ኢሳያሳ ቲንቢቴ 1:4 - Geeshsha Maxaafa

⁴ Intteno nagaranchcha kawoteththatoo! Qohon kumidaytoo! Iita ooththiza zereththatoo! Intte aawata tunateththaa kaalliza naytoo! Inttena aayye ana! GODAA aggaagideta; Isra7eele geeshshaza yeggi aggideta; zokkoka izas zaarideta.

ጋሞ ማጻፋ

⁴ ኢንቴኖ ናጋራንቻ ካዎቴቶ! ቆሆን ኩሚዳይቶ! ኢታ ኦዛ ዜሬቶ! ኢንቴ ኣዋታ ቱናቴ ካሊዛ ናይቶ! ኢንቴና ኣዬ ኣና! ጎዳ ኣጋጊዴታ፤ ኢስራኤሌ ጌሻዛ ዬጊ ኣጊዴታ፤ ዞኮካ ኢዛስ ዛሪዴታ።

ኢሳያሳ ቲንቢቴ 1:4 Iomraidhean Croise

ሜቴ ማጻፋ 13:13

He wode Sodoome asay iitanne GODAA sinththan pala nagara ooththizayta.

2ካዎታ ማጻፋ 21:22

Kase ba GODAA Xoossa aggaagides; izi GODAA ogen bibeenna.

2ታሪኬ ማጻፋ 12:1

Erobi7aame kawoteththay minni eqqida wode izinne Isra7eele asay ubbay GODAA wogaa yeggi aggida.

2ታሪኬ ማጻፋ 27:2

Kase iza aawa Ooziyay ooththidayssa mala izikka GODAA sinththan suure miish ooththides; gido attiin iza aaway Xoossaa keeth gelida mala izi gelibeenna; asay gidikko nagara ooso aggibeenna.

ናሂሚያ ማጻፋ 1:7

Neni ne aylle Muses immida azazozanne wogaza nuni naagontta aggida gishshas nena qohidos.

ዬ ማጻፋ 58:3

Iitati ba aayi uloppe doommidi mooro oge beettes; yelettida gallassafe doommidi baletteettessinne wordoteettes.

ዬ ማጻፋ 71:22

Abeet ta Xoossawu! Ne tumateththa gishshas tani nena diiththan galatana; abeet Isra7eele Geeshshawu! Tani maasinqon nena sabbana.

ዬ ማጻፋ 78:40

Istti bazzon aappunto iza bolla makkallidoo! Mela bazzon aappunto iza lancissidoo!

ዬ ማጻፋ 78:41

Istti zaari zaaridi Xoossa paaccida; Isra7eele Geeshshaa madunththida.

ዬ ማጻፋ 78:57

Istti beni bantta aawata mala makkallanchchatanne kaddizayta gidida; ammanththontta bokka tooman eqqida toora mala gidida.

ዬ ማጻፋ 78:8

Istti kase bantta aawata mala wozina muumenne makkallanchcha gidettenna; istti Xoossa sinththan suure gidettenna; Xoossaska ammanettibeettenna.

ዬ ማጻፋ 89:18

Nu gondalley GODAA kushenna; nu kawoykka Isra7eele geeshsha kushenna.

ኬሳ ማጻፋ 32:7

Histtiin GODAY Muses, «Ne Gibxeppe kessa ehida ne asay nagara ooththidi banateththaa tunisida gishshas eeson duge wodhdha.

ኢሳያሳ ቲንቢቴ 1:23

Nena kaaleththizayti makkallanchchataranne kaysotara laggetida; istti ubbayka maganxo doseettes. Matta7ekka keehi koyeettes; yi7otas aadhdhi eqqettenna; am7eta magana siyettenna.

ኢሳያሳ ቲንቢቴ 1:28

Gido attiin makkallanchchatinne nagaranchchati issi bolla liiqana; Xoossa aggizayti wurikka dhayana.

ኢሳያሳ ቲንቢቴ 10:6

Istta aqota bonqqana mala, banttas di7o buuri shiishshana mala, istti oge urqqaththo yedhettana mala, Xoos erontta kawoteththa bolla kiittana. Tana hanqeththida asaa bolla tani Asooreta yeddana.

