ኤርማሳ ቲንቢቴ 12:1 - Geeshsha Maxaafa

¹ Abeet GODAWU! Tani nenara palamettiza wode ubbaankka ne xillo. Iita asati ooththizayssi isttas ays injjetizee? Ammanettonttayti ays ishalo duus dizoo?

ጋሞ ማጻፋ

¹ ኣቤት ጎዳዉ! ታኒ ኔናራ ፓላሜቲዛ ዎዴ ኡባንካ ኔ ጺሎ። ኢታ ኣሳቲ ኦዛይሲ ኢስታስ ኣይስ ኢንጄቲዜ? ኣማኔቶንታይቲ ኣይስ ኢሻሎ ዱስ ዲዞ?

ኤርማሳ ቲንቢቴ 12:1 Iomraidhean Croise

ሜቴ ማጻፋ 18:25

Xillota wordotara gaththa wodhizayssinne xillotanne wordota issi ayfen xeellizayssi hessi neeppe haakko; ha biitta ubbaa bolla pirdiza neni xillo pirdikii?» gides.

ኢዝራ ማጻፋ 9:15

GODAA Isra7eele Xoossawu! Neni tumu pirdiza Xoossa; gido attiin nuni guuththati dhayoppe attidi de7on daana mala ooththadasa; nuni ne sinththi shiiqana bessizayta gidokkoshin hekko nuni nu moorora ne sinththi shiiqidos.»

ናሂሚያ ማጻፋ 9:33

Ne nuna qaxxayana gaada ne ooththidayssi wuri likke; nuni nagara ooththikokka neni ne ammaneteththan minna eqqadasa.

ኢዮቤ ማጻፋ 12:6

Ba eeqa xoossata goynnizayti, kaysotinne xoossa kaddida asatikka saron deettes.

ኢዮቤ ማጻፋ 13:3

Gidikkoka ta haasayay ubbaa dandayza Xoossara; ta izarakka marshettana.

ኢዮቤ ማጻፋ 24:12

Katamatan hayqqanaas tooqiza asati gootareettes; madunxida asatikka maado oyshon waasseettes. Xoossi gidikko istta bolla oosettida geneza beyibeenna.

ኢዮቤ ማጻፋ 24:23

Xoossi istta saron daana mala ooththikokka, istti biza oge ubbaa tishshi histti xeellees

ኢዮቤ ማጻፋ 8:17

Xaphoza shuchcha muuhe giddon yeddees; zaalla za7an xaphees.

ዬ ማጻፋ 116:5

GODAY kiyanne xillo; nu Xoossay maarizayssa.

ዬ ማጻፋ 119:137

Abeet GODAWU! Neni xillo; ne pirdayka likke.

ዬ ማጻፋ 119:75

Abeet GODAWU! Ne pirday xillo gididayssanne neni tana qaxxayday ammaneteththan gididayssa tani erays.

ዬ ማጻፋ 145:17

GODAY ba oge ubbaan xillo; izi ba ooso ubbaan kiya.

ዬ ማጻፋ 37:1

Iita ooththizayta be7ada yiillotoppa; nagara ooththizayta qanaatoppa.

ዬ ማጻፋ 37:35

Tani issi menxe iita asi wola mala daayidayssa beyadis.

ዬ ማጻፋ 51:4

Ta nena xalla qohadis; qasseka ne sinththan iita ooththadis. Hessa gishshas ne qaxxayda qixaaten, ne ta bolla pirdida pirdankka ne xillo

ዬ ማጻፋ 51:6

Hekko neni asa wozinappe tuma koyaasa; hessa gishshas ta giddo asateththaa ne aadho erateth tamaarsa.

ዬ ማጻፋ 92:7

Iitati maata mala diccikokka, gene ooththiza ubbati ciiykkoka istti mernaas dhayana.

ሌሚሶ ማጻፋ 1:32

Wozinay paccidayta aadho erateththafe haakoy istta wodhana; balata wuda dhayoy istta dhayssana.

ኤራንቻታ ማጻፋ 8:14

Sa7a bolla oosettiza haray hada miishshi dees; hessika xilloti iitatas bessiza qixaate, iitati xillotas bessiza lo7o miish ekkeettes. Heyti ubbayka hada.

