ኢሳያሳ ቲንቢቴ 21:3 - Geeshsha Maxaafa

³ Hessa gishshas ta xeessay sako xalala gidides; miixay oykkida maccassa mala tana leessoy oykkides; tani siyida yo7oy tana gadigadissides; ta be7ida yo7on shirotadis.

ጋሞ ማጻፋ

³ ሄሳ ጊሻስ ታ ጼሳይ ሳኮ ጻላላ ጊዲዴስ፤ ሚጻይ ኦይኪዳ ማጫሳ ማላ ታና ሌሶይ ኦይኪዴስ፤ ታኒ ሲዪዳ ዮኦይ ታና ጋዲጋዲሲዴስ፤ ታ ቤኢዳ ዮኦን ሺሮታዲስ።

ኢሳያሳ ቲንቢቴ 21:3 Iomraidhean Croise

ዬ ማጻፋ 48:6

Istti hessan de7ishin istta yashsha kokkorisi oykkides; miixay oykkida maccassa mala miixattida.

ኢሳያሳ ቲንቢቴ 13:8

Istti shirotana; istta waayeynne metoy gakkana; miixay oykkida maccassa mala istti miixattana; issoy issaara dagaman xeelettana; istta ayfesoy dagaman shaala may7ides.

ኢሳያሳ ቲንቢቴ 15:5

Ta wozinay Mo7aabe gishshas yeekkides; izippe goodettida asati Zo7aare gakkanaas, Egilaate-Shalishiya gakkanaas baqatida; istti afunth gussishe pude Luhite kezida; qasse Horonayme efiza ogera bishe bantti dhayanayssas waassida.

ኢሳያሳ ቲንቢቴ 16:11

Hessa gishshas ta wozinay Mo7aabe gishshas qadheta milas sissawus; Qiire-Hereeseta gishshas ta maraceya yeekkawus.

ኢሳያሳ ቲንቢቴ 16:9

Seebama woyne miththaa gishshas Iyaazeera yeekkiza mala tanikka yeekkays; Haseboonee! El7eelee! Tani ta afunththan inttena looxikissays. Gaasoykka inttes miththa ayfeti gakkida wode diza hombocaynne kath shiishshiza wode diza ufayssi attides.

ኢሳያሳ ቲንቢቴ 26:17

Abeet GODAWU! Shaara maccassi miixan metotiza malanne waassiza mala nunikka ne sinththan metotidi waassoos.

ኤርማሳ ቲንቢቴ 4:19

Waanoo tanii! Tani hayssa wostta dandayanee! Tana metides! Ta wozinay hirgees; tani co7u gaanaas dandaykke. Ays giikko tani zaye cenggurssinne ola cenggurs siyadis.

ኤርማሳ ቲንቢቴ 48:41

Iza katamatinne iza miixati oykettana; He gallas Mo7aabe olanchchata wozinaykka miixa oykettida maccassa wozina mala gidana.

ኤርማሳ ቲንቢቴ 49:22

Golle mala duge sitti gi izi bolla wodhdhana; ba qefetakka Booxira bolla miccana; he wode Eedoome olanchchati miixay oykkida maccassa mala hirgana.

ኤርማሳ ቲንቢቴ 50:43

Baabiloone kawoy istta gishshas siyides; iza kushetikka doccida; iza ceecey oykkides; miixay oykkida maccassa mala sakettides.

ኤርማሳ ቲንቢቴ 6:24

Nuni he yo7o siyiin nu qesey kim7ilish gides. Maccas miixay oykkida mala nuna ceecey oykkides.

ኢምባቆ ቲንቢቴ 3:16

Tani siyadis; ta wozinaykka dagammides; Iza giirssafe dendidayssan ta metershay kokkorides. Babon taas maracey qaaxxides. Taas gulbatey kokkorides; gidikkoka nu bolla worajjiza dereza bolla metoy yaana gallas ta gencca naagays.

ዮሃኒሳ ሚሺራቾ 16:21

Maccassi yelo wodey gakkishin miixas hirgawus; gido attiin naa yela yeggidaappe guye biitta bolla nay yelettida gishshas ufayssafe dendidayssan kase ba waaydayssa zaara qoppuku.

ዛሬ ማጻፋ 28:67

Intte wozinan kumida hirgafenne intte ayfen be7iza palappe dendidayssan gadey wontishin intte, «Ayde qammaneesha!» qasse gadey qammishin, «Ayde wonttaneesha!» gaana.

1ታሶሎንቄ ኣሳስ 5:3

Asay, «Gadey saronne lo7okko» gishin miixay qanththara diza maccas oykkiza mala hessaththoka as dhayssizay qoppontta dishin asa bolla gakkana; oonikka kessi ekkenna.