1ጺምቶሳስ 4:1 - Geeshsha Maxaafa

¹ Wode wurseththa bolla issi issi asay ammano aggidi baleththiza ayanatanne iita ayana timirte kaallanayssa Xillo Ayanay qonccera yootees.

ጋሞ ማጻፋ

¹ ዎዴ ዉርሴ ቦላ ኢሲ ኢሲ ኣሳይ ኣማኖ ኣጊዲ ባሌዛ ኣያናታኔ ኢታ ኣያና ቲሚርቴ ካላናይሳ ጺሎ ኣያናይ ቆንጬራ ዮቴስ።

Gamo Geesha Maxxafa New Testamen

¹ Wode wurssetha bolla issi issi asay ammano aggidi baalethiza ayanatane iita ayana timirtte kaallanayssa xiillo ayanay qonccera yootes.

1ጺምቶሳስ 4:1 Iomraidhean Croise

ሜቴ ማጻፋ 3:13

GODAA Xoossay hessafe guye maccassayo, «Neni hessa ays ooththadii?» gi oychchides. Maccassayakka, «Tana shooshshay baleththiin madis» gadus.

1ካዎታ ማጻፋ 13:18

Cima nabezi gidikko, «Tanikka ne mala tinbite yootizaade; kiitanchchay GODAA qaalan tana, ‹Kath izi maana malanne haath uyana mala iza zaarada ne soo nenara ekka ba› gides» gi yootides. Gido attiin cima nabezi hessa izas wordo yootides.

ኢሳያሳ ቲንቢቴ 2:2

Wode wurseththan Xoossa keeththi iza bolla keexettida zumay hara zuma ubbaafe dhoqqi beettana. Zumbullata ubbaafe dhoqqu dhoqqu gaana; ubbaa kawoteththati hee goochchana.

ኤርማሳ ቲንቢቴ 23:26

Ha yo7oy bantta wozina baleththon wordo tinbite haasayza nabeta wozinan ayde gakkanaas gam7anee?

ኤርማሳ ቲንቢቴ 48:47

«Gido attiin wurseththan Mo7aabeppe di7etti bidayta ta zaarana» gees. Mo7aabe bolla pirdettida pirday hessa.

ኤርማሳ ቲንቢቴ 49:39

«Gido attiin wurseththa wodetan tani Elaame zaara ishalsana» gees.

ሂዚቄላ ቲንቢቴ 1:3

Baabiloonen Koboore shaafa matan diza Buuze naa qeese Hiziqeelakko GODAA qaalay yides; GODAA wolqqay tana oykkides.

ሂዚቄላ ቲንቢቴ 38:16

Biitta kammiza shaara mala, neni ta asa Isra7eele bolla worajjana. Haysso Googe ta geeshshateththaa kawoteththata sinththan tani qonccisishin istti tana erana mala sinththafe yaana wodetan ta biittay bolla ta nena ehana› gees.

ዳኔላ ቲንቢቴ 10:14

Ajjuutazi polettanaas buro sinththafe daro layththi diza gishshas sinththafe ne dereza bolla hanana yo7ota nees qonccisanaas ta yadis» gides.

ሆሴኤ ቲንቢቴ 3:5

Hessafe guye Isra7eele derey GODAA ba Xoossaakonne ba kawo Dawitekko simmana. Wurseththa wode istti yashshan kokkorishe GODAAKKONNE iza anjjoko yaana.

ሚኪያሳ ቲንቢቴ 4:1

Wurseththa wode Xoossa keeththi iza bolla diza zumay hara zuma ubbaafe aadhdhi beettana; hara zumatappe bollara dhoqqu gaana; dereykka izakko goochchana.

ታይቦ ማጻፋ 24:14

Wurseththan Balaamey Balaaqes, «Ha7i tani gede ta dere simma bays; gido attiin ta baanaappe kasetada Isra7eele asay ne dere asaa bolla gaththanayssa nees qonccisanaas koyays» gides.

Maatosa 18:7

Hanna alameya as dhuphana gaaso gidida gishshas izis aayye ana! Dhuphey yuus aggenna shin dhuphezas gaaso gidizaades aayye ana!

ሉቃሳ ሚሺራቾ 17:1

Yesusi bana kaallizayta, «Asa dhuphidi nagaran yeggiza miishshi yontta aggenna; gido attiin yaana dhuphezas gaaso gidizaades aayye ana!

ዮሃኒሳ ሚሺራቾ 16:13

Tuma Ayanay yiidi inttena tumay dizaso kaaleththana; gaasoykka izi siyidayssa yootana attiin baappe gidontta gishshas izi sinththafe hanana yo7ota inttes yootana.

ሃዋሬታ ኦሶ 13:2

Heyti wuri Godaas goynnishenne xoomishe dishin Xillo Ayanay, «Barnabaasanne Sa7oole ta istta xeygida oosos taas shaakki kessite» gides.