ኢሳያሳ ቲንቢቴ 12:6

Intte giddon diza Isra7eele Geeshshay gita gidida gishshas Xiyoone asawu ilili giite; ufayssankka yexxite» gaandeta.

ኢሳያሳ ቲንቢቴ 14:20

Neni isttara duufon daakka; gaasoykka ne biittaa bashshadasa; ne dereza ne dhayssadasa; iita ooththizayta zereththi mulekka akeekettenna.

ኢሳያሳ ቲንቢቴ 29:19

Ashketi GODAAN, hiyeesati Isra7eele Geeshshan zaari zaari ufayettana.

ኢሳያሳ ቲንቢቴ 3:8

Yerusalaamey gandigarawus; Yuhudaykka kundana matadus; gaasoykka istti bantta haasayaninne ooson GODAARA eqettishe iza bonchchoza toochcheettes.

ኢሳያሳ ቲንቢቴ 30:1

GODAY, «Makkallanchcha gidida naytas aayye ana! taappe gidontta qofa kaalleettes; ta Ayanappe gidontta caaqo caaqqeettes; nagara bolla nagara gujjeettes.

ኢሳያሳ ቲንቢቴ 30:15

Ubbaa Haariza GODAY, Isra7eele Geeshshay, «Intte taakko simoninne tanan shempon attana; woppaninne ammanon intte minnana; intte gidikko hessaththo ooththibeekketa.

ኢሳያሳ ቲንቢቴ 30:9

Hayti GODAA azazo siyana koyonttayti, makkallanchcha derenne baleththiza nayta.

ኢሳያሳ ቲንቢቴ 31:2

Izi gidikko aadho eranchcha; izi bash ehana; ba qaalakka laammenna; iita ooththizayta bollanne qoho ooththizayta maaddizayta bolla izi dendana.

ኢሳያሳ ቲንቢቴ 37:23

Ne oona cayaynne kawushshay? Oona bolla ne qaala dhoqqu histta haasayay? Otoro ayfen oona xeellay? Isra7eele Geeshshaa bolla gidennee!

ኢሳያሳ ቲንቢቴ 41:14

Nenoo guxunezoo Yaaqoobe, nenoo qeeri Isra7eele, ‹Yayyofa tani nena maaddana› gees. Nena wozzizay Isra7eele Geeshshaza.

ኢሳያሳ ቲንቢቴ 41:16

Neni istta suraggana; carkoy istta pitti efana; goteykka istta laallana. Gido attiin neni GODAAN ufayettana; qasse Isra7eele Geeshshan bonchchettana.

ኢሳያሳ ቲንቢቴ 41:20

Hessa gishshas asay hessa be7ananne erana; GODAA kushey hayssa ooththidayssa, Isra7eele Geeshshay medhdhidayssa istti issife yuushshi qoppananne akeekana» gees.

ኢሳያሳ ቲንቢቴ 5:19

«Nuni nu ayfera be7ana mala ane Xoossi elelo! Ba oosokka eesoso! Nuni erana mala Isra7eele Geeshshay qoppida qofay matan poletto» gizaytas aayye ana!

ኢሳያሳ ቲንቢቴ 5:24

Istti Ubbaafe Wolqqama GODAA wogaa ixxida gishshas, Isra7eele Geeshshaa qaalaakka kadhida gishshas, tama lacoy buuxa oykkiza malanne mela maatay eexxi dhayza mala istta xaphoy wooqqana; istta ciishshayka buhe mala laaletti dhayana;

ኢሳያሳ ቲንቢቴ 57:17

Iza nagara gishshassinne iza yiiqeteththa gishshas ta hanqettadis; ta iza qaxxayadis; ta sinththaaka hanqon izappe genththadis; gido attiin ha7ikka simmidi izi ba ogen bides.

ኢሳያሳ ቲንቢቴ 58:2

Istti tana hach hach koyeettes; ta ogeza eranaas laamotiza misateettes. Suure miish ooththida kawoteththa malanne ba Xoossaa azazo yeggi aggontta dere mala, istti tana suure pirda oychcheettes; Xoossi isttako shiiqanayssa istti dosiza misatees» gees.

