ኣስቴሪ ማጻፋ 10:3 - Geeshsha Maxaafa

³ Ayhuda dere as Mardikiyoosi kawo Arxekisiseppe bonchchon nam7anththo maaran dees; izi Ayhudati saroteththaninne hirgay baynda daana mala keehi daaburda as gidida gishshas izi Ayhudatankka keehi bonchchettidanne dosettida asa.

ጋሞ ማጻፋ

³ ኣይሁዳ ዴሬ ኣስ ማርዲኪዮሲ ካዎ ኣርጼኪሲሴፔ ቦንቾን ናምኣን ማራን ዴስ፤ ኢዚ ኣይሁዳቲ ሳሮቴኒኔ ሂርጋይ ባይንዳ ዳና ማላ ኬሂ ዳቡርዳ ኣስ ጊዲዳ ጊሻስ ኢዚ ኣይሁዳታንካ ኬሂ ቦንቼቲዳኔ ዶሴቲዳ ኣሳ።

ኣስቴሪ ማጻፋ 10:3 Iomraidhean Croise

ናሂሚያ ማጻፋ 2:10

Gido attiin Beeti-Horoone katama as gidida sanbalaaxeynne Amoone dere ayssiza Xoobbiyay Isra7eele deraa saroteththas lo7o miish ooththiza asi yidayssa siyidi keehi hanqettida.

ኦሮሜ ኣሳስ 14:18

Hayssaththo Kirstoosas ooththizaadey Xoos ufaysseessinne asa achchanka galatettees.

ኦሮሜ ኣሳስ 10:1

Ta ishatoo! Isra7eele nayta gishshas ta amoynne ta Xoos woossizay istti dhayontta attanaassa.

ዳኔላ ቲንቢቴ 5:29

Hessafe guye Belishaxoore azazon heerakka Daaneela ochcha teera misatiza seelo may7o mayzida; worqqafe oosettida mogga iza qoodhen aaththida; iza kawoteththan heedzdzanththo maaran shuumida.

2ታሪኬ ማጻፋ 28:7

Efreeme zare gidida mino olanchcha Zikirey kawoza naa Ma7isaya, kawo keeththas aawatiza Azirqaamenne kawoppe kaalli de7iza shuumeza Hilqaana wodhides.

ሜቴ ማጻፋ 41:40

Tani nena ta keeththan shuumays; ta asay wuri nees azazettana; tani neeppe aadhdhanay ta kawoteththa algan xalla gidana» gides.

ዳኔላ ቲንቢቴ 5:16

Neni gidikko xuura yo7ota birshanaassinne waayisiza miishshata wursa qonccisanaas dandayzayssa ta siyadis; hessa gishshas neni hayssa xaafettidayssa nababada taas birsha yootikko istti nena ochcha teera misatiza seelo may7o mayzana; worqqafe oosettida mogga ne qoodhen aaththana; ta kawoteththankka heedzdzanththo maaran ta nena shuumana» gides.

ኣስቴሪ ማጻፋ 3:2

Asay iza bonchchana mala kawoy azazi woththida gishshas kawo keeththa pengen ooththiza shuumeti ubbay Haamas gulbatidi izas bonchcho saroka immeettes. Gido attiin Mardikiyoosi izas gufanni goynnibeennanne bonchcho saroka immibeenna.

1ሳሜላ ማጻፋ 23:17

Izikka, «Babbofa! Ta aawa Sa7ooli ba kushe ne bolla woththenna; neni Isra7eele bolla kawotana; neeppe kaallada ta nam7anththo kawo gidana; ta aawa Sa7oolikka hessa erees» gides.

ዳኔላ ቲንቢቴ 6:3

Daaneeli hankko dere ayssizaytappenne daannatappe aadho erateththan kumidaade gidi beettida gishshas kawozi iza ba kawoteththaa bolla shuumanaas qoppides.

ሜቴ ማጻፋ 45:10

Neni ta matan Geeseme biittan ne naytara, nayta naytara, dorsatara, mehetara, nees diza ubbaara haan daandeta.

ሜቴ ማጻፋ 45:11

Buroppe ichchashu kosha layththati deettes; nena neso asaanne ne mehe koshay gakkontta mala tani nena mizana› gees giite» gides.

1ሳሜላ ማጻፋ 18:16

Kumeththa Isra7eeleynne Yuhuday gidikko Dawite dosida; istta sinththan kezidi, gelidi kaaleththizay iza.

ኣስቴሪ ማጻፋ 2:5

He wode Biniyaame qommofe Qiise naa, Shim7e naa, Ya7ire naa Mardikiyoosa geetettiza Ayhuda dere asaappe issaadey Suusa gimben dees.