ኢሳያሳ ቲንቢቴ 41:21

GODAY, «Ane intte mooto ekkidi haa shiiqite» gees. Yaaqoobe Kawoy, «Ane intte mooto daafaa haa ehite» gees.

ኢሳያሳ ቲንቢቴ 48:8

Neni siyabeekka woykko erabeekka; ne hayththi benippeka doyettibeenna. Gaasoykka neni kasekka cimmizaadenne naateththafe doommada ne makkallanchcha geetettidayssa ta eradis.

ኤርማሳ ቲንቢቴ 11:20

Wozinanne kilaho paacca xeelliza Ubbaafe Wolqqama GODAWU! Ta yo7ota nees immadis; neni istta bolla halo kessishin ta beyana.

ኤርማሳ ቲንቢቴ 12:6

Ne ishatinne ne soho asati nena hilida; ne bolla waassida; hessa gishshas istti nees lo7o haasaykkoka ne istta ammanoppa.

ኤርማሳ ቲንቢቴ 3:20

Gido attiin Isra7eele asawu! Intte ba azinaas ammanettontta maccassa mala taas ammanettibeekketa» gees.

ኤርማሳ ቲንቢቴ 3:7

Iza hayssa ubbaa ooththadakka taakko simmana gaada qoppadis shin simmabeekku. Qasse ammanettontta izi michcho Yuhudaykka hessa beyadus.

ኤርማሳ ቲንቢቴ 32:16

Tani Neeriya naa Baarokes gadeza shammida wule waraqata immidaappe guye GODAA,

ኤርማሳ ቲንቢቴ 9:2

Tani ta deraappe shaakettada haakka baana mala bazzon mandaray aqizasoho taas oonee immanay! Istti ubbayka laymatizaytanne baleththizayta gidida.

ኤርማሳ ዚላስ 1:18

«Xoossi xillo; tani gidikko iza azazo bolla makkalladis; intte wurikka siyite; ta metozakka xeellite; macca naytinne naateththa attuma nayti taappe di7etti bida.

ሂዚቄላ ቲንቢቴ 18:25

«Intte gidikko, ‹GODAA ogey suure gidenna› geeta. Intteno Isra7eele asatoo! Ha7i siyite! Ta ogey suure gidennee? Geellay intte oge gidennee?

ዳኔላ ቲንቢቴ 9:14

GODAA nu Xoossay ba ooththiza ooso ubbaan xillo; GODAY nu bolla bash ehanaas modhettibeenna.

ዳኔላ ቲንቢቴ 9:7

«Abeet GODAWU! Neni xillo; nuni gidikko nees ammanettontta gishshas nuna biitta ubbaa bollan ne laallida Yuhuda asay, Yerusalaame asaynne kumeththa Isra7eele asay matan gidiin haahon diza ubbay ha7i yeellatidos.

ሆሴኤ ቲንቢቴ 6:7

Istti qasse kase Addaame geetettizason tanara gelida caaqo qaala laallida; heenkka istti tanan ammanettibeettenna.

ኢምባቆ ቲንቢቴ 1:4

Hessa gishshas wogay leppides; tuma pirday deenna; tuma pirday geellattana mala iitati xillota un7eththeettes.

ሶፎናሳ ቲንቢቴ 3:5

Izin diza GODAY izi xillo. Mulekka baletti erenna; maalado maalado suure pirdees; ubbaa gallassika daaburi erenna; gido attiin makkallanchchatas yeellay deenna.

ሚልካሳ ቲንቢቴ 2:17

Intte coo hada haasayan GODAA saleththideta; «Nu iza aazan saleththidonii?» geeta; intte iza saleththiday, «Iita ooththizayti ubbay Xoossa sinththan lo7o; izikka isttan ufayettees» guussan woykko «Tuma pirdiza Xoossi awan dizee?» guussanna.

ሚልካሳ ቲንቢቴ 3:15

Ha7i nu otoranchchati anjjetti dishin iita ooththizayti duretishin Xoossa paccizayti kessi ekki attishin beyoos› geeta» gees Ubbaafe Wolqqama GODAA Xoossay.

ዛሬ ማጻፋ 32:4

«Izi nuus miixa; iza oosotikka kumeththa; Iza ogeti wurikka suure; izi balettontta ammanettida Xoossa; izi suurenne xillo Xoossa.