2ጺምቶሳስ 4:8 - Geeshsha Maxaafa

⁸ Sinththafe taas akililey giigi uttides; hessika xilloteththa; hessaka tumu pirdiza Goday he gallas taas immana; hessika taas xalla gidontta iza yuussaa laamotizaytas ubbaasikka immana.

ጋሞ ማጻፋ

⁸ ሲንፌ ታስ ኣኪሊሌይ ጊጊ ኡቲዴስ፤ ሄሲካ ጺሎቴ፤ ሄሳካ ቱሙ ፒርዲዛ ጎዳይ ሄ ጋላስ ታስ ኢማና፤ ሄሲካ ታስ ጻላ ጊዶንታ ኢዛ ዩሳ ላሞቲዛይታስ ኡባሲካ ኢማና።

Gamo Geesha Maxxafa New Testamen

⁸ Akililey taas gigi utides, hessikka xillotetha. hessakka tumu pirdiza Goday he gallas taas immana. Hessikka taas xaalla gidontta iza yuussa laamotizaytas wurssotaskka immana.

2ጺምቶሳስ 4:8 Iomraidhean Croise

ሜቴ ማጻፋ 18:25

Xillota wordotara gaththa wodhizayssinne xillotanne wordota issi ayfen xeellizayssi hessi neeppe haakko; ha biitta ubbaa bolla pirdiza neni xillo pirdikii?» gides.

ዬ ማጻፋ 31:19

Nenan zemppanaas neekko shiiqidaytassinne nees yayyizaytas neni asaa sinththan isttas immana gaada minjja woththida kiyateththi ay mala daroo!

ዬ ማጻፋ 7:11

Xoossay xillo pirdiza Xoossa; izi gallas gallas ba hanqo qonccisiza Xoossa.

ሌሚሶ ማጻፋ 4:9

Iza ne hu7en saba akilile woththana; bonchcho kallachchaka immana» gees.

ሚልካሳ ቲንቢቴ 3:17

«Tani ooththiza gallas istti taas buzo miish gidana» gees Ubbaafe Wolqqama GODAA Xoossay; «Aaway baas ooththiza naa ashshiza mala tanikka istta ashshana.

Maatosa 24:36

«He gallassayonne he saateyo Aawappe attiin salo kiitanchchata gidiinkka Naaza gidiinkka oonikka erenna.

Maatosa 7:22

He gallas daroti, ‹Godoo! Godoo! Nuni ne sunththan tinbite yootibeekkonii? Ne sunththan daydanth kessibeekkonii? Ne sunththan daro malaata ooththibeekkonii?› gaana.

ሉቃሳ ሚሺራቾ 10:12

Ta inttes yootays pirda gallas he katama pirdafe Sodoome katama pirday kawushshe gidana.

ኦሮሜ ኣሳስ 2:5

Gido attiin neni ne wozina muumeteththaninne maaroteth koyontta ne wozina gaason Xoossaa tuma pirday qoncciza wode Xoossa hanqo gallassas ne bolla daro hanqo shiishshaasa.

ኦሮሜ ኣሳስ 8:23

Iza xalala gidontta koyro Xillo Ayana imota demmida nunikka nu asateththay attana; nu iza naa gidanayssaka laamotishenne wozinara miixattishe doos.

1ቆሮንቶሴ ኣሳስ 2:9

Gido attiin Geeshsha Maxaafan, «Asa ayfey be7onttaaz, asa hayththi siyonttaaz, asa wozinaykka qopponttaaz Xoossi ba dosizaytas giigsides» gees.

1ቆሮንቶሴ ኣሳስ 3:13

issaade issaade oosoy ay malakko pirda gallas qonccana; gaasoykka he gallas issaade issaade oosoy ay malakko taman paacetti erettana.

1ቆሮንቶሴ ኣሳስ 9:25

Gaadden woxxi aadhdhanaas giigettizaadey oonikka hano ubbaan barkka bana naagees. Heytantti aadhdhananne dhayana akilile ekkanaas daabureettes shin nu qasse mernaas dhayontta akilile demmanaas daaburoos.

2ቆሮንቶሴ ኣሳስ 5:2

He wodey gakkanaas nu keeththaa saloyssa may7anaas nu laamoti naagoos.

ፒሊጲሲዮሴ ኣሳስ 3:11

Hessaththoka ta hayqqa dendidaappe guye mernaas daanaas koyays.

ቆላሲያሴ ኣሳስ 1:5

Hessi wurikka haniday salon inttes giigettida hidotappe dendidayssanna; hessa he hidota gishshas Mishiraachcho qaalaa intte kasetidi siyideta.

1ታሶሎንቄ ኣሳስ 1:10

Qasseka Xoossi hayqoppe denththidayssa buro yaana hanqofe nuna ashshana Saloppe yaana Xoossa Naa Yesusa yuussaa intte wostti naagizaakko asay haasayees.

