ኤርማሳ ቲንቢቴ 14:12 - Geeshsha Maxaafa

¹² Istti xoomi woossikokka tani istta waaso siyikke; xuugettiza yarshonne kaththa yarshoza istti yarshikokka tani istta yarshoza ekkike. Tani istta mashshan, koshaninne iita hargen dhayssana» gides.

ጋሞ ማጻፋ

¹² ኢስቲ ጾሚ ዎሲኮካ ታኒ ኢስታ ዋሶ ሲዪኬ፤ ጹጌቲዛ ያርሾኔ ካ ያርሾዛ ኢስቲ ያርሺኮካ ታኒ ኢስታ ያርሾዛ ኤኪኬ። ታኒ ኢስታ ማሻን፥ ኮሻኒኔ ኢታ ሃርጌን ይሳና» ጊዴስ።

ኤርማሳ ቲንቢቴ 14:12 Iomraidhean Croise

ኢዮቤ ማጻፋ 27:9

Metoy istta bolla yiza wode Xoossi istta waasoza siyandee?

ሌሚሶ ማጻፋ 1:28

«He wode istti tana xeygana; ta gidikko isttas koykke; istti tana minththi koyana; gido attiin tana demmettenna.

ሌሚሶ ማጻፋ 15:8

GODAY iitata yarsho shaatettees; suureta woosay gidikko iza ufayssees.

ሌሚሶ ማጻፋ 21:27

Iita asa yarshoy harassees; iita qofan shiishshizaa gidikko ay mala iita gidanee?

ሌሚሶ ማጻፋ 28:9

Wogaa siyanaappe ba hayth wora zaariza asa woosay Xoossa harassees.

ኢሳያሳ ቲንቢቴ 58:3

Istti shiiqidi, «Ne ekkonttaashin nu aazas xoomidonii? Ne wudu gonttaashin ays nuna kawushshidonii?» gaana. GODAY zaaridi isttas, «Gidikkoka intte xoomiza gallas intte wozina qofa mala ooththeeta; inttes ooththizaytappe bonqqeeta.

ኤርማሳ ቲንቢቴ 11:11

Hessa gishshas GODAY isttas, ‹Istti baqatidi attanaas dandayontta meto ta istta bolla ehana. Istti taakko waassikokka ta siyikke.

ኤርማሳ ቲንቢቴ 11:14

«Ermaasa, istti metotidi tana woossiko ta siyontta gishshas ne istta gishshas tana woossofa; istta gishshas gaannatoppa woykko oychchofa.

ኤርማሳ ቲንቢቴ 15:1

Hessafe guye GODAY taas, «Museynne Sameeli ta sinththan eqqidaakkoka ta wozinay ha deraas mishettenna; istta ta sinththafe digga; istti betto.

ኤርማሳ ቲንቢቴ 16:4

«Istti iita hargen hayqqana; isttas yeehoy deenna; moogokka moogettettenna; istta ahay biitta bollan buura mala yegetti attana; istti mashshaninne koshan wurana; istta ahay salo kafotassinne wora do7atas quma gidana» gides.

ኤርማሳ ቲንቢቴ 21:6

Tani ha katamayn diza asaanne mehaa shocana; isttika iita hargen wurana.

ኤርማሳ ቲንቢቴ 24:10

Tani isttassinne istta aawatas immida biittafe istti mulera dhayana gakkanaas, mashsha, koshanne iita harge istta bolla yeddana› gees» gides.

ኤርማሳ ቲንቢቴ 32:24

«Hekko Baabilooneti katamayo oykkanaas gimbe yuushon biitta dooridi giddoththida; olappe, koshappenne iita hargefe dendidayssan katamaya isttara olettiza Baabilooneta kushen aadhdha imettana hanawus; neni ha7i be7izayssa mala ne yootida ubbay polettishe dees.

ኤርማሳ ቲንቢቴ 6:20

Exaaney Saaba biittafe sawiza qimamey haako biittafe yiikko tana ay gaanee? Xuugettiza intte yarshozakka ta ekkike; intte shiishshiza hara yarshoyka tana ufayssenna» gees.

ኤርማሳ ቲንቢቴ 8:13

GODAY, «Istti goyi kessida kath ubbaa ta isttafe ekkaychchana; istta woyne turan ayfey dhayana; balase miththika ayfe immenna; istta bonccotikka qokkana; tani isttas immidayssi isttafe ekettichchana» gees.

ኤርማሳ ቲንቢቴ 9:16

Istta woykko istta aawati erontta kawoteththata giddon tani istta laallana. Tani istta dhayssana gakkanaas mashshan yedeththana» gees.

ሂዚቄላ ቲንቢቴ 14:19

«Woykko tani biittay bolla iita harge yeddada, ta hanqon asay suuth gussana mala ooththada asaanne mehaa wodha wursiko,

ሂዚቄላ ቲንቢቴ 14:21

«Ubbaa Haariza GODAY: tani asaanne mehe wodhanaas Yerusalaame bolla ta oyddu pirdata, mashsha, kosha, wora do7atanne iita harge yeddiza wode izi ay keena aadho iita miish gidandee!

ሂዚቄላ ቲንቢቴ 8:18

Hessa gishshas tani istta bolla hanqon yaana; tani isttas qadhettikenne istta bolla yaana hanotappe ta istta ashshike; istti taakko waassikokka ta siyikke» gides.

ሆሴኤ ቲንቢቴ 5:6

Istti GODAA koyanaas bantta wude mehetanne miizatakka laaggi efana; gido attiin izi isttafe shaakettida gishshas istti iza demmettenna.

ኣሞጼ ቲንቢቴ 5:21

«Tani intte layththan layththan bonchchiza ba7aaleza kadhayssinne ixxays; intte goynos shiiqiza shiiqoykka tana ufayssenna.

ሚኪያሳ ቲንቢቴ 3:4

Isttika pude Xoossako waassana shin Xoossi istta waaso siyenna; iitateththaa gishshas he wode Xoossay ba ayfeso isttafe haraso zaarana.

ዛካራሳ ቲንቢቴ 7:13

‹Ta istta xeygishin istta siyibeettenna; hessa gishshas istti tana xeygishin tanikka siyikke› gees Ubbaafe Wolqqama GODAY.

ሚልካሳ ቲንቢቴ 1:10

«Taas Yarsho yarshizason go7ay baynda tama intte eeththontta mala inttefe issaadeyka Xoossa Keeththa penge gordizaakko aazee dizay! Ta inttenan ufayettikenne intte kusheppe ay yarshoka ekkike» gees Ubbaafe Wolqqama GODAA Xoossay.

ሚልካሳ ቲንቢቴ 2:13

Qasse intte ooththana hara miish GODAAS yarsho shiishshizasoza intte ayfunthan meeshana; hessafe guye intte yarshoko xeellontta gishshassinne ufayssan ekkontta gishshas intte yeekkananne waassana.

ዮሃኒሳ ኣጁታ 6:8

Qasseka Cololo para beyadis; paraa toggidayssa sunththi hayqo geetettees; iza qasse duufoy kaallees; hayqoynne Duufoy biittafe sayso olan, gafan, boshaninne bazzo do7an wodhana mala godateththi isttas imettides.