ሃዋሬታ ኦሶ 17:18

Efiqoroosenne Isttoyko geetettiza eranchchata bagga gididayti Phawuloosakko shiiqidi izara haasayettida; isttafe issi issi asati, «Hayssi lom7ulom7ay ay gaana koyzee?» gida; baggayti qasse Yesusa gishshassinne hayqoppe iza denththaa mishiraachcho izi sabbakishin siyidi, «Hessi hara ooraththa eeqata gishshas yootiza misatees» gida.

ሃዋሬታ ኦሶ 20:23

Heen tana dumma dumma qashoynne metoy naagizayssa Xillo Ayanay taas yootides.

ሃዋሬታ ኦሶ 21:11

He nabey nuukko shiiqidi Phawuloosa dancco ekkidi ba tohonne ba kushe qachchidi, «Xillo Ayanay hayssa danccaa godaa Yerusalaamen diza Ayhuda asati hayssaththo qachchidi Ayzaabetas aaththi immana gees» gides.

ሃዋሬታ ኦሶ 28:25

Isttika ba giddon issoy issaara qofan gaaggontta shaakettida; Phawuloosi wurseththan yootishe, «Xillo Ayanay nabe Isayaasa baggara kase intte aawatas yootidayssi tumakko!

1ቆሮንቶሴ ኣሳስ 10:20

Gidenna! Ammanontta asay shiishshiza yarshoy Xoossas gidontta Xala7essa; inttes Xala7era issifeteththi daana mala ta koykke.

1ቆሮንቶሴ ኣሳስ 11:19

Intte giddofe tumanchchati shaaketti erettana mala hessa mala shaakoy intte giddon daanayssi dosa gidenna.

1ቆሮንቶሴ ኣሳስ 12:11

Heyti wurikka he issi Ayanay immiza imota gidishin issi issi asas ba koyida mala immees.

1ቆሮንቶሴ ኣሳስ 2:10

Xoossi gidikko hessa ba Ayana baggara nuus qonccisides; Ayanaykka Xoossas diza ciimma yo7o ashshontta ubbaa pilggi xeellees.

2ቆሮንቶሴ ኣሳስ 11:3

Shooshshay ba genera Hewaano baleththidayssaththo oonee erizay intte qofaykka moorettiin Kirstoosas diza suurenne geesh gidida ammaneteththaa inttena aggaagandettoo gaada ta hirgays.

ዛሬ ማጻፋ 32:29

Istti erata gididaakko hayssa istti kasetidi qoppana; bantta wurseththankka hananayssa yuushshi qoppanashin!

ዛሬ ማጻፋ 4:30

Ha ubbaa metoy inttena gakkiin intte metotishe wurseththan GODAA intte Xoossaako simmidi qasseka izas azazettana.

ቆላሲያሴ ኣሳስ 2:18

Bessontta ashketeththinne kiitanchchatas goyno dosiza asi oonikka inttena dhuphidi mela ashshontta mala naagettite; hessa mala asi ba be7ida agumos wogay baynda bana nashshishe hada asho qofaan kumidi otorettees.

2ጺምቶሳስ 3:13

Iita gidida baleththiza asati baas balettidi asaa baleththishe iitateththaa bolla iitateth gujji gujji baana.

2ጺምቶሳስ 4:4

Tumaa siyanaappe ba hayth haraso zaaridi haysi7e bagga simmana.

ያቆቤ ኪታ 3:15

Hinni mala erateththaya saloppe gidikku; hinna qasse biittafe, ashoppenne Xala7eppeko!

1ጴጽሮሳ ኪታ 1:20

Izi erettiday hayssi alamezi medhettanaappe kase gidishin ha7i qasse wurseththa woden inttes qonccides.

2ጴጽሮሳ ኪታ 2:1

Gido attiin beni wode wordo nabeti dere giddon dizayssa mala hessaththoka ha7i intte giddon wordo astamaareti de7andettes; heytantti asa dhayssiza wordo timirte qotara diccana mala ooththeettes; bana ashshida Godaakka kaddidi bana eeson dhayssizaaz ba bolla eheettes.

2ጴጽሮሳ ኪታ 3:3

Hara ubbaafe kasetidi hayssa yuushshi qopite; wurseththa gallassatan qidhizaytinne ba iita amo kaallishe as kadhizayti yaana.

1ዮሃኒሳ ኪታ 2:18

Naytoo! Hayssi wurseththa saate; intte siyida mala Kirstoosara eqettizaadey yaana; ha7ikka Kirstoosara eqettiza daroti yida. Hayssi wurseththa saate gididayssa nu hayssan eroos.

1ዮሃኒሳ ኪታ 4:6

Nuni gidikko Xoossa bagga; Xoos erizay nu gizayssa siyanashin Xoossa bagga gidonttaadey gidikko nu gizayssa siyenna. Tumu Ayananne wordo ayana nu shaakki erizay hayssanna.

