ኤርማሳ ቲንቢቴ 13:16 - Geeshsha Maxaafa

¹⁶ Izi dhuma ehontta dishin dhumida zumata bolla intte tohoy dhuphettontta dishin GODAAS intte Xoossas bonchcho immite; Intte, «Poo7oy yaana» giidi naageeta; gido attiin izi dhuman laammana; sakkanna dhuma ooththana.

ጋሞ ማጻፋ

¹⁶ ኢዚ ማ ኤሆንታ ዲሺን ሚዳ ዙማታ ቦላ ኢንቴ ቶሆይ ጴቶንታ ዲሺን ጎዳስ ኢንቴ ጾሳስ ቦንቾ ኢሚቴ፤ ኢንቴ፥ «ፖኦይ ያና» ጊዲ ናጌታ፤ ጊዶ ኣቲን ኢዚ ማን ላማና፤ ሳካና ማ ኦና።

ኤርማሳ ቲንቢቴ 13:16 Iomraidhean Croise

ኢዮቤ ማጻፋ 3:5

Shaarumaninne girdi gida dhuman kamettidayssa gido; shaaray kammiin dhumay iza poo7o mitto.

ዬ ማጻፋ 107:10

Isttafe issoti issoti birata sansalatan qashettidi waayettizayta; sakkanna dhuma giddonkka uttidayta;

ዬ ማጻፋ 107:14

Sakkanna dhumappe istta kessides; istti qashettida sansalatakka duusereththides.

ዬ ማጻፋ 29:2

GODAA bonchcho sunththaa galatite; Iza geeshshateththa teemas GODAA goynnite.

ዬ ማጻፋ 44:19

Gido attiin neni nuna menththereththada do7a ogen yeggadasa; girdi gida dhumankka oladasa.

ኬሳ ማጻፋ 10:21

Hessafe guye GODAY Muses, «Gibxe biittan girdi gida dhumay dhumana mala ne kushe pude salo denththa» gides.

ሌሚሶ ማጻፋ 4:19

Gido attiin nagaranchchata ogey sakkanna dhuma mala; istti aazan dhuphettanaakkoka erettenna.

ኤራንቻታ ማጻፋ 11:8

Asi keehi adussa layth ha sa7an de7ikko he ubbaankka ufayetto. Gido attiin dhuma gallassati dariza gishshas qoppo; buro yaana miishshi ubbayka hada.

ኢሳያሳ ቲንቢቴ 5:30

He gallas istti gita abba dambala mala, Isra7eele bolla guummana; oonikka duge zaari biittaa xeelliko dhumanne meto be7ana; poo7oykka shaaran kamettana.

ኢሳያሳ ቲንቢቴ 59:10

Qooqe mala gimbeza bolla gandigardos. Nu hemetay ayfey baynda asa mala tattafeteth gidides; arshey wullishin haniza seeta gallas dhuphettidos. Qasse mino asata giddon nuni hayqqida asa mala gididos.

ኢሳያሳ ቲንቢቴ 59:9

Hessa gishshas suure pirday nuuppe haakkides; xilloteththika nuukko gakkenna. Nuni poo7o koyidos; gido attiin ubbay dhuma gidides; wagagga poo7o koyidos; gido attiin sakkanna dhuma gidides.

ኢሳያሳ ቲንቢቴ 60:2

Be7a, dhumay sa7aa kammana; sakkanna dhumay deraa goozi oykkana; gido attiin GODAY nees gakkana; ba bonchchoka ne bolla poo7isana.

ኢሳያሳ ቲንቢቴ 8:22

Hessafe guye istti duge biitta xeellana; istti xeellanayssika waaye, dhumanne dhippi gida babisiza miish xalla; istti girdi gida dhuman yegettana.

ኤርማሳ ቲንቢቴ 14:19

Abeet GODAWU! Neni Yuhuda mulekka aggadii? Xiyoone asaa harassetadii? Neni nuna paxontta mala ooththada ays dechchadii? Nuni saroteth naagidos; gido attiin saroteth demmibeekko; «Paxana wodey yaana» giidi naagidos; gido attiin dagama xalla gidides.

ኤርማሳ ቲንቢቴ 2:6

Isttika, ‹Nuna Gibxeppe kessiday, bazzon samida ogera, kundukurcco biittara, melanne dhuma biittara, asi aadhdhonttasora nuna kaaleththi ehida GODAY awan dizee?› gi oychchibeettenna.

ኤርማሳ ቲንቢቴ 23:12

Hessa gishshas istta ogey hallixana; isttika dhuman kundana; istti gandigardi kundana; istti qaxxayettiza wode ta istta bolla pala miish ehana.

