1ሳሜላ ማጻፋ 26:8 - Geeshsha Maxaafa

⁸ Abisayey Dawites, «Xoossi hach ne morkke ne kushen yeggides; ha7i ta iza issito cadda biittara sikkays; ta nam7anththanaas aykkoka koshshenna» gides.

ጋሞ ማጻፋ

⁸ ኣቢሳዬይ ዳዊቴስ፥ «ጾሲ ሃች ኔ ሞርኬ ኔ ኩሼን ዬጊዴስ፤ ሃኢ ታ ኢዛ ኢሲቶ ጫዳ ቢታራ ሲካይስ፤ ታ ናምኣንናስ ኣይኮካ ኮሼና» ጊዴስ።

1ሳሜላ ማጻፋ 26:8 Iomraidhean Croise

2ሳሜላ ማጻፋ 16:9

Hessafe guye Xuriya naa Abisayey kawozas, «Hayssi hayqeththa kanay, kawoza ta godaa wostti doqqizee? Ta pinna baada iza qoodhe qanxxana» gides.

ዬ ማጻፋ 31:8

Neni tana ta morkketas aaththa aaththa immabeekka; ta tohotakka aaho sohon essadasa.

ኤርማሳ ቲንቢቴ 40:15

Hessafe guye Qaareeha naa Yohanaaney Mixiphphan diza Godoliyaasakko yiidi, «Oonikka erontta dishin baada Nataniya naa Isma7eele tani wodhana; gaasoykka baqatidi neekko yida asay laalettana malanne Yuhudan attida asaykka dhayana mala ays nena wodhana gizee?» giidi xuuran yootides.

ናሆሜ ቲንቢቴ 1:9

Istti Xoossa bolla ay duulatikkoka izi istta dhayssana. Metoy nam7anththo dendenna.

ኦሮሜ ኣሳስ 11:32

Xoossi wursika maaranaas asi wurikka azazettontta mala gordides.

ዛሬ ማጻፋ 32:30

Istta medhdhidayssi istta aaththi immonttaako, GODAY istta yeggi aggonttaako, Issaadey 1,000 as wostti gooddandee? Woykko nam7ati 10,000 as wostti gooddanee?

ኢያሶ ማጻፋ 21:44

GODAY istta aawatas caaqqida mala istta yuushon diza ubbatappe istta shempisides. GODAY istta morkketa ubbaa isttas aaththi immida gishshas istta morkketappe issoyka isttara eqettanaas dandaybeenna.

ዳናታ ማጻፋ 1:4

Histtiin GODAY Kanaanetanne Paarizeta istta kushen aaththi immides; Beezeqen 10,000 as wodhida.

1ሳሜላ ማጻፋ 23:14

Dawiti bazzon diza miixataninne Ziife bazzon zumbullata bolla de7ides; Sa7ooli iza ubbaa gallas kaalettees; gido attiin Xoossi Dawite izas aaththi immibeenna.

1ሳሜላ ማጻፋ 24:4

Dawite kaallizayti Dawites, «GODAY, ‹Ne dosidayssa ooththana mala ne morkkeza ta ne kushen aaththa immana› giidi kase nees yootida gallassaya hachcha» gida. Dawiti tiran gooshetti biidi Sa7oole may7o xeerappe oonikka erontta qanxxi ekkides.

1ሳሜላ ማጻፋ 24:5

Gido attiin Dawiti Sa7oole may7o xeera qanxxidayssan iza wozinay keehi ceecides.

1ሳሜላ ማጻፋ 26:23

GODAY issaas issaas iza xilloteththa malanne iza ammaneteththaa mala izas qanxxo; tani gidikko hach GODAY nena ta kushen aaththi immiin tani GODAY tiydayssa bolla ta kushe denththabeekke.

1ሳሜላ ማጻፋ 26:7

Hessa gishshas Dawitinne Abisayey Sa7oole ola asay dizaso bida; istti bishin Sa7ooli heen dhiskon dees; iza tooray iza hu7eson biittan eqqi dees; Abineerinne iza olanchchati iza yuushon dhiskida.

1ሳሜላ ማጻፋ 26:9

Dawiti Abisaye, «Wodhoppa; GODAY tiydaade bolla ba kushe denththidi suuththafe geesh gidida asi oonee?