ዩሁዳ ኪታ 1:18

Istti, «Wode wurseththan Xoossa sheneppe haakkidayti barkka ba iita amo kaallishe as qidhizayti yaana» giidi inttes kase yooti woththida.

ዩሁዳ ኪታ 1:4

Istta bolla pirdettanayssi daro wodeppe kase istta gishshas xaafettida asati intteko kalxi gelida; heytantti Xoos eronttayta; nu Godaa kiyateththaa coo mela laammizaytanne Xoossaa goynnonttayta. Izi barkka nuna haarizayssanne nuus Godaa gidida Yesus Kirstoosakka kaddeettes.

ዮሃኒሳ ኣጁታ 13:14

Izi koyro do7aza sinththan malaata ooththana mala izas imettida malaata gaason biitta bolla diza asaa izi baleththides; mashshan madunxidi paxida do7aza bonchchos misle ooththana mala biitta bolla diza asaa wursi izi azazana.

ዮሃኒሳ ኣጁታ 16:14

Heyti malaatata ooththiza daydanththa ayanata. Heyti ayanati Ubbaa Dandayza Godaa gita gallas hanana olas asaa shiishshanaas alame kawoti dizaso ubbaa baana.

ዮሃኒሳ ኣጁታ 18:2

Izi dhoqqa qaalan, «Gita Baabiloona kundadus! Kundadus! kundadus! Daydanththa duussaso gidadus! Tuna ayanatas aqoso gidadus! Harassiza iita kafotas shemposo, iitanne harassiza do7ataska aqoso gidadus.

ዮሃኒሳ ኣጁታ 18:23

Tama poo7oy hayssafe guye nenan poo7enna; addenne macca mishira qaalay hayssafe guye nenan seetettenna; ne zal7anchchati kase alamen erettidayta; neni qasse asaa wursa muurennon baleththadasa.

ዮሃኒሳ ኣጁታ 19:20

Gido attiin he do7azi oykettides; kase izara daro malaata ooththida wordo nabezikka izara oykettides; izi he do7aza malatay istta bolla dizaytanne he do7aza mislezas goynnidaytanne gita malaatata ooththi ooththidi istta baleththishe gam7ides; heyti nam7ati diine geetettiza eexxiza tama abban hayqqontta paxa dishe yegettida.

ዮሃኒሳ ኣጁታ 2:11

«Ayanay Woosa Keeththatas gizayssa hayththi dizay siyo! xoonidaadey nam7anththo hayqon qohettenna» gaada xaafa gides.

ዮሃኒሳ ኣጁታ 2:17

«Ayanay Woosa Keeththatas gizayssa hayththi dizaadey siyo! Xoonidaades tani qotan diza mannafe iza immana; izi taas gididayssa bessanaas iza bolla ooraththa sunththi xaafettida booththa shuch izas ta immana; hessaka ekkidaadefe attiin hara asi oonikka erenna.

ዮሃኒሳ ኣጁታ 2:29

Ayanay Woosa Keeththatas gizayssa hayththi dizay wuri siyo!» gaada xaafa gides.

ዮሃኒሳ ኣጁታ 2:7

«Ayanay Woosa Keeththatas gizayssa hayththi dizay wurikka siyo! ‹Xoonidaadey Xoossa Gannate giddon diza de7o miththa ayfe maana mala ta ooththana.›

ዮሃኒሳ ኣጁታ 20:10

Kase istta baleththida Daabulosi he do7azinne wordo nabezi dizasoy diinen eexxiza tama abba giddon yegettida; istti heen qammanne gallas mernaappe mernaa gakkanaas xuugettana.

ዮሃኒሳ ኣጁታ 20:8

Alame bolla dizayti heytikka Googenne Maagooge geetettizayta baleththanaassinne istta olas ekki baanaas kezana; heytantta qooday abba achchan diza ace mala.

ዮሃኒሳ ኣጁታ 3:13

«Ayanay Woosa Keeththatas yootizayssa hayth dizay wuri siyo!

ዮሃኒሳ ኣጁታ 3:22

«Ayanay Woosa Keeththatas gizayssa hayththi dizay wuri siyo!» gaada xaafa gides.

ዮሃኒሳ ኣጁታ 3:6

«Ayanay Woosa Keeththatas gizayssa hayththi dizay wuri siyo!

ዮሃኒሳ ኣጁታ 9:20

Hayta ha boshatan hayqoppe attida asa zereththati kase ba ooththida iita oosoppe simmidi maaroteththan gelibeettenna. Daydanththas worqqafe, birappe, xarqimalappe, shuchchafe, miththafe oosettidi xeellanaas woykko hayththan siyanaas woykko hemettanaas dandayontta eeqatas goyno aggibeettenna.