayta di7os, mashshas bessizayta mashshas aaththi immana.

ሂዚቄላ ቲንቢቴ 12:11

Neni isttas, « ‹Tani inttes malata; tani ooththida mala hessaththo istta bollaka hanana; istti di7ettidi hara biitta baana› ga.

ሂዚቄላ ቲንቢቴ 14:21

«Ubbaa Haariza GODAY: tani asaanne mehe wodhanaas Yerusalaame bolla ta oyddu pirdata, mashsha, kosha, wora do7atanne iita harge yeddiza wode izi ay keena aadho iita miish gidandee!

ሂዚቄላ ቲንቢቴ 33:27

«Ne isttas Ubbaa Haariza GODAY, ‹Tani de7o Xoos gididayssan caaqqays; laalettishe attidayti mashshan wurana; gaxaren dizayta puuzereththi maana mala tani wora do7atas aaththa immana; mino miixaninne gongolo giddon dizayti iita hargen hayqqana.

ሂዚቄላ ቲንቢቴ 5:12

Ne asaappe issi kushey katama giddon iita hargeninne koshan hayqqana; nam7anththo kushey katamaa gimbefe karera mashshan wurana; attida heedzdzanththo kusheza tani carkos laallananne mashsha shodda yedeththana.

ሂዚቄላ ቲንቢቴ 5:2

Ne dooddiza wodey wurshin neni shaakkida binanaas issi kusheza Yerusalaame katama misle giddon xuugga; nam7anththo kusheza katamay yuushon giththa mashshan qanxxereththa yegga; attida heedzdzanththo kusheza carko bolla laalla; tani istta mashshan yedereththana.

ዳኔላ ቲንቢቴ 9:12

‹Intte bollanne inttena kaaleththizayta bolla ta gita meto ehana› gaada kase ne yootidayssa ubbaa nu bolla poladasa; he wode Yerusalaame bolla gakkida qixaate malay haraso awanka gakkibeenna.

ኣሞጼ ቲንቢቴ 5:19

He gallassay asi gaammofe attanaas qotettishe zardora gaaggiza mala woykko kessi ekki baso gelidi ba kushen keeththa goda oykkiin shooshshi dukkida mala hanana.

ዛካራሳ ቲንቢቴ 11:9

Tani isttas, «Hayssafe guye tani inttena heemmike; hayqqanayti hayqqetto; dhayanaytikka dhayetto; attidaytikka issoy issaa asho mo» gadis.

ዮሃኒሳ ኣጁታ 13:10

«Di7ettanaas dizaadey di7ettana; mashshan hayqqanaas dizaadey mashshan hayqqana;» hessa gidida gishshas ammanizayta dandayaynne istta ammaneteth koshshizay hannina.