ኢሳያሳ ቲንቢቴ 11:3 - Geeshsha Maxaafa

³ GODAAS yashshan izi ufayettana; ba ayfen be7ida malanne ba hayththan siyida mala pirdenna.

ጋሞ ማጻፋ

³ ጎዳስ ያሻን ኢዚ ኡፋዬታና፤ ባ ኣይፌን ቤኢዳ ማላኔ ባ ሃይን ሲዪዳ ማላ ፒርዴና።

ኢሳያሳ ቲንቢቴ 11:3 Iomraidhean Croise

2ሳሜላ ማጻፋ 14:17

«Ha7ikka ta ne aylleya, ‹Kawoy ta godazi lo7o iitappe shaakki eron Xoossa kiitanchcha mala gidida gishshas ta godaa kawoza qaalay tana minththeththo; GODAA ne Xoossay nenara gido› gays» gadus.

2ሳሜላ ማጻፋ 14:8

Kawozikka maccassayo, «Neni simma neso ba; ta ne oysha gishshas bessiza azazo immana» gides.

1ካዎታ ማጻፋ 3:28

Asaas xilloteththan pirdanaas izas aadho erateththay Xoossafe imettidayssa be7ida gishshas Isra7eele asay ubbay kawoy pirdida pirdaa siyida wode kawozas keehippe yayyides.

1ካዎታ ማጻፋ 3:9

Hessa gishshas tani ne asaa ayssanaas lo7onne iita shaakkada erana mala taas ne ayllezas akeekiza wozina imma; histtontta aggiko ha gita dereza ooni kaaleththana dandayzee?» gides.

ኢዮቤ ማጻፋ 12:11

Inxarsi kaththa qaana shaakki erizayssa mala, hayththika haasaya qommota shaakki erees.

ኢዮቤ ማጻፋ 34:3

Inxarsi kaththa mal7o shaakki erees; hessaththoka hayththi yo7o shaakki erees.

ሌሚሶ ማጻፋ 2:5

he wode neni GODAAS yashshateth akeekana; Xoossaaka lo7eththada erana.

ሌሚሶ ማጻፋ 2:9

He wode neni xilloteth, suure pirda, geellay baynda pirdanne lo7o oge ubbaa shaakka erana.

ኢሳያሳ ቲንቢቴ 33:6

Izi ne diza layth ubbaan ammanththiza yoch, atoteth, aadho erateththinne erateth gidana; GODAAS yashshateththi hayssa ha aqotatas qulpe gidana.

ሂዚቄላ ቲንቢቴ 45:8

He gishay Isra7eele biitta halaqas laata gade gido. Hayssafe sinththan ta halaqati ta asa waayisoppetto; istti Isra7eele asay ubbay ba zaren zaren gade ekkana mala ooththetto.

ሚኪያሳ ቲንቢቴ 4:3

Izi daro asa giddon pirdana; haahoninne matan diza wolqqama katama giddon diza oosh essana; istti ba giththa mashsha maarasha, ba toorakka baaca histti qoxxana; issi kawoy hara kawo bolla mashsha denththenna; hessafe guye istti ola timirte tamaarettenna.

ሉቃሳ ሚሺራቾ 2:52

Yesusi aadho erateththan, geesaninne saban Xoossa sinththaninne asa sinththan diccides.

ዮሃኒሳ ሚሺራቾ 2:25

Izi asa wozinan dizaa ubbaa eriza gishshas oonikka izas asa gishshas yootanaas koshshibeenna.

ዮሃኒሳ ሚሺራቾ 7:24

Suure pirda pirdite attiin asa ayfeso xeellidi maado pirda pirdofte» gi zaarides.

Ibirawe 5:14

Mino kaththi gidikko lo7onne iita shaakki eranaas dandayza wozina kunththida asatassa.

1ሳሜላ ማጻፋ 16:7

Gido attiin GODAY Sameela, «Tani hayssa kadhida gishshas ne izas malaa woykko geesaa xeellofa; GODAY asi xeelliza mala xeellenna; asi kare bagga hanota be7ees; GODAY gidikko wozina xeellees» gides.