ኢሳያሳ ቲንቢቴ 24:3 - Geeshsha Maxaafa

³ Biittay mulera bula gidana; mulera bonqqettana; ha qaalaa GODAY haasaydes.

ጋሞ ማጻፋ

³ ቢታይ ሙሌራ ቡላ ጊዳና፤ ሙሌራ ቦንቄታና፤ ሃ ቃላ ጎዳይ ሃሳይዴስ።

ኢሳያሳ ቲንቢቴ 24:3 Iomraidhean Croise

2ታሪኬ ማጻፋ 36:21

Hessan GODAY nabe Ermaasa baggara yootida qaalay polettana mala biittay 70 layth kumeth asi baynda soho gidida gishshas shempides; histtiin biittay sambata shemppo demmides.

ኢሳያሳ ቲንቢቴ 21:17

Qeedaare biittan wondafen dukkiza wolqqama olanchchatappe guuththati attana; hessa GODAA Isra7eele Xoossay yootides» gides.

ኢሳያሳ ቲንቢቴ 22:25

GODAY Ubbaafe Wolqqama Xoossay, «He gallas ammanththizason eqqida dhishkey shodettana; meqqi wodhdhana; iza bolla kaqettida ubbay kundidi meqerettana» gides; hayssa GODAY yootides.

ኢሳያሳ ቲንቢቴ 24:1

Be7ite! GODAY biittaa bula kessana; mulera dhayssana; budheththa doore histtana; izin diza asaa laallana.

ኢሳያሳ ቲንቢቴ 24:2

Ubbaa miishshika issi mala gidana; dereza bolla hanzayssi qeeseza bolla hanana; aylle bolla hanzayssi godaa bolla hanana; ashkaray bolla hanzayssi godattey bolla hanana; shammizayssa bolla hanzayssi bayzizayssa bolla hanana; tal7e ekkizayssa bolla hanzayssi tal7e immizayssa bolla hanana; aco ciggizayssa bolla hanzayssi aco cigissizayssa bolla hanana.

ኢሳያሳ ቲንቢቴ 24:4

Biittaya melana; izin diza ubbay qokkana; alamey daaburana; biitta bolla erettida gita asati daaburana.

ኢሳያሳ ቲንቢቴ 42:22

Ha derey bogettidanne bonqqettida, olla giddon wodhdhida, woyne keeththay iza bolla gordettida dere; istti bogettida; istta ashshizaadey deenna; istti di7ettida; «Istta zaarite» gizaykka baawa.

ኢሳያሳ ቲንቢቴ 5:6

Tani he sohoza mago biitta ooththana. He turay xunqqettenanne bul7ettenna; Histtiin kindichchoynne agunththi izan mokkana. Iray izan bukkontta mala, tani shaarata azazana» gides.

ኢሳያሳ ቲንቢቴ 6:11

Tanikka, «Abeet Godawu! Hayssi ayde gakkanaas hananee?» gadis. Izikka zaaridi taas, «Katamati isttan de7iza asi dhayiin istti laalettana gakkanaas, keeththatikka ubbay kayzana gakkanaassinne biittayka mulera aykkoy baynda bula gidana gakkanaassa.

ኤርማሳ ቲንቢቴ 13:15

GODAY yootides; wozinan woththi siyite; aggite otoranchcha gidopite.

ሂዚቄላ ቲንቢቴ 36:4

Hessa gishshas Isra7eele zumatoo! Ubbaa Haariza GODAA qaala siyite! Ubbaa Haariza GODAY zumatassinne zumbullatas, zulletassinne haaththa zaratas, laalettidi bulattidasotassinne intte yuushon diza hara kawoteththatan bonqqettidinne qidhettidi mela attida katamatas,

ሚኪያሳ ቲንቢቴ 2:4

He wode derey intte bolla miicci kaa7ana; inttena qidhishe, « ‹Nu mulera dhaydos; ta dabbo gadey haras gishettides; taappe bonqqi ekkidi nu biitta nuna Xoonidaytas gishides› gi zilalana» gides.

ሚኪያሳ ቲንቢቴ 4:4

Issi asi ba woyne miththa garsankka ba balase miththa garsan uttana; istta babisiza miishshi deenna; Ubbaafe wolqqama GODAA doonay hayssa yootides.

ዛሬ ማጻፋ 29:23

He Biittaya mulera xuugettida maxinenne diine geetettiza Bidinth gidana; issi miishshika izin tokettenna; ay miishshika izin mokkenna; izin pude dicciza miishshi beettenna; izi bolla gakkana kundeththi GODAY keehi shenetidi mulera dhayssida Sodoome malanne Gamoora mala, Adaama malanne Xaboyme mala gidana.

ዛሬ ማጻፋ 29:28

GODAY wolqqama hanqoninne iita boshan istta istta dereppe shoddides; hessa gishshas istti hach gakkanaas heen deettes» gaana.