ኤርማሳ ቲንቢቴ 10:10 - Geeshsha Maxaafa

¹⁰ Gido attiin GODAY tumu Xoossa; izi de7o Xoossanne mernaa Kawo. Izi hanqettiza wode biittay qaaxxees; kawoteththatikka iza yiillo dandayettenna.

ጋሞ ማጻፋ

¹⁰ ጊዶ ኣቲን ጎዳይ ቱሙ ጾሳ፤ ኢዚ ዴኦ ጾሳኔ ሜርና ካዎ። ኢዚ ሃንቄቲዛ ዎዴ ቢታይ ቃጼስ፤ ካዎቴቲካ ኢዛ ዪሎ ዳንዳዬቴና።

ኤርማሳ ቲንቢቴ 10:10 Iomraidhean Croise

ሜቴ ማጻፋ 21:33

Abrahaamey Bersaabehen Tamarssike geetettiza mith tokkidi heen GODAA Mernaa Xoossa xeygidi goynnides.

1ካዎታ ማጻፋ 18:39

Asay ubbay hessa be7ida wode gufannidi, «GODAY Xoossaa! GODAY izi xalla tumu Xoossaa!» gida.

1ካዎታ ማጻፋ 8:60

Hessika sa7an de7iza asay ubbay Xoossi xalla GODAA gididayssanne izappe attiin hara xoossi bayndayssa istti erana malassa.

1ታሪኬ ማጻፋ 29:11

Abeet GODAWU! Saloninne sa7an diza ubbay neessa; gitateththi, wolqqay, bonchchoy, teemaynne puulateththi neessa.

2ታሪኬ ማጻፋ 15:3

Isra7eele asay tumu Xoossi, tamaarsi qeeseynne wogay baynda daro wode de7ides.

ኢዮቤ ማጻፋ 9:6

Xoossi biitta dizasoppe kokkorsana; biitta tuussatakka qaaseththana.

ዬ ማጻፋ 10:16

GODAY merippe mernaas kawotidi dees; hara kawoteththati iza biittafe dhayana.

ዬ ማጻፋ 100:3

GODAY Xoossa gididayssa erite; nuna medhdhiday iza; nuni izayta; nuni iza asati izi heemmiza dorsa wudeta.

ዬ ማጻፋ 100:5

Ays giikko GODAY kiya; iza siiqoy mernaassa; iza ammaneteththay yeletappe yeleta gakkanaassa.

ዬ ማጻፋ 104:32

Izi biitta xeelliin biittay qaaxxees; qasse izi zumata bochchiin zumati cuwatteettes.

ዬ ማጻፋ 114:7

Hanne biittayee! Godaa sinththan Yaaqoobe Xoossa sinththan kokkora.

ዬ ማጻፋ 145:13

Yeletappe yeleta gakkanaas ne haarana; ne kawoteththay mernaassa. GODAY ba gida qaalan ammanettizayssa; izi ba ooso ubbaan kiya.

ዬ ማጻፋ 146:6

GODAY salonne sa7a, gita abbanne istta giddon diza ubbaa medhdhidayssa; izi ba ammaneteththaa mernaas naagizayssa.

ዬ ማጻፋ 18:7

Xoossi hanqettida gishshas biittay qaaxxides; zumata xaphoy kokkorides.

ዬ ማጻፋ 29:10

GODAY di7o haaththa bolla ba araata woththidi uttides; GODAY ba kawoteththa algan uttidi mernaas haarees.

ዬ ማጻፋ 31:5

Abeet GODAWU tumu Xoossawu! tani ta shemppo ne kushen hadara immays; neni tana wozza.

ዬ ማጻፋ 42:2

«Ta shemppoya tani baada Xoossa sinth beyanay awudeeshshaa?» gaada Xoossa, de7o Xoossa saamettadus.

ዬ ማጻፋ 68:11

Goday qaala yeddides; he kiitaa daro maccassati deraas awajjida.

ዬ ማጻፋ 68:8

Siina Xoossa sinththan, Isra7eele Xoossa sinththan biittay qaaxxides; saloti ira duge tigida.

ዬ ማጻፋ 74:12

Abeet Xoossawu! Benippeka ta kawoy nena; neni biitta bolla atoteth ehadasa.

ዬ ማጻፋ 76:7

Abeet Xoossawu! Neni yashshaasa! Ne hanqoy suullida wode ne sinththan oonee eqqanay?

ዬ ማጻፋ 76:8

Neni saloppe pirda sissadasa; biittay yayyada sirphi gadus.

ዬ ማጻፋ 77:18

Ne dada gunththay gote carko giddon kooshimides; ne wolqqanththa phoolleththi sa7a poo7isides; biittayka qaaxxi kokkorides.

ዬ ማጻፋ 84:2

Tani GODAA Keeththa zago laamotays; tani kumeththa wozinappe de7o Xoossas ufayssan yexxays.

ዬ ማጻፋ 9:8

Izi ha alameza xilloteththan pirdana; kawoteththata bollaka tumateththan pirdana.

ዬ ማጻፋ 90:11

Ne hanqoza wolqqa oonee erizay? ne hanqo seelay yashshees.

ዬ ማጻፋ 90:2

Zumati medhettanaappe kase, woykko neni sa7a ooththanaappe kase mernaappe mernaa gakkanaasi neni Xoossa.

ዬ ማጻፋ 93:2

Ne kawoteththa araatay beniisofe minni eqqides; neni mernaas daasa.

ዬ ማጻፋ 97:4

Iza wolqqanththi sa7a poo7isees; biittay hessa be7idi qaaxxees.

ኢሳያሳ ቲንቢቴ 37:17

Abeet GODAWU, ne hayth haa yeggada ezga. Abeet GODAWU, ne ayfe pogada haa xeella. Nena De7o Xoossaa cayanaas Senakireemey kiittida qaala siya.

ኢሳያሳ ቲንቢቴ 37:4

De7o Xoossaa cayana mala iza godaa Asoore kawoy kiittida ola gadawa qaala GODAA ne Xoossay siyontta aggenna. Qasse GODAA ne Xoossay he siyida qaalaa gaason iza qaxxayontta aggenna. Hessa gishshas neni shemppora paxa attida cashata gishshas woossa› gees» gida.

ኢሳያሳ ቲንቢቴ 40:15

Be7ite kawoteththati gombo giddon xokkida haaththa mala; istti meezaane bolla diza gudulla mala qoodetteettes; harurota liiqo biitta mala geeddarees.

ኢሳያሳ ቲንቢቴ 40:28

Ne erabeekkii? Ne siyabeekkii? GODAY mernaa Xoossa; izi biittaa ubbaaka medhdhidayssa. Izi daaburenna; azallenna; iza akeekaykka oonankka pilggettenna.

ኢሳያሳ ቲንቢቴ 57:15

Dhoqqu gidayssi, Ubbaa haarizayssi, izas sunththayka Geesh geetettidayssi, mernaas de7izayssi, «kawuyidayta ayana denththeththanaas, wozinay meqqidayta minththeththanaas, dhoqqu gida geeshshasohon ta de7ays; qasseka wozinay meqqidaytaranne ayanan ashke gididaytara tani de7ana.

ኢሳያሳ ቲንቢቴ 65:16

Hessa gishshas biittay bolla anjjo koyzaadey tuma Xoossa sunththan anjjettana; biittayn caaqqiza asi tuma Xoossa sunththan caaqqana; kase aadhdhida metoti dogettida; ta ayfeppekka geemmida» gees.

ኤርማሳ ቲንቢቴ 23:36

Hayssafe guyen gidikko, ‹GODAA tooho› giidi intte haasayanaas bessenna. Gaasoykka as ubbaas izi haasayda qaalay izas tooho gidiza gishshas de7o Xoossa, Ubbaafe Wolqqama GODAA nu Xoossa qaala intte bokkiseeta.

ኤርማሳ ቲንቢቴ 4:2

intte tuman, suureteththaninne xilloteththan, ‹De7o GODAY beyiin!› giidi caaqqiko, he wode kawoteththati izan anjjettananne bonchchettana» gees.

ኤርማሳ ቲንቢቴ 4:24

Tani zumata xeellada istti kokkorishininne zumbullati ubbay yon7iyon7ishin be7adis.

ኤርማሳ ቲንቢቴ 50:46

Baabiloone kundeththa giirissi biitta qaaththana; izi waasoy kawoteththa ubbaa garsan kooshumana» gees.

ኤርማሳ ቲንቢቴ 51:29

Baabiloone oonikka dontta bazzo biitta histtanaas GODAY qoppida qofay polettana wodey gakkida gishshas biittay kokkorees; metonkka poporqqu gees.

ዳኔላ ቲንቢቴ 4:3

Xoossi bessiza malatay ay mala gitaa! malalisiza iza oosoti ay mala minoo! Xoossi mernaas kawo; iza kawoteththay yeletappe yeleta gakkanaas de7ees.

ዳኔላ ቲንቢቴ 4:34

Kawo Nabukadanaxoorey, «Laappun layththati aadhdhidaappe guye tani ta ayfeta pude salo denththadis; taas wozina kahay simmides; Ubbaafe Dhoqqa Xoossa galatadis; mernaas diza Xoossa sabbadis; bonchchoka izas immadis; iza kawoteththay mernaassa; iza kawoteththay yeletappe yeleta gakkanaas daana.

ዳኔላ ቲንቢቴ 6:26

Ta kawoteththan diza derey wurikka Daaneela Xoossas yayyana malanne iza bonchchana mala tani awajja kessadis; izi mernaas de7iza De7o Xoossa; iza kawoteththi dhayontta kawoteththa; iza kawoteththaskka wurseththi deenna.

ዳኔላ ቲንቢቴ 6:27

Izi ashsheessinne maaddees; Izi saloninne sa7an malaatatanne malalisiza miishshata ooththees; izi Daaneela gaammota doonappe ashshides» gides.

ዳኔላ ቲንቢቴ 7:14

Alame bolla diza as ubbay, kawoteththati ubbaynne dumma dumma qaalan haasayza zareti ubbay izas haggazana mala godateththi, bonchchoynne kawoteththi izas imettides; izi mernaas haarana; iza kawoteththaskka wurseththi deenna.

ኢዩኤሌ ቲንቢቴ 2:11

GODAY ba olanchchata sinththan dada mala guummana; iza olanchchati ay mala daroo! Iza azazo ooththizayti ay mala wolqqamaa! tumappeka GODAA gallassay keehi wolqqama; keehi babisiza he gallassaa danday eqqanay oonee?

ሚኪያሳ ቲንቢቴ 1:4

Muqaadday tama be7idi seeriza malanne haaththi aafora duge goggiza mala he wode zumati iza toho garsan seerana; shoobbatikka phalqetti wodhdhana.

ናሆሜ ቲንቢቴ 1:5

Zumati iza sinththan kokkorida; zumbullatikka seerida. Iza sinththan biittay, alameynne izin diza ubbati qaaxxida.

ናሆሜ ቲንቢቴ 1:6

Iza hanqora eqettana dandayzay oonee? iza hanqo minoza tookkana dandayzay oonee? Iza hanqoy tama mala eexxides; zaallatikka iza sinththafe za7ida.

ኢምባቆ ቲንቢቴ 3:10

Zumati nena be7idi mannida; Haaththaa dambalay aadhdhi bides; abbay ceeqettides; abbaa dambalakka pude denththides.

ኢምባቆ ቲንቢቴ 3:6

Izi eqqiin biittay qaaxxides; izi xeellidi asaa kokkorisides; Mernaas diza zumati laaleteth piski gida; Beniisofe diza zumatikka woddida; Iza ogey mernaassa.

ሚልካሳ ቲንቢቴ 3:2

Izi yaana gallassa teqqana dandayzay oonee? Izi qoncciza gallas iza sinththan eqqanaas dandayanay oonee? Izi cooce tama mala woykko may7o meecciza saamuna mala;

Maatosa 16:16

Simoona geetettiza Phexroosi, «Neni Kirstoosa de7o Xoossa Naa gidikkii?» giidi zaarides.

