1ጴጽሮሳ ኪታ 2:1 - Geeshsha Maxaafa

¹ Hessa gishshas iitateth wursi, baleththo wursi, qoodheppe qommon hano, qanaateteth aykko qommo zigirs inttefe diggite.

ጋሞ ማጻፋ

¹ ሄሳ ጊሻስ ኢታቴ ዉርሲ፥ ባሌ ዉርሲ፥ ቆፔ ቆሞን ሃኖ፥ ቃናቴቴ ኣይኮ ቆሞ ዚጊርስ ኢንቴፌ ዲጊቴ።

Gamo Geesha Maxxafa New Testamen

¹ Hessa gishshi iittateth wursi, baletho wursi, qoodhepe qommon hano, qaanateteth ayko qoommo zigiris intefe digite.

1ጴጽሮሳ ኪታ 2:1 Iomraidhean Croise

ኢዮቤ ማጻፋ 36:13

«Bantta wozinara Xoossa kaddizayti qaxxayettida mala daana; izi istta qaxxayshinkka istta kaaleththizayti woossettenna.

ዬ ማጻፋ 32:2

GODAY iza nagara qoodonttaadeynne iza qofan baleththoy baynday anjjettidayssa.

ዬ ማጻፋ 34:13

Ne inxarsaa iita haasayontta mala naaga; ne doonappe wordoy kezontta mala naagetta.

ዬ ማጻፋ 37:1

Iita ooththizayta be7ada yiillotoppa; nagara ooththizayta qanaatoppa.

ዬ ማጻፋ 73:3

Ays giikko iita asatanne makkallanchchata dureteththaa be7ada tanikka istta mala hananaas amottadis.

ሌሚሶ ማጻፋ 14:30

Woppu gida wozinay bollas payyateth immees; qanaatey gidikko meqeththa giddon gelida woyzazire mala.

ሌሚሶ ማጻፋ 24:1

Ta naazoo! Iita asata mala gidarkina gooppa; Isttara laggeteththika nena lo7oppo.

ሌሚሶ ማጻፋ 24:19

Iita asata ooson ceecoppa; istta mala gidarkina gooppa.

ሌሚሶ ማጻፋ 3:31

Gene ooththiza asata qullofa; istta iita ogekka kaallofa.

ኢሳያሳ ቲንቢቴ 2:20

He gallas asay goynnanaas medhdhida bantta bira, worqqa misleta girossinne kafotas olana.

ኢሳያሳ ቲንቢቴ 30:22

Hessafe biran meeshettida intte eeqa xoossatanne worqqan meeshettida misleta intte moorana; «Nuuppe haakkite» giidi tuna carqqa mala intte wora yeggana.

Maatosa 15:7

Intteno qoodheppe qommon hanizaytoo! Isayaasi intte gishshas yootishe, « ‹Hayssi derey tana doonan xalla bonchchees; wozinay gidikko taappe haakkides; mela hada tana goynnees; istta timirteyka asi woththida woga› gididi sinththafe hananayssa yootidayssi tuma» gides.

Maatosa 23:28

Intteka bolla baggara asas xillo asata misateeta; intte giddoy gidikko cimoninne iitateththan kumides.

Maatosa 24:51

iza qanxxeththi kaa7ana; iza exa qoodheppe qommon hanizaytara ooththana. Heenkka yeehoynne achcha garccechchi hanana.

Maatosa 7:5

Nenoo qoodheppe qommon hanizaysso kasetada ne ayfen diza gita miththaa kessaycha. Hessafe guye ne isha ayfen diza buuraa kessanaas lo7eththa xeellandassa.

ማርቆሳ ሚሺራቾ 12:15

Yesusi istta oyshay qoodheppe qommo gididayssa eridi, «Aazas tana qaxxana koyeetii? Ane issi dinaare hammite ta beyays» gides.

ሉቃሳ ሚሺራቾ 11:44

Asi erontta iza bollara biza qotetti diza duufo intte misatiza gishshas inttes aayye ana!» gides.

ሉቃሳ ሚሺራቾ 12:1

He wode daro derey ba giddon issoy issaara yedhettana gakkanaas shiiqi uttidaashe Yesusi bana kaallizayta, «Farsaaweta irshofe naagettite; hessika qoodheppe qommo hano.

ሉቃሳ ሚሺራቾ 6:42

Ne ayfen diza tuussaa be7ontta ne ishaa, ‹Tani ne ayfen diza buuraa ane kessays› gaanaas wostta dandayay? Nenoo qoodheppe qommon hanizaysso koyrottada ne ayfen diza tuussaa kessa; hessafe guye ne ishaa ayfen diza buuraa kessanaas lo7eththa xeellandassa.

ዮሃኒሳ ሚሺራቾ 1:47

Natina7eeley Yesusa beyana yishin Yesusi be7idi iza, «Hekko! Geney baynda tumu Isra7eele asa!» giidi iza gishshas yootides.

ኦሮሜ ኣሳስ 1:29

Ubba baggara makkallanne iitateth, yiiqenne iita ooson xalala kumida; qanaateteththan, shemppo wodhon, ooshshan, baleththoninne genen kumidayta qasseka zigirzayta gidida.

1ቆሮንቶሴ ኣሳስ 14:20

Ta ishatoo! Intte intte qofan guuththa nayta mala gidopite; iita oosos gidikko guuththa nayta mala gidite; qofan gidikko kaha kunththida asata gidite.

1ቆሮንቶሴ ኣሳስ 5:8

Hessa gishshas ane nuni Paaziga ba7aaleza qohoynne iitateththi izan kumida kase caala irsho bolla gidontta irshoy baynda ukeththan suureteththaninne tuman bonchchoos.

2ቆሮንቶሴ ኣሳስ 12:20

Tani hee biza wode oonee erizay intte ta koyida mala hanontta aggiko tanikka intte koyza mala gidontta dashe gaagettaneesha gaada hirgays; hessaththoka intte giddