ኤርማሳ ቲንቢቴ 14:10 - Geeshsha Maxaafa

¹⁰ Ha asata gishshas GODAY, «Istti toylatteteth keehi doseettes; bantta toho naagettenna. Hessa gishshas GODAY isttan ufayettenna; ha7i izi istta qoho qoppees; istta nagara gaason istta qaxxayees» gees.

ጋሞ ማጻፋ

¹⁰ ሃ ኣሳታ ጊሻስ ጎዳይ፥ «ኢስቲ ቶይላቴቴ ኬሂ ዶሴቴስ፤ ባንታ ቶሆ ናጌቴና። ሄሳ ጊሻስ ጎዳይ ኢስታን ኡፋዬቴና፤ ሃኢ ኢዚ ኢስታ ቆሆ ቆፔስ፤ ኢስታ ናጋራ ጋሶን ኢስታ ቃጻዬስ» ጌስ።

ኤርማሳ ቲንቢቴ 14:10 Iomraidhean Croise

1ካዎታ ማጻፋ 17:18

Maccassaya Eelaasa, «Haysso Xoossa asoo! Ta nees ay iita ooththadinaa? Neni ta nagaraa tana hassa7issada ta naaza wodhanaas taakko yadii?» gadus.

ዬ ማጻፋ 119:101

Tani ne qaalas azazettanaas koyza gishshas ta toho iita oge ubbaafe naagadis.

ዬ ማጻፋ 95:10

He yeletaa bolla tani oyddu tammu layth hanqettadis; tanikka, ‹Istti ubba wode bantta wozinan baliza asa; istti ta oge eribeettenna› gadis.

ኬሳ ማጻፋ 32:34

Ha7i baada ha asaa tani nees yootida soo kaaleththa; ta kiitanchchayka nena kaaleththana; gido attiin qaxxayana wodey gakkishin istta nagaraa gishshas ta istta qaxxayana» gides.

ኤርማሳ ቲንቢቴ 2:36

Histtiin ne oge laamma laamma ays woxxay? Kase nena Asoore biittay kawushshida mala Gibxe biittay nena kawushshana.

ኤርማሳ ቲንቢቴ 3:13

Gidikkonne neni, ‹GODAA ne Xoossaa bolla makkallateththan, ne bonchchoka allaga xoossatas daashsha miththata garsan aaththa imoninne taas azazettontta ixon neni mooranchcha gididayssa xalla ammana› gees GODAY» gides.

ኤርማሳ ቲንቢቴ 31:34

Hayssafe guye oonikka ba lagge woykko ba isha, ‹GODAA era› giidi tamaarsenna; gaasoykka guuththafe doommidi gita gakkanaas istti ubbay tana erana; tanikka istta qoho atto gaana; istta nagarakka nam7anththo zaara qoppike» gees GODAY.

ኤርማሳ ቲንቢቴ 6:20

Exaaney Saaba biittafe sawiza qimamey haako biittafe yiikko tana ay gaanee? Xuugettiza intte yarshozakka ta ekkike; intte shiishshiza hara yarshoyka tana ufayssenna» gees.

ኤርማሳ ቲንቢቴ 8:5

Histtiin hayssi derezi ays guye simmi bizee? Yerusalaamey ays ubbato guye simmazee? Istti gene ooso minththi oykkida; simmanaaska koyettenna.

ሂዚቄላ ቲንቢቴ 29:16

Gibxey hayssafe guye Isra7eeley izin zemppiza dere gidukku; maado demmanaas izikko istti simmida wode istti ooththida nagaraa istti qofsiza dere gidana; hessafe guye tani Ubbaa Haariza GODAA gididayssa istti erana› gees» gides.

ሆሴኤ ቲንቢቴ 11:7

Ta derey taappe haakkanaas koyides; gidikkoka istti taakko Ubbaafe Wolqqama Xoossako waassiko ta istta ashshike.

ሆሴኤ ቲንቢቴ 11:9

Tani intte giddon diza Geeshsha Xoossa attiin as gidikke. Ta hanqora intte intteko yiikke; ta bosha hanqo intte bolla yeddike; Efreeme zaarada dhayssike.

ሆሴኤ ቲንቢቴ 7:13

Istti taappe haakki bida gishshas isttas aayye ana! Ta bolla istti makkallida gishshas istta bolla dhayssizaazi yo; Tani istta wozzana koyadis; istti gidikko ta bolla wordo haasayeettes.

ሆሴኤ ቲንቢቴ 7:2

Gido attiin tani hayssa istta iitateththaa wursa erizayssa istti akeekibeettenna. Hessa gishshas istta istta nagaray giddoththi woththides; istta iita oosoy taappe geemmibeenna» gees.

ሆሴኤ ቲንቢቴ 8:13

Istti lo7o yarsho shiishsheettes he yarsho ashozakka meettes; gido attiin GODAY isttan ufayettibeenna. Hessa gishshas izi istta iitateththaa zaari qoppana; istta nagara gishshas qaxxayana. Isttika Gibxe simmana.

ሆሴኤ ቲንቢቴ 9:9

Isra7eele asay kase Gibi7a wode diza asa mala keehi tunides; Xoossi istta qohoza qoppidi istta nagara gishshas istta qaxxayana.

ኣሞጼ ቲንቢቴ 3:2

Xoossay, «Kumeththa alamen diza dere ubbaafe ta inttena xalla dooradis; intte ooththiza nagara ubbaa gishshas ta inttena qaxxayays» gees.

ኣሞጼ ቲንቢቴ 5:22

Taman xuugettiza yarshonne kaththa yarsho intte taas shiishshikokka ta hessa inttefe ekkike; dhiikettida intte mehetappe intte taas issifeteththa yarshos shiishshiko ta iza ayfenka xeellike.

Ibirawe 8:12

Istta qohoza ta maarana. Hayssafe sinththan ta asa nagara nam7anththo zaara qoppike» gees.

1ሳሜላ ማጻፋ 15:2

GODAY Ubbaafe Wolqqama Xoossay, ‹Isra7eeley Gibxeppe kezida wode Amaaleeqeti isttara oge bolla eqettida gishshas ta istta qaxxayana.