Maatosa 26:63

Yesusikka co7u gides. Qeeseta halaqay, «Ta nena de7o Xoossaa sunththan oychchays! Neni Xoossa naa Kirstoosa gidikko taas yoota!» gides.

ዮሃኒሳ ሚሺራቾ 17:3

Mernaa de7oykka ne xalla tumu Xoossanne ne kiittida Yesus Kirstoosa ero guussa.

ሃዋሬታ ኦሶ 14:15

«Hayto asatoo! Hayssa aazas ooththeetii? Nunikka intte mala asakko! Intteka qasse hayssa mela hada yo7oppe haakkidi salonne sa7a, abbaka, abbata giddon dizayta ubbaa medhdhida de7o Xoossaako intte simmana mala inttes mishiraachcho qaala sabbakoos.

ዛሬ ማጻፋ 32:4

«Izi nuus miixa; iza oosotikka kumeththa; Iza ogeti wurikka suure; izi balettontta ammanettida Xoossa; izi suurenne xillo Xoossa.

ዛሬ ማጻፋ 5:26

De7o Xoossay tama giddon dishe yootiin nu siyida mala iza cenggurssa siyidi hayqqontta shemppora paxa attida asi daanee?

1ታሶሎንቄ ኣሳስ 1:9

Intte nuna wostti mokki ekkidaakkonne de7on diza tumu Xoossaas ooththanaas intte eeqatappe Xoossaako waani simmidaakko asay intte gishshas haasayees.

1ጺምቶሳስ 1:17

Hessa gishshas mernaas hayqqi erontta, ayfen beetti erontta barkka xalla Xoos gidida kawos mernaappe mernaa gakkanaas izas bonchchoynne galatay gido. Amiin.

1ጺምቶሳስ 6:17

Hayssa ha alamezan duretidayti otorettontta mala azaza; nu ufayettana mala wursika darssi tirfisidi nuus immiza Xoossaan attiin ammanththontta miishshaan ammanettontta mala asaas yoota.

Ibirawe 10:31

De7o Xoossaa kushen kundeththi daro babisees.

ኢያሶ ማጻፋ 3:10

De7o Xoossi intte giddon dizayssanne izi tumappe Kanaaneta, Hiiteta, Hiiweta, Paarizeta, Gergeseta, Amooretanne Yaabuseta intte sinththafe kessanayssa intte hessan erana.

1ዮሃኒሳ ኪታ 5:20

Xoossa Nay yidayssanne nuni tuma Xoossaa erana mala akeeka izi nuus immidayssa nu eroos; nunikka tumu gidida iza Naaza Yesus Kirstoosan doos; Izikka tumu Xoossanne mernaa de7o.

ዮሃኒሳ ኣጁታ 20:11

Hessafe guye issi gita booththa alganne he algaa bolla uttidayssa beyadis; biittaynne saloy iza sinththafe baqatida shin istti biidi gelanasoy beettibeenna.

ዳናታ ማጻፋ 5:4

«Abeet GODAWU! Neni Seyre dereppe dendida wode, neni Eedoome biittafe kezida wode, biittay qaaxxides. Saloppe iray bukkides; ee, iray shaaratappe duge bukkides.

1ሳሜላ ማጻፋ 17:26

Dawiti ba achchan eqqida asata, «Ane hayssa Filisxeeme addeza wodhidi hayssa ha kawushshateththaa Isra7eele bollafe diggidaades aazi oosettanee? Qasseka de7o GODAA olanchchatara eqettanaas hayssi qaxxara qanxxettontta Filisxeemezi izi oonee?» gi oychchides.

1ሳሜላ ማጻፋ 17:36

Tani ne aylley gaammonne zardo wodhadis; hayssi qaxxara qanxxetontta Filisxeemezi de7o Xoossa olanchchatara eqettida gishshas iza wurseththi isttafe issaa mala gidana.