ኤርማሳ ቲንቢቴ 14:3 - Geeshsha Maxaafa

³ Dureti bantta aylleta haath duuqqanaas kiitteettes. Isttika haaththa ollay dizaso beettes; gido attiin haath demmettenna; bantta oto mela tookki ekkidi simmeettes. Yeellatidinne hidota qanxxidi bantta hu7e gulluntteettes.

ጋሞ ማጻፋ

³ ዱሬቲ ባንታ ኣይሌታ ሃ ዱቃናስ ኪቴቴስ። ኢስቲካ ሃ ኦላይ ዲዛሶ ቤቴስ፤ ጊዶ ኣቲን ሃ ዴሜቴና፤ ባንታ ኦቶ ሜላ ቶኪ ኤኪዲ ሲሜቴስ። ዬላቲዲኔ ሂዶታ ቃንጺዲ ባንታ ሁኤ ጉሉንቴቴስ።

ኤርማሳ ቲንቢቴ 14:3 Iomraidhean Croise

2ሳሜላ ማጻፋ 15:30

Gido attiin Dawiti yeekkishe pude Dabrazayte zuma pudunththaa kezides; ba hu7e gullunttidi mela tohora dees; izara issife diza asay ubbay izayssaththo bantta hu7e gullunttidi yeekkishe pudunththaa kezeettes.

2ሳሜላ ማጻፋ 19:4

Kawozi ba ayfeso kammi woththidi, «Ta naa Abeseloome woo! Ta naa Abeseloome woo» gishe zilalides.

1ካዎታ ማጻፋ 17:7

Biittan iray bukkontta aggida gishshas guuththa wodeppe guye shaafazi melides.

2ካዎታ ማጻፋ 18:31

«Hizqiyaasi inttena gizayssa siyopite; Asoore kawoy, ‹Tanara inttes saroteth medhdhite; intte taas kushe immite; hessafe guye inttefe issoy issoy ba balase miththa ayfenne ba woyne miththa ayfe maana; ba haaththa ollafe haath uyana.

ኣስቴሪ ማጻፋ 6:12

Hessafe guye Mardikiyoosi kawoza penge simmides; gido attiin Haamay ceecishe ba hu7e gullunttidi eeson baso simmi bides.

ኢዮቤ ማጻፋ 6:20

Banti ammanetti uttida shaafati melidayssa be7idi hidota qanxxeettes; haaththaako gakkiza wode yiilloteettes.

ዬ ማጻፋ 109:29

Tana mootizayti kawushshateth may7etto; bantta yeellaaka kuta mala quma7etto.

ዬ ማጻፋ 40:14

Tana wodhanawu koyzayti mulekka yeellatettonne kawuyetto; tani qohettanayssa amottizayti kawuyidi guye simmetto.

ኤርማሳ ቲንቢቴ 14:4

Iray bukkontta gishshas biittay melidi za7ees. Goshshanchchati yeellatidi bantta hu7e gulluntteettes.

ኤርማሳ ቲንቢቴ 15:18

Ta bolla hargey ays minnidee? Ta madunththay ays dari dari bidee? Ays paxontta ixxidee? Neni taas baleththiza shaafa malanne cimmiza pultto mala ays gidadii?

ኤርማሳ ቲንቢቴ 2:13

Ta derey nam7u iita miishshata ooththides; de7o haaththa pultto gidida tana aggides; haaththa oykkanaas dandayontta lukettida ollata baas bookkida.

ኤርማሳ ቲንቢቴ 2:37

Neni ammanettizayta GODAY kawushshida gishshassinne isttafekka maado demmontta gishshas hayssafekka ne hu7e kushen baqqa oykkada kezana.

ኤርማሳ ቲንቢቴ 20:11

Gido attiin GODAY yashissiza toora qara mala tanara dees; hessa gishshas tana yedeththizayti dhuphettana attiin tana xoonettenna; istti iita kawush kawuyana attiin isttas giigenna; istta kawushshateththay mulekka dogettenna.

ኤርማሳ ቲንቢቴ 3:3

Hessa gishshas puuseykka puusontta mala digettides; balgo iraykka bukkontta aggides; ne gidikko hanno gakkanaas laymateth aggabeekka; neni yeellatonttaka ixxadasa.

ኤርማሳ ዚላስ 4:4

Daro saamettida gishshas guuththa nayta inxarsi pude gonggiraththara oykettides; nayti kath woossida shin oonikka isttas immibeenna.

ሆሴኤ ቲንቢቴ 2:3

Iza simmontta ixxiko iza ba aayey uloppe kallo yelettida mala ta izo xiire kallo ashshana. Bazzo malanne mela biitta mala ta izo ooththana. Ta izo haaththa saamon wodhana.

ኢዩኤሌ ቲንቢቴ 1:20

Shaafati melida gishshas demban diza maatay wurikka xuugettida gishshas wora do7atikka neekko waasseettes.

ኣሞጼ ቲንቢቴ 4:7

Intte kaththay gakkanaappe buro heedzdzu aginay dishin sinththata ta inttes iray bukkontta mala diggadis; issi kataman bukkishin hara kataman bukkontta mala diggadis; issi gaden bukkishin hankko issaa gaden iray dhayiin melides.

ኣሞጼ ቲንቢቴ 4:8

Asay haath uyanaas koyishe ha katamappe he katama bides; gido attiin baas gidiza haaththe demmontta aggida gishshas uyidi alanaas dandaybeettenna; intteka taakko simmibeekketa.

ዛካራሳ ቲንቢቴ 14:17

Ubbaafe Wolqqama GODAAS goynnanaas Yerusalaame shiiqontta biitta kawoteththata ubbaas iray bukkenna.