ኤርማሳ ቲንቢቴ 4:23

Tani sa7a xeellada sa7ay lo7i giigonttayssanne coo mela dizayssa be7adis. Qasse salota xeellada isttan poo7oy bayndayssa be7adis.

ኤርማሳ ቲንቢቴ 50:6

«Ta derey dhayda dorsa mala gidides; istta heenththanchchati istta baleththidi wora kaaleththida; zumata bollanne zumbullata bolla toylattida; ba aqizasokka dogida.

ኤርማሳ ቲንቢቴ 6:21

Hessa gishshas GODAY, «Tani ha deraa sinththan dhuphiza miish woththana; aawatinne attuma nayti izan dhuphettana; shoorotinne laggeti dhayana» gees.

ኤርማሳ ቲንቢቴ 8:15

‹Saroy yaana› giidi hidota ooththidos; gido attiin lo7o miishshi yibeenna. ‹Nuni paxana› giidi amottidos; gido attiin dagama xalla gidides.

ኤርማሳ ዚላስ 4:17

Nu ayfey maado demmanaas xeellishe coo mela daaburdes; nuna ashshanaas dandayontta deretappe maado demmanaas laamotan naagidos.

ሂዚቄላ ቲንቢቴ 21:15

Wozina ubbay taahana mala, kundizayti darana mala, tani istta pengeta ubbaan popol7u giza mashsha woththadis. Aayye ana, popol7u gaana mala qucettides; siifanaaska koohoppe shodettides.

ሂዚቄላ ቲንቢቴ 34:12

Heenththanchchay ba wudetara dishe laalettida wudeta koyza mala tanikka ta wudeta koyana; shaara gallassinne dhuma gallas istti laalettidaso ubbaafe ta istta shiishshana.

ሂዚቄላ ቲንቢቴ 36:15

Hayssafe guye ta nena kawoteththata naach sissike; ne asa cashshan metotakka; neni kawoteththataskka dhuphe gidakka gees» gides.

ኢዩኤሌ ቲንቢቴ 2:2

He gallassay dhumanne tulala gallassa; shaaranne sakkanna dhuma gallassa; wontta poo7oy eeson zumata gakkiza mala wolqqama booley biitta ubbaan may7ana; hessa malay hayssafe kase hanibeenna; hayssafe guyenkka wodenkka hanenna.

ኣሞጼ ቲንቢቴ 4:13

Zumata ooththidaadey carkota medhdhidaadey ba qoppidayssa asas qonccisizay gallassa poo7o gede dhuman laammizay biitta bolla dhoqqasohon hemettizayssa sunththay GODAA Salo Xoossa.

ኣሞጼ ቲንቢቴ 5:18

Intteno GODAA gallas naagizaytoo! Inttes aayye ana! He gallassay dhumappe attiin poo7o gallas gidontta gishshas intte ays he gallassa koyeetii?

ሚልካሳ ቲንቢቴ 2:2

Intte ta gizaaz siyontta ixxikonne intte intte wozina ta sunththaa bonchchanaas giigsontta aggiko ta intte bolla qanggeth yeddana; ta inttena anjjana anjjoza qanggeththan laammana; intte tana bonchchanaas intte wozina giigsontta aggida gishshas addafe ta hayssa ubbaa intte bolla ooththana» gees Ubbaafe Wolqqama GODAY.

ዮሃኒሳ ሚሺራቾ 12:35

Yesusi isttas, «Ha7i guuththa wodes inttenara poo7oy dees; gadey dhumontta poo7ora hemettite; qammara hemettizaadey izi awa bizaakko erenna.

ኢያሶ ማጻፋ 7:19

Histtiin Iyaasoy Akaane, «Ta naazoo! GODAA Isra7eele Xoossaa bonchcha; izas paaxa; ane neni ooththidayssa qottontta dashe taas yoota» gides.

1ጴጽሮሳ ኪታ 2:8

Qasseka, «Hekko ase dhuphiza shuchchay hayssich! Asa dhuphi kundisiza zaalla shuchchay hayssako» gees; istti qaalaa ammanontta ixxida gishshas dhuphetteettes; kasekka istti hessas dizayta.

1ሳሜላ ማጻፋ 6:5

Intte biittaa dhayssanaas kiitettida eceretanne kixa misleta ooththidi Isra7eele Xoossaa bonchchos immite; intte hessaththo ooththiko oonee erizay izi ba kushe intte bollafe, intte xoossata bollafenne intte biittaa bollafe denththanaaz gidana.