ኢሳያሳ ቲንቢቴ 2:2 - Geeshsha Maxaafa

² Wode wurseththan Xoossa keeththi iza bolla keexettida zumay hara zuma ubbaafe dhoqqi beettana. Zumbullata ubbaafe dhoqqu dhoqqu gaana; ubbaa kawoteththati hee goochchana.

ጋሞ ማጻፋ

² ዎዴ ዉርሴን ጾሳ ኬ ኢዛ ቦላ ኬጼቲዳ ዙማይ ሃራ ዙማ ኡባፌ ቂ ቤታና። ዙምቡላታ ኡባፌ ቁ ቁ ጋና፤ ኡባ ካዎቴቲ ሄ ጎቻና።

ኢሳያሳ ቲንቢቴ 2:2 Iomraidhean Croise

ሜቴ ማጻፋ 49:1

Hessafe guye Yaaqoobey ba attuma nayta xeygidi, «Sinththafe inttes hananayssa tani inttes yootana mala haa shiiqite.

ኢዮቤ ማጻፋ 19:25

Gido attiin tana ashshizayssi paxa de7iza mala wurseththa woden tana wozzanaas biitta bolla izi eqqanayssa tani erays.

ዬ ማጻፋ 102:23

Izi tani naateteththan dishin, izi ta minoteththaa ogen ashshides; ta daana layththaaka qaanththides.

ዬ ማጻፋ 2:8

Neni tana oychcha; tani kawoteththa ubbaa nees immana; sa7a ubbay nees gidana.

ዬ ማጻፋ 22:27

Sa7a gaxa gakkanaas diza asay iza gishshas yuushshi qoppana; GODAAKKO simmana. Asa zere ubbay izas goynnana.

ዬ ማጻፋ 22:28

Ays giikko maatay izassa; kawoteththay ubbay izas haarettana.

ዬ ማጻፋ 48:2

Biitta ubbaas ufays gididay, pudeha baggara beettizay dhoqqanne lo7o gidida Xiyoone zumay wogga kawoza katama.

ዬ ማጻፋ 68:17

Xoossa para-gaareti daro shiyan qoodettizayta; Goday Siina zumaappe ba geeshshasoho yides.

ዬ ማጻፋ 72:8

Abbafe biidi abba gakkanaas, Efiraaxise Shaafaappe sa7a gaxa gakkanaas izi haarana.

ዬ ማጻፋ 86:9

Abeet Godawu! Neni medhdhida kawoteththay ubbay neekko yiidi nees goynnana; ne sunththaaka bonchchana.

ዬ ማጻፋ 87:1

GODAA katamay geeshsha zuma bolla keexettides.

ዬ ማጻፋ 87:2

GODAY Xiyoone pengeta Yaaqoobey dizasota ubbaafe aaththi siiqees.

ኢሳያሳ ቲንቢቴ 11:10

He wode Isseye zereththi kawoteththatas malaata gidi eqqana; kawoteththati izakko yaana; iza shemposoy bonchchettana.

ኢሳያሳ ቲንቢቴ 25:6

GODAY Ubbaafe Wolqqama Xoossay hayssa zumaa bolla dere ubbaas gidiza gita gibiraa, lo7i kaxxida woyne ushshu, lo7o ashonne doorettida woyne ushshu giigsana.

ኢሳያሳ ቲንቢቴ 27:13

He gallas gita zayey punettana; Asooren di7ettidaytinne Gibxen un7ettidayti guye Yerusalaame simmi yiidi geeshsha zumaa bolla GODAAS goynnana.

ኢሳያሳ ቲንቢቴ 30:29

Omars geeshsha ba7aale intte bonchchishe yexxizayssaththo intte yexxana; GODAA zumaakko Isra7eele Zaallaako asay susul7e susul7ishe ufayssan kezizayssaththo intte wozinay ufayettana.

ኢሳያሳ ቲንቢቴ 49:6

«Neni taas oosanchcha gideththi, Yaaqoobe qommota ne zaaranayssinne ta naagida Isra7eele zaarada ne ehanayssi hessi nena deexxenna; qasseka ta atoteththaa biitta gaxa ne gaththana mala, tani nena kawoteththatas poo7o histtana» gees.

ኢሳያሳ ቲንቢቴ 56:5

ta Keeththaninne ta gimbeta giddon attuma naytappenne macca naytappe aadhdhiza hassa7issiza miishshinne sunth isttas immana; mernaas dhayontta sunth ta isttas immana.

ኢሳያሳ ቲንቢቴ 56:7

tani ta geeshsha zumaa bolla istta ehana; ta woosa keeththa giddon ta istta ufayssana. Taas yarsho yarshizasoza bollan istti shiishshiza xuugettiza yarshonne hara yarshota ta ekkana; gaasoykka ta keeththay ubbaa asaa woosa keeth geetettana» gees.

