ኤርማሳ ቲንቢቴ 13:22 - Geeshsha Maxaafa

²² Neni ne wozinan, ‹Hayssi ubbay ta bolla ays gakkidee?› giikko, ne may7oy qaarettiin ne sugettiday, ne asa kushen waaye be7iday ne nagaray darida gishshassa.

ጋሞ ማጻፋ

²² ኔኒ ኔ ዎዚናን፥ ‹ሃይሲ ኡባይ ታ ቦላ ኣይስ ጋኪዴ?› ጊኮ፥ ኔ ማይኦይ ቃሬቲን ኔ ሱጌቲዳይ፥ ኔ ኣሳ ኩሼን ዋዬ ቤኢዳይ ኔ ናጋራይ ዳሪዳ ጊሻሳ።

ኤርማሳ ቲንቢቴ 13:22 Iomraidhean Croise

ኢሳያሳ ቲንቢቴ 20:4

Asoore kawoy Gibxeppe di7ettida cimatanne yelagata, Tophphiyappe beti yidayta kallonne caamma aaththontta ekki baana; istti duca kallo qaari yeggidi yedereththishe Gibxeta kawushshana.

ኢሳያሳ ቲንቢቴ 3:17

Hessa gishshas tani GODAY Xiyoone maccassata hu7e citton goo7issana; tani GODAY istta hu7e bo7asana» gees.

ኢሳያሳ ቲንቢቴ 47:8

«Hanne ishalo duus dizaaree! Nerkka nenan ammanetta uttidaaree! Ne wozinan, ‹Tana; taappe attiin haray baa. Hannife guye tani am7o gidikke; yelada dhoommidaaro gidikke› gizaaree siya!

ኤርማሳ ቲንቢቴ 13:26

Intte kalloy beettanaashe gakkanaas tani intte may7o qaarada intte sinth kammana.

ኤርማሳ ቲንቢቴ 14:16

Qasse istti tinbite yootida dereykka koshaninne ola gaason Yerusalaame dubbushatan kundana; isttas, istta machcheta, istta attuma naytanne macca nayta aha moogizay dhayana; tani istta mooro mala istta bolla qixaate ehana» gides.

ኤርማሳ ቲንቢቴ 5:19

Asay nena, ‹Nu GODAA nu Xoossay nu bolla hayssa ubbaa ays ooththidee?› giidi oychchiza wode neni isttas, ‹Intte tana GODAA aggidi intte biittan allaga xoossatas ooththida mala, intteka asa biittan allagatas hessaththo ooththana› ga» gides.

ኤርማሳ ዚላስ 1:8

Yerusalaamey daro deexo nagara ooththadus; kadheska attadus; iza kallo dishin be7ida gishshas kase izo bonchchidayti ubbay izo kadhida; izakka ba baggara yeellatada biitta xeellashe guye simmadus.

ሂዚቄላ ቲንቢቴ 23:26

Istti ne may7o qaari ekkana; doorettida ne alleqota neeppe woththi ekkana.

ሆሴኤ ቲንቢቴ 12:8

Efreemey, ‹Tani dure; ta duretadis; taas hayssi ubbay dishin ay qohoykka woykko nagaray ta bolla gakkenna› gi ceeqettees.

ሆሴኤ ቲንቢቴ 2:10

Izi laggeththota sinththan ta izo kallo ashshana; izo ta kusheppe ashshanay deenna.

ሆሴኤ ቲንቢቴ 2:3

Iza simmontta ixxiko iza ba aayey uloppe kallo yelettida mala ta izo xiire kallo ashshana. Bazzo malanne mela biitta mala ta izo ooththana. Ta izo haaththa saamon wodhana.

ሆሴኤ ቲንቢቴ 2:5

Istta aaya layma; kawushsha hanon shaaradus. Iza ba doonara, ‹Tani ta laggeththotaakko bays; istti taas kaththinne haaththe, suufeppenne lee7e haareppe dadettida may7o, wogara zaytenne woyne ushshu immana› gadus.

ናሆሜ ቲንቢቴ 3:5

Ubbaafe Wolqqama GODAY, «Hanne tani ne bolla morkketeththan dendadis; tani ne qamisa qaara ne ayfeso kammana; ne kalloteththaa deraas, yeellateththaa kawoteththatas ta bessana.

ሶፎናሳ ቲንቢቴ 1:12

He wode ta Yerusalaame giddoza xomppera koyana; aykko hirgay baynda badhdhi gi uttidayta, woyne ushshu gacci ekkichchiin orcco bolla attida woyne ushsha mala gididayta, ‹Iita gidiin woykko lo7o gidiin GODAY aykkoka ooththenna› gizayta ta qaxxayana.

ዛሬ ማጻፋ 18:21

Intte, «Nabey yootiza tinbite qaalay GODAAPPE gidonttayssa ta aazan shaakka eranee?» gi oychchana dandayeeta.

ዛሬ ማጻፋ 7:17

Intte intte wozinan, «Ha kawoteththati nuuppe minneettes; histtiin nu istta wostti dhayssanee?» giidi qoppontta aggeketa.

ዛሬ ማጻፋ 8:17

Hessa gishshas, «Nuni nu wolqqaninne nu minoteththan duretidos» gi qoppofte.