ኤርማሳ ቲንቢቴ 1:7 - Geeshsha Maxaafa

⁷ Gido attiin GODAY tana, « ‹Tani naa› gooppa. Tani nena kiittiza asa ubbaakko ba. Tani azaziyssa ubbaaka yoota.

ጋሞ ማጻፋ

⁷ ጊዶ ኣቲን ጎዳይ ታና፥ « ‹ታኒ ና› ጎፓ። ታኒ ኔና ኪቲዛ ኣሳ ኡባኮ ባ። ታኒ ኣዛዚይሳ ኡባካ ዮታ።

ኤርማሳ ቲንቢቴ 1:7 Iomraidhean Croise

1ካዎታ ማጻፋ 22:14

Gido attiin Mikiyaasi he addezas, «De7o GODAY be7iin GODAY taas yootooro xalla ta izas yootana» gides.

1ካዎታ ማጻፋ 3:7

«Abeet GODAWU, ta Xoossawu! Neni tana ne aylleza, ta aawa Dawite sohon kawosadasa; gido attiin tani buro yelaga gidida gishshas asaa wostta ayssanaakko ta erikke.

2ታሪኬ ማጻፋ 18:13

Mikiyaasi gidikko, «De7o GODAY be7iin, ta Xoossay yootooro tani yootana» gides.

ኬሳ ማጻፋ 6:29

«Tani GODAA; tani nees yootizayssa ubbaa neni Gibxe kawaas yoota» gides.

ኤርማሳ ቲንቢቴ 26:2

GODAY tana, «GODAA Keeththaa zagon eqqada GODAA Keeththan goynnanaas Yuhuda katamatappe yiza dere ubbaas yoota; tani nena, ‹Yoota› gaada azazida qaala ubbaafe issinokka ashshontta wursa yoota.

ኤርማሳ ቲንቢቴ 43:1

GODAY kiittida qaala ubbaa Ermaasi isttas yootidi wursidaappe guye,

ኤርማሳ ቲንቢቴ 7:27

«Hayssa ubbaa neni isttas yootana; gido attiin istti ne gizayssa siyettenna; neni istta xeygana shin istti nees koyettenna.

ሂዚቄላ ቲንቢቴ 2:7

Istti makkallanchcha zare gidida gishshas istti siyikkoka siyontta ixxikokka ta qaala isttas yoota.

ሂዚቄላ ቲንቢቴ 3:27

Gido attiin tani nees yootiza wode tani ne doona doyana; nenikka isttas, ‹Ubbaa Haariza GODAY hayssa mala gees› gaana. Istti makkallanchcha dere gidida gishshas siyana koyzay siyo; siyontta ixxizay siyoppo» gides.

ኣሞጼ ቲንቢቴ 7:15

Gido attiin GODAY mehe heemmizasohoppe tana xeygidi, ‹Ba! Ta dere Isra7eeles tinbite yoota› giidi azaziday GODAA.

ዮናሳ ቲንቢቴ 3:2

«Dendada he gita katamaa Nannawe baada tani nees yootiza qaalaa isttas awajja» gishe yides.

ታይቦ ማጻፋ 22:20

He gallassa omars Xoossi Balaamekko yiidi, «Ha asati nena xeygana yida gishshas dendada isttara ba; gidikkoka ta nees yootizaaz xalla ooththa» gides.

ታይቦ ማጻፋ 22:38

Balaameykka Balaaqes, «Gidikkoka ha7i tani neekko yadis; ha7ikka taas ay wolqqay dizee? Ta haasayana dandayzay Xoossi taas yootooro xalla» gides.

ሃዋሬታ ኦሶ 20:27

Ays giikko ta Xoossa qofaa wursa inttes yootadis attiin aykkoka ta yootontta ashshiday deenna.