ኢሳያሳ ቲንቢቴ 65:11

Gido attiin GODAA aggida inttes, ta geeshsha zumaa dogida inttes, ‹Ta baso› geetettiza eeqa xoossas soho giigsida inttes, ‹Gaade› geetettiza eeqa xoossas walakettida woyne ushshu wancan kunththida inttes,

ኢሳያሳ ቲንቢቴ 65:3

Atakiltesohon yarsho yarshizayti, urqqafe medhettida yarshosohota bolla exaane cuwasizayti, ubba wode tana hanqeththiza dereta.

ኢሳያሳ ቲንቢቴ 9:17

Hessa gishshas GODAY naateththa naytan ufayettenna; yi7otassinne am7etas qadhettenna; ubbayka iita ooththizaytanne Xoossa yashshateth bayndayta; ubbaa asaa doonappe harassiza qaalay kezees; hessi ubbay haniinkka GODAA hanqoy irxxibeenna; iza kusheykka dendidasoppe simmibeenna.

ኤርማሳ ቲንቢቴ 15:6

«Ne tana aggadasa; guye guye baasa; hessa gishshas tani ne bolla ta kushe denththada nena dhayssana; hayssafe guye nees qadhettike.

ኤርማሳ ቲንቢቴ 2:13

Ta derey nam7u iita miishshata ooththides; de7o haaththa pultto gidida tana aggides; haaththa oykkanaas dandayontta lukettida ollata baas bookkida.

ኤርማሳ ቲንቢቴ 2:17

Oge nena kaaleththizayssa GODAA ne Xoossa aggada hayssa ne bolla ehiday nena gidikkii?

ኤርማሳ ቲንቢቴ 2:19

Ne iitateththi ne bolla qixaate gaththana; ne tana kaddoyssi ne bolla hanqo ehana. GODAA ne Xoossaa ne aggishin, taas yashshateth ne wudu gontta ixxishin ay mala iitaynne camo miishshi ne bolla gakkanaakko qoppa; ane akeeka» gees.

ኤርማሳ ቲንቢቴ 2:31

Intteno ha wode yeletatoo! GODAA qaala yuushshi qopite; «Tani inttes Isra7eele asaas bazzo mala woykko sakkanna dhumay diza biitta mala gidadinaa? Histtiin ays ta asay, ‹Nuni nu shene mala hanana; simmidikka neekko yookko› gizee?

ኤርማሳ ቲንቢቴ 2:33

Ziitan as oykkanaas ne ay mala eranchchaa? Huskku huskkiza iita maccassatikka ne hanoteththaafe daro iita miish tamaareettes.

ኤርማሳ ቲንቢቴ 2:5

GODAY, «Kase intte aawati taappe haakkiday, hada yo7o kaalliday, ba hu7esikka go7ay bayndayta gididay taappe ay mooro demmidii?

ኤርማሳ ቲንቢቴ 32:32

Isra7eele asaynne Yuhuda asay, istta kawotinne shuumeti, istta qeesetinne nabeti ooththida iita ooso ubbaan tana hanqeththida.

ኤርማሳ ቲንቢቴ 50:29

«Wondafen olizayta Baabiloone bolla xeygite; issaadeyka kessi ekki bontta mala istta giddoththidi dunkaanite; GODAA Isra7eele geeshshaa kawushshida gishshas izi ooso mala izis zaarite; iza harata bolla ooththidayssaththo izi bolla ooththite.

ኤርማሳ ቲንቢቴ 51:5

Istta biittaya Isra7eele Geeshsha sinththan mooron kumidaa gidikkoka Isra7eelenne Yuhuda Ubbaafe Wolqqama GODAY istta Xoossay istta yeggi aggibeenna.

ኤርማሳ ቲንቢቴ 7:19

Istti hayssa ubbaa ooththizay tana qohanaasee? Hayssan qohettidi yeellatanay bantta hu7es istta gidettennee?» gides.

ኤርማሳ ቲንቢቴ 7:26

Derezi gidikko ta gizaaz siyibeenna; wozinan woththi siyanaaska koyibeenna; istti bantta morge minththidanne istta aawati ooththida iita miishshafe aadhdhiza iita miish ooththida.

ሂዚቄላ ቲንቢቴ 14:5

Bantta eeqa xoossata gaason taappe shaakettida Isra7eele asaa ubbaa wozina haa taakko zaaranaas ta hessa ooththana› gees.

ሂዚቄላ ቲንቢቴ 16:33

Ay layma maccassas imotay imettees; ne gidikko ne laggetas gede imota immaasa; awa baggarakka yidayti nenara laymatana mala baleththanaas mogota immaasa.

ሂዚቄላ ቲንቢቴ 16:45

Tumu neni ba azinaanne ba nayta shaatettiza ne aayey naa; neni bantta azinatanne bantta nayta shaatettiza ne michcheta mala. Intte aaya Hiite biitta asa; intte aaway qasse Amoore biitta asa.

ዳኔላ ቲንቢቴ 9:11

Isra7eele asay ubbay nees azazettibeenna; ne wogaakka ubbaa menththidi kare kezides. «Nuni nena qohida gishshas ne oosanchchaza Muse wogaan xaafettida caaqozinne qanggeththazi nu bolla gakkides.

ሶፎናሳ ቲንቢቴ 1:6

GODAA kaallanaappe guye simmizayta, GODAA koyonttayta, izi istta maaddana mala oychchonttayta ta dhayssana» gees.

ታይቦ ማጻፋ 32:14

Intteno nagaranchcha yeletatoo! GODAY Isra7eele dere bolla gujji hanqettana mala ha7ikka intte intte aawataththo ooththeeta.

Maatosa 11:28

«Toohoy deexxidaytoo, daaburdaytoo, intte wurikka taakko haa yiite; tanikka inttes shempo immana.

Maatosa 23:33

«Intteno dukkiza iita shooshsha naytoo! Gaanname tama pirdafe intte waani attanee?

Maatosa 3:7

Daro Farsaawetinne Saduqaaweti izi xammaqizaso yishin be7idi Yohannisi, «Intteno shooshshatoo! Intte sinththara diza hanqofe attana mala inttena ooni bessidee?

ኦሮሜ ኣሳስ 8:7

Nagaras haarettiza wozinay Xoossara ooshsha; gaasoykka izi Xoossa wogas haarettennanne haarettanaas dandayenna.

1ቆሮንቶሴ ኣሳስ 10:22

Nuni Godaa hanqeththinoo? Nu izappe minnizonii?

ዛሬ ማጻፋ 29:25

Asay izas zaaridi, «Kase istta aawata Xoossay istta Gibxe dereppe kessida wode isttara paacetti caaqoza asay aggida gishshassa.

ዛሬ ማጻፋ 31:16

GODAY Muses, «Neni mata wode hayqqada ne aawatan gayttana; hessafe guye hayssi asazi ta izara caaqettida qaalaa laallana; istti tana aggaagidi layma maccassa mala he istti laattana biittaan diza eeqa xoossatas goynnana.

ዛሬ ማጻፋ 32:19

«GODAY hessa be7idi istta bolla hanqettides; istta macca naytanne istta attuma nayta diggides.

ዛሬ ማጻፋ 32:5

«Istti iza sinththan iita ooththida; istti bantta iitateththaafe dendidayssan hayssafe guye iza nayta gidettenna; istti bokkanne geella yeletata.

ቆላሲያሴ ኣሳስ 1:24

Ta intte gishshas waaye be7idayssi ha7ikka tana ufayssees; Kirstoosi ba asateth hessika Woosa Keeththa gishshas izi ekkida waayezappe ekkishin pacciday diikko tani ta ashon kunththana.

ዮሃኒሳ ኣጁታ 18:5

Izi nagaray doorettidi pude salo gakkides; Xoossika izi mooroza akeekides.

ዳናታ ማጻፋ 10:10

Hessafe guye Isra7eele asay, «Nuni nena nu Xoossaa aggidi Ba7aale eeqatas goynnidi nena qohidos» giidi GODAAS waassida.