ኢሳያሳ ቲንቢቴ 60:3

Kawoteththati ne poo7okko, kawotikka ne wontta xalqqeko yaana.

ኢሳያሳ ቲንቢቴ 65:11

Gido attiin GODAA aggida inttes, ta geeshsha zumaa dogida inttes, ‹Ta baso› geetettiza eeqa xoossas soho giigsida inttes, ‹Gaade› geetettiza eeqa xoossas walakettida woyne ushshu wancan kunththida inttes,

ኢሳያሳ ቲንቢቴ 66:20

GODAAS yarsho gidana mala intte ishata ubbata kawoteththatappe bonchchettida ta zumaa Yerusalaame paran, para-gaareninne gaaren, baquloninne gaamellan istta ehana. Isra7eele asay kaththa yarsho wogan diza mala geeshsha miishshan woththidi GODAA Keeth shiishshiza mala haytakka shiishshana.

ኢሳያሳ ቲንቢቴ 66:23

Agina xeeroppe biidi hara aginay xeerana gakkanaas, issi Sambatappe biidi hara Sambata gakkanaas, as gidida ubbay taas goynnana yaana.

ኤርማሳ ቲንቢቴ 16:19

Taas minoteththinne miixa gidada meto gallas ta shiiqa attizaso gidida GODAWU! Kawoteththati sa7a gaxaappe neekko yiidi, «Kase nu aawati bana aykkoka maaddontta eeqa xoossatas goynnida.

ኤርማሳ ቲንቢቴ 23:20

Iza wozina qofa mulera polontta dishe iza hanqoy coo hada simmenna; guyeppe yiza layththatan hayssa qonccen intte erana.

ኤርማሳ ቲንቢቴ 26:18

«Hizqiyaasi Yuhudan kawotidi diza wode Moresheteppe yida Mikiyaasi Yuhuda dere ubbaas, «Ubbaafe Wolqqama GODAA Xoossay, ‹Xiyooney goshsha gade mala goyettana; Yerusalaamey laalli korida keeththa mala gidana; Xoossa Keeththay iza bolla keexettida zumay wora may7ana› gides.

ኤርማሳ ቲንቢቴ 3:17

He woden istti Yerusalaame, ‹GODAA araata› gi xeygana. Kawoteththa ubbaafe asay GODAA sunth bonchchanaas Yerusalaame shiiqana. Hessafe istti bantta iita wozina hanoteththaa kaallettenna.

ኤርማሳ ቲንቢቴ 30:24

Iza wozina qofaa polontta GODAA hanqoy coo hada guye simmenna; hessa yiza wodetan intte akeekana.

ኤርማሳ ቲንቢቴ 31:12

Istti yiidi Xiyoone zuma bolla ufayssa mazamure yexxana; istti GODAA kiyateth gidida kaththan, woyne ushshan, zayten, deyshaninne dorsa laaqqatan, wofanotaninne ussatan ufayettana; istti haaththi paccontta atakilte soho mala gidana; hayssafe guye istti muuzottettenna.

ኤርማሳ ቲንቢቴ 48:47

«Gido attiin wurseththan Mo7aabeppe di7etti bidayta ta zaarana» gees. Mo7aabe bolla pirdettida pirday hessa.

ኤርማሳ ቲንቢቴ 49:39

«Gido attiin wurseththa wodetan tani Elaame zaara ishalsana» gees.

ኤርማሳ ቲንቢቴ 51:44

Beele tani Baabiloonen qaxxayana; izi mittidayssaka ta cooshshana; hayssafe kawoteththay izakko goggenna; Baabiloone gimbey kundana.

ሂዚቄላ ቲንቢቴ 38:16

Biitta kammiza shaara mala, neni ta asa Isra7eele bolla worajjana. Haysso Googe ta geeshshateththaa kawoteththata sinththan tani qonccisishin istti tana erana mala sinththafe yaana wodetan ta biittay bolla ta nena ehana› gees.

ሂዚቄላ ቲንቢቴ 40:2

Xoossa ajjuutan izi tana Isra7eele biitta efidi dhoqqa zuma bolla woththides; he zumaappe dugeha baggara katama misatiza gimbe keeththata be7adis.

ዳኔላ ቲንቢቴ 10:14

Ajjuutazi polettanaas buro sinththafe daro layththi diza gishshas sinththafe ne dereza bolla hanana yo7ota nees qonccisanaas ta yadis» gides.

