ኤርማሳ ቲንቢቴ 14:21 - Geeshsha Maxaafa

²¹ Nuna ne sunththaa gishshas gaada kadhopparkkii! Ne bonchcho araata kawushshofa. Neni nunara caaqettida caaqoza qoppa; ne caaqqida qaala mooppa.

ጋሞ ማጻፋ

²¹ ኑና ኔ ሱን ጊሻስ ጋዳ ካፓርኪ! ኔ ቦንቾ ኣራታ ካዉሾፋ። ኔኒ ኑናራ ጫቄቲዳ ጫቆዛ ቆፓ፤ ኔ ጫቂዳ ቃላ ሞፓ።

ኤርማሳ ቲንቢቴ 14:21 Iomraidhean Croise

ዬ ማጻፋ 106:40

Hessa gishshas GODAA hanqoy iza asaa bolla eexxi ke7ides; izi bayta harassettides.

ዬ ማጻፋ 106:45

Istta gishshas ba caaqo qaala hassa7ides; aggontta ba siiqo daron istta maarides.

ዬ ማጻፋ 145:11

Istti ne kawoteththa bonchcho gishshas haasayana; ne wolqqa gishshas yootana.

ዬ ማጻፋ 25:11

Abeet GODAWU! Ta nagaray keehi daro; gidikkoka ne sunththa gishshas atto ga.

ዬ ማጻፋ 51:11

Tana ne sinththafe oloppa; ne Geeshsha Ayana taappe ekkofa.

ኬሳ ማጻፋ 32:13

Ne aylleta Abrahaame, Yisaaqanne Yaaqoobe qoppa; neni isttas, ‹Tani intte zereth salo xoolintte mala darsana; tani inttes immana gida biittaa ubbaaka intte zereththatas immana; istti he biittaa mernaas laattana› gaada neni ne sunththan caaqqida qaalaa yuushsha qoppa» giidi gaannatides.

ኢሳያሳ ቲንቢቴ 62:6

Hanne Yerusalaamee! Naagizayta ne dirsata bolla essadis; istti gallassika omars guye geettenna; Intteno GODAAKKO waassizaytoo, mulekka shempofte;

ኤርማሳ ቲንቢቴ 14:19

Abeet GODAWU! Neni Yuhuda mulekka aggadii? Xiyoone asaa harassetadii? Neni nuna paxontta mala ooththada ays dechchadii? Nuni saroteth naagidos; gido attiin saroteth demmibeekko; «Paxana wodey yaana» giidi naagidos; gido attiin dagama xalla gidides.

ኤርማሳ ቲንቢቴ 14:7

Asay, «Abeet GODAWU! ne sinththafe baqata darssidos; ne sunththaa gishshas nuus issi miish ooththa; nuni neeppe daroti guye simmidos; ne bollan nagara ooththidos.

ኤርማሳ ቲንቢቴ 17:12

Nu Xoossa Keeththi dizasoy benippe doommidi dhoqqu gida bonchcho araata.

ኤርማሳ ቲንቢቴ 3:17

He woden istti Yerusalaame, ‹GODAA araata› gi xeygana. Kawoteththa ubbaafe asay GODAA sunth bonchchanaas Yerusalaame shiiqana. Hessafe istti bantta iita wozina hanoteththaa kaallettenna.

ኤርማሳ ዚላስ 1:10

Izi aqota ubbaa bolla morkkey ba kushe yeddides; Xoossa asaa shiiqon gelontta mala neni diggidayti eeqa xoossatas goynniza ayzaabeti gede izi Xoossa Keeththan gelishin be7adus.

ኤርማሳ ዚላስ 2:20

Abeet GODAWU! Hayssa ne be7a! Neni hayssaththo kase oona bolla ooththa erizaakko ane akeeka; aaya yela dichchida naa zaara maanaas bessizee? Qeeseynne nabey Xoossa Keeththan hayqqanaas bessizee?

ሂዚቄላ ቲንቢቴ 20:22

Gido attiin tani istta Gibxeppe kessishin be7ida kawoteththata sinththan ta sunththi tunontta mala ta kushe shiishshadis.

ሂዚቄላ ቲንቢቴ 24:21

Isra7eele keeththas Ubbaa Haariza GODAY, ‹Intte ceeqettiza wolqqa, intte ayfe shempisizasozanne intte wozinas ufays gidida Xoossa Keeththaa tayssa ta tunisana. Intte yeggi bida intte macca naytinne attuma nayti mashshan wurana.

ሂዚቄላ ቲንቢቴ 39:25

«Hessa gishshas Ubbaa Haariza GODAY, ‹Ha7i Yaaqoobey goodettidasoppe tani iza zaarada ishalsana; Isra7eele asaa ubbaas ta qadhettana; ta geeshsha sunththaa gishshas tani mishettana.

ሂዚቄላ ቲንቢቴ 43:7

Izi «Haysso asa nawu, hayssi ta alga sohonne ta tohoy yedhdhiza soho. Tani Isra7eele asaa giddon mernaas daana. Hayssafe guye Isra7eele as gidiin, istta kawoteththa gidiin, hara xoossatas goynnidi woykko shemppoy baynda bantta kawota hawulte goynnon ta geeshsha sunththaa tunisettenna.

ዳኔላ ቲንቢቴ 9:7

«Abeet GODAWU! Neni xillo; nuni gidikko nees ammanettontta gishshas nuna biitta ubbaa bollan ne laallida Yuhuda asay, Yerusalaame asaynne kumeththa Isra7eele asay matan gidiin haahon diza ubbay ha7i yeellatidos.

ሌዌታ ማጻፋ 26:11

Tani intte giddon deyana; ta inttena shaatettike.

ኣሞጼ ቲንቢቴ 6:8

GODAY Salo Xoossay, «Isra7eele asa otoreteththaa tani harassettadis; istta miixatikka tana shuunneettes; hessa gishshas tani katamayonne izin dizayta ubbaa morkkes aaththa immana» giidi barkka banan caaqqides.

ሉቃሳ ሚሺራቾ 1:72

Hayssa izi ooththiday nu aawatas ba maaroteth bessanaassa, ba geeshsha caaqoza yuushshi qoppanaassa.

ሉቃሳ ሚሺራቾ 21:24

Bagga asay mashshan hayqqana; ba dereppe hara dere di7ettana; Yerusalaameykka Xoos erontta dereta wodey polettana gakkanaas, Xoos erontta asatan yedhettidaaro gidana.

ኤፌሶኔ ኣሳስ 2:7

Hessika hayssafe guye yaana wodezan Yesus Kirstoosi nuus ba kiyateththan qonccisida zaway baynda ba kiyateththa dureteththaa nuna bessanaassa.

ዛሬ ማጻፋ 32:19

«GODAY hessa be7idi istta bolla hanqettides; istta macca naytanne istta attuma nayta diggides.

ዮሃኒሳ ኣጁታ 11:2

Xoossa Keeththaafe karera coo dizasoza aggaaga; hessi Ayzaabetas imettidaso gidida gishshas ne iza wadhdhofa; ayzaabeti geeshsha katamayo oyddu tammanne nam7u agina gakkanaas yedhdhi haarana.

1ሳሜላ ማጻፋ 12:22

GODAY inttena ba dere histtanaas dosida ba gita sunththaa gishshas ba deraa aggenna.