1ታሶሎንቄ ኣሳስ 5:4

Intteno ishatoo! He gallassay kayso mala inttena daganththanaas intte dhuman deekketa.

2ታሶሎንቄ ኣሳስ 2:8

Hessafekka kaallidi Godaa Yesusi ba doona peenoninne ba bonchcho yuussaan dhayssana; makkallanchchay qonccana.

1ጺምቶሳስ 6:19

Hessaththoka tumu gidida de7o demmana mala buroppe yaana wodes asay mino xapho gidiza haaro baas shiishshana.

2ጺምቶሳስ 1:10

Ha7i qasse izi hayqo ubbaa dhayssidi mishiraachcho qaalaa baggara nuna poo7on kessida nu dhale Yesus Kirstoosa yuussaan qonccides.

2ጺምቶሳስ 1:12

Tani meto be7izaykka hessa gishshassa; gidikkoka ta oona ammanizaakko tani ta ammanizaade shaakka eriza gishshas izan yeellatikke. Ta izas immida hadaraa he gallassiya gakkanaas izi naaganaas dandayzayssa ta shaakka eradis.

2ጺምቶሳስ 1:18

Wurseththa pirda gallas Goday iza pirdafe ashsho; izi tana Efesoonen ay mala maaddidaakko ne lo7eththa eraasa.

2ጺምቶሳስ 2:5

Hessaththoka gaadde woxxizaadey woththa woga naagontta woxxiko xoono akilile ekkenna.

2ጺምቶሳስ 4:1

Xoossa sinththaninne hessaththoka paxa dizayta bollanne hayqqidayta bolla pirdanaas diza Yesus Kirstoosa sinththan iza qoncceththaanne iza kawoteththaa qofara hayssa nees hadara gays.

Titosas 2:13

Hessika nuus anjjettida hidota gidida wogga Xoossaanne nuna ashshida Yesus Kirstoosa bonchchoy qonccanayssa naaganaassa.

Ibirawe 12:11

Qixaatey wurikka ha7is ufayssontta iita misatees shin guyeppe qasse dosi ekkida asatas saroteththi izan kumida xilloteththa ayfen gaththees.

Ibirawe 9:28

Kirstoosi daro asa nagara digganaas issito yarshettides; nam7anththoka izi qonccana; hessi iza naagizaytas atoteth ekki yaanaas attiin nam7anththo zaari nagara tookkanaas gidenna.

ያቆቤ ኪታ 1:12

Paacen minni eqqidaadey izi anjjettidaade; gaasoykka izi paacera eqettishin Xoossi bana dosizaytas immida hidota de7o akilile izi ekkana.

1ጴጽሮሳ ኪታ 1:4

Izi dhayontta, moorettonttanne ceeggontta laataso inttes salon giigsi woththides.

1ጴጽሮሳ ኪታ 5:4

Intte hessaththo ooththiko hankko waanna heemmizayssi qoncciza wode intte moorettontta bonchcho akilile ekkana.

ዮሃኒሳ ኣጁታ 1:7

Hekko izi saloppe shaarara gita bonchchora yaana; kase iza caddi wodhidaytikka issoyka attontta wuri iza beyana; biitta bolla diza dereykka wuri iza gishshas yeekkana. Hayssi ha yo7ozi tumukko! Amiin.

ዮሃኒሳ ኣጁታ 19:11

Hessafe guye saloy doyettidayssa ta beyadis; qasseka booththa parakka beyadis; he paraza toggidayssi ammanettidaadenne tumanchcha geetettizaade; izi qasse tuma pirdeessinne olettees.

ዮሃኒሳ ኣጁታ 2:10

Buro sinththafe ne bolla gakkana metos babbofa; intte paacettana mala inttefe issi issi asata daabulosi qasho keeth gelththana. Tammu gallas gakkanaas intte waaye beyanashin ne hayqqana gakkanaas ammanettidaade gida; tani nees mernaa de7o akilile histta immana.

ዮሃኒሳ ኣጁታ 22:20

Haytantta ta markkattizayssi, «Tani addafe eeson yaana!» gees. Amiin! Godaa Yesusa haa ya.

ዮሃኒሳ ኣጁታ 4:10

nam7u tammanne oyddu cimati mernaappe mernaa gakkanaas diza ba algaa bolla uttidayssa sinththan gufannidi izas goynneettes; ba akililetakka he algaza sinththan woththidi,

ዮሃኒሳ ኣጁታ 4:4

Hessaththoka he algaza yuuyi aadhdhida nam7u tammanne oyddu algati deettes; he algata bolla qasse booththa may7o may7idi ba hu7e bolla worqqa akilile woththida nam7u tammanne oyddu cimati uttida.