1ጴጽሮሳ ኪታ 5:2 - Geeshsha Maxaafa

² Inttes hadara imettida Xoossaa wude naagite; iza wudeza wolqqara gidontta Xoossi koyza ogera dosan heemmite; miishshas yiiqeteththan gidontta haggazanaas wozinappe koshshan gido.

ጋሞ ማጻፋ

² ኢንቴስ ሃዳራ ኢሜቲዳ ጾሳ ዉዴ ናጊቴ፤ ኢዛ ዉዴዛ ዎልቃራ ጊዶንታ ጾሲ ኮይዛ ኦጌራ ዶሳን ሄሚቴ፤ ሚሻስ ዪቄቴን ጊዶንታ ሃጋዛናስ ዎዚናፔ ኮሻን ጊዶ።

Gamo Geesha Maxxafa New Testamen

² Intes hadara immetida Xoossa wude naagite. He iza wudeza wolqara gidontta Xoossi koyiza ogera dosara heemmitte. Miishes yiqetethan gidontta haggazanas wozinape koshan gido.

1ጴጽሮሳ ኪታ 5:2 Iomraidhean Croise

2ካዎታ ማጻፋ 12:6

Gido attiin Iyo7aasi kawotiin biidi nam7u tammanne heedzdzanththo layththi gakkanaas qeeseti Xoossa Keeththaza garsan moorettida sohota ooraxissibeettenna.

Siiqo Saba 1:8

«Haa macca ubbaafe aadhdha lo7iza malanchchayee! Ta dizaso erontta aggiko dorsati bida geedo kaallada ya; ne deysha laaqqatakka heenththanchchata dunkaane matan heemma.»

ኢሳያሳ ቲንቢቴ 40:11

Izi ba wude heenththanchcha mala heemmees; ba laaqqatakka ba qesen tookkees; ba ki7onkka idimmees; dhanththizaytakka loddara kaaleththees.

ኢሳያሳ ቲንቢቴ 56:11

Istti ganjama kana mala; miidi kalli erettenna. Istti akeekay baynda heenththanchchata; istti ubbay bantta oge oge beettes; issoy issoy ba go7a xalla xeellees.

ኢሳያሳ ቲንቢቴ 6:8

Hessafe guye GODAY, «Oona kiittoo? Nuus oonee kiitettanay?» gishin siyadis. Tanikka zaarada, «Hekko, tana kiita» gadis.

ኢሳያሳ ቲንቢቴ 63:11

Hessafe guye asay beni wodezanne Muse wode yuushshi qoppides; Ba dorsata heenththanchchatara ubbaafe kessidayssi izi awan dizee? Ba Geeshsha Ayana istta giddon woththidayssi ha7i awan dizee?

ኤርማሳ ቲንቢቴ 13:17

Intte siyontta ixxiko, intte otoreteththaa gishshas ta shemppoya geeman yeekkana; GODAA wudey di7etti bichchida gishshas tani camo yeeho yeekkays; ta ayfeppe afunththi haaththa mala goggees.

ኤርማሳ ቲንቢቴ 13:20

Qasseka GODAY, «Ane dhoqqu giidi pudeha baggafe yizayta xeellite; inttes imettida wudey, intte ceeqettiza dorsati awan dizoo?

ኤርማሳ ቲንቢቴ 6:13

Qasseka GODAY, «Guuththayka gitaykka ubbay ba go7as yiiqetees. Nabetinne qeeseti ubbay as baleththeettes.

ኤርማሳ ቲንቢቴ 8:10

Hessa gishshas tani istta machcheta hara azinatas, istta biittatakka allagatas immana; guuththayka gitaykka ubbay bantta go7as yiiqeteettes. Nabetinne qeesetikka ubbay as baleththeettes.

ሂዚቄላ ቲንቢቴ 34:23

Ta istta bollan issi heenththanchcha ta aylle Dawite woththana; izi istta heemmananne isttas heenththanchcha gidana.

ሂዚቄላ ቲንቢቴ 34:31

Intte ta wudeti ta heemmiza ta wudeta; intte ta asa; tanikka intte Xoossa; tani Ubbaa Haariza GODAY hayssa yootadis› gees» gides.

ሂዚቄላ ቲንቢቴ 46:24

He bitaney tana, «Hayti ubbay Xoossa Keeththan ooththizayti ehiza yarsho doyssiza sohota» gides.

ሚኪያሳ ቲንቢቴ 3:11

Kaaleththizayti matta7es pirdeettes; qeeseti miishsha gishshas tamaarseettes; Nabetikka miishshe mida gishshas yooteettes. Hessa ubbaa ooththidikka, «Xoossi nu giddon dees gidennee? Ay iitaykka nu bolla gakkenna» gishe Xoossan ceeqeteettes.

ሚኪያሳ ቲንቢቴ 5:4

GODAA wolqqan GODAA ba Xoossa sunththa gitateththan minni eqqananne ba mehe izi heemmana; he wode iza wolqqateththay biitta gaxa gakkana gishshas asay giiga duus daana.

ሚኪያሳ ቲንቢቴ 7:14

Wora giddoninne cilila maata giddon barkka dizayti ne mehe gidida ne dereta neni ne guufera heemma; beni wode mala istti Baasaaneninne Gala7aaden heemettetto.

ዛካራሳ ቲንቢቴ 11:17

Wudeza yeggi aggiza go7ay baynda heenththanchchas aayye ana! «Iza ushachcha ayfenne iza qese mashshay caddo; iza qesey silo; iza ushachcha ayfeykka qilch gi qooqo» gides.

ሚልካሳ ቲንቢቴ 1:10

«Taas Yarsho yarshizason go7ay baynda tama intte eeththontta mala inttefe issaadeyka Xoossa Keeththa penge gordizaakko aazee dizay! Ta inttenan ufayettikenne intte kusheppe ay yarshoka ekkike» gees Ubbaafe Wolqqama GODAA Xoossay.

ታይቦ ማጻፋ 18:7

Gido attiin yarsho yarshizasozaninne magalashaappe guye baggara ubbaafe dummatida giddo qol7aan oosettiza qeeseteththa oosoy neessinne ne naytas xalla bessees; qeeseteththa oosozakka ta inttes imota histta immadis; qeese gidontta ay asikka hee shiiqikko hayqqana» gides.

ሉቃሳ ሚሺራቾ 12:32

«Intteno guuththa wude mehe mala gididaytoo! Kawoteth inttes immanaas intte Aawaas lo7o qofa gidida gishshas babbofte.

ሃዋሬታ ኦሶ 20:29

Ta bidaappe guye Xoossa dorsatas mishettontta iita asati intte gars gelanayssa ta erays.

ሃዋሬታ ኦሶ 21:13

Qasse Phawuloosi, «Intte ays yeekki yeekkidi ta wozina aazas menththeetii? Tani Godaa Yesusa sunththaa gishshas Yerusalaamen qasho xalala gidontta hayqqanaaska giigettadis» gides.

ኦሮሜ ኣሳስ 1:15

Inttes Oroomen dizaytaska tani mishiraachcho qaala yootanaas ta amottizay hessassa.

1ቆሮንቶሴ ኣሳስ 9:7

Ero! Ba miishshara wottadarateth ooththizay oonee? Woyne mith tokkidi he tokkida miththaa ayfe monttay oonee? Mehe heemmishe ba heemmiza meheza maath uyonttay oonee?

1ጺምቶሳስ 3:3

maththottonttaade, oosh ooyettonttaade, qasse maarage as, asara palamettonttaade, miish gooddonttaade gidanaas bessees.

1ጺምቶሳስ 3:8

Daaqonetikka hessaththo bonchchettidaytanne ba gida qaalaa laammi laammi yeggonttayta, daro woyne ushshas amottonttayta, ogey baynda go7a gooddonttayta gidanaas bessees.

Titosas 1:11

Heytantta co7u histteth bessees; gaasoykka istti bessontta ogera baas go7a demmanaas bessontta timirte tamaarson keeththa asaa wursi mooron deettes.

Titosas 1:7

Woosa keeththa cimay Xoossas ooththana hadara ekkidaade gidida mala iza bolla wosoy bayndaade gidanaas bessees; hessika ceeqettizaade, guuththa miishshan yiillotizaadenne maththottizaade, ushshanchchanne izas bessontta ogera go7a gididaaz gooddi ekki bizaade gidanaas bessenna.

Titosas 2:14

Izikka nuna iitateththaafe wozzanaassinne lo7o ooththanaas minniza ba dere baas dooranaas bana nuus aaththi immides.

Titosas 3:1

Asay dere ayssizaytas haarettana malanne lo7o gidida miish wursi ooththanaas giiga gidana mala asaa qofsa.

Pilmoonas 1:14

Gido attiin ne lo7o oosoy ne dosanpe attiin wolqqara gidontta mala gaada nena oychchontta aykkoka ooththana koyabeekke.

Ibirawe 12:15

Inttefe issaadeska Xoossa kiyateththi paccontta mala qasseka camo ayfe ayfiza miththi mokkidi meto medhdhontta malanne darota moorontta mala naagettite.

2ጴጽሮሳ ኪታ 2:3

Heyti wordo astamaareti miishshas gaphigaphiza gishshas barkka medhdhi ekkida yo7o yooti yootidi inttes dizaaz baas bonqqi ekkeettes; beni beniisoppe pirday isttas giigetti uttides; addafe istta dhayoy naagees.