ዳኔላ ቲንቢቴ 2:28

Gido attiin xuura yo7o ubbaa qonccisiza Xoossi salon dees; izi buro sinththafe yaana layththatan hananayssa ubbaa nees qonccisides; neni ne hiiththan ichcha dashe be7ida agumoynne ajjuutay hayssafe kaallizayssa.

ዳኔላ ቲንቢቴ 2:35

Heerakka biratazi, mana urqqazi, xarqimalazi, birazinne worqqazi wuri meqeretti wodhdhida; bone kaththa balen diza suulla mala gidida; carkoy istta issinokka ashshontta pitti efides; misleza bolla kundida shuchchazi gidikko izi biitta kumanaashe gakkanaas gita zuma gidides.

ዳኔላ ቲንቢቴ 2:45

Asi bochchontta dishin zuma bollafe dhoqallettidi biratappe, xarqimalappe, mana urqqafe, birappenne worqqafe oosettida misleza liiqisida shuchcha ajjuuta birsheththay hayssa; gita Xoossay buro sinththafe hananayssa kawo nena bessides; agumozikka tuma; iza birsheththazikka ammanththizaaza» gi yootides.

ሆሴኤ ቲንቢቴ 3:5

Hessafe guye Isra7eele derey GODAA ba Xoossaakonne ba kawo Dawitekko simmana. Wurseththa wode istti yashshan kokkorishe GODAAKKONNE iza anjjoko yaana.

ዛካራሳ ቲንቢቴ 14:10

Pudeha baggara Geebappe doommidi Yerusalaame dugeha baggara diza Armoone katama gakkanaas diza Awurajjay tidhdha demba gidana; Yerusalaame katamaya Biniyaame pengefe beni penge ginaranne gula penge gakkanaas hessaththoka Hanani7eele gimbefe gede kawo keeththaso woyne ushshu gum7izasoho gakkanaas dhoqqu gaada iza minna de7ana.

ዛካራሳ ቲንቢቴ 14:9

He wode GODAY biitta ubbaa bolla kawotana; he wode GODAY issaa xalla; iza sunththayka issaa gidana.

ዛካራሳ ቲንቢቴ 8:22

Daro dereynne wolqqama kawotikka Ubbaafe Wolqqama GODAA koyanaassinne iza woossanaas Yerusalaame yaana.

ዛካራሳ ቲንቢቴ 8:3

GODAY, «Ta gede Xiyoonikko simmana; Yerusalaamenkka de7ana. Yerusalaameykka tumu katama geetettawus; izakka Ubbaafe Wolqqama GODAAS geeshsha zuma geetettana» gees.

ሚልካሳ ቲንቢቴ 3:12

«Hessafe kaallidi intte derey kalo biitta gidida gishshas hara derey wurikka inttena intte anjjettida dereta gi xeygana» gees Ubbaafe Wolqqama GODAA Xoossay.

ታይቦ ማጻፋ 24:14

Wurseththan Balaamey Balaaqes, «Ha7i tani gede ta dere simma bays; gido attiin ta baanaappe kasetada Isra7eele asay ne dere asaa bolla gaththanayssa nees qonccisanaas koyays» gides.

ሃዋሬታ ኦሶ 2:17

« ‹Xoossi Wurseththa gallas ta Ayana asho may7ida ubbaa bolla tani gussana; intte macca naytinne intte attuma nayti tinbite haasayana; yelaga nayti ajjuuta beyana; cimati agumo agumettana.

2ጺምቶሳስ 3:1

Gido attiin wode wurseththan as metiza wodey yaanayssa ne era.

Ibirawe 1:2

Qasse hayssa wurseththa wode bolla wursi laatissidaadenne ha alameza medhdhida ba naaza baggara nuus yootides.

2ጴጽሮሳ ኪታ 3:3

Hara ubbaafe kasetidi hayssa yuushshi qopite; wurseththa gallassatan qidhizaytinne ba iita amo kaallishe as kadhizayti yaana.

ዮሃኒሳ ኣጁታ 11:15

Laappunththo kiitanchchayka ba zayeza punnides; Salon, «Alame kawoteththi nu Godaa Xoossaassinne Kirstoosas gidides; izikka mernaappe mernaa gakkanaas kawotana» giza gita qaalay siyettides.

ዮሃኒሳ ኣጁታ 20:4

Hessafe guye tani algata beyadis; he algata bolla pirda pirdanaas godateththi isttas imettidayti uttidayta beyadis; qasseka Yesusa gishshas istti markkattida gishshassinne Xoossa qaalaa gishshas istta qoodhey qanxxettida asata shemppoka beyadis; heytantti do7azassinne iza mislezas goynnibeettenna; iza malataakka ba liiphe bolla gidiin ba kushe bolla woththonttayta; istti hayqoppe dendida Kirstoosara issife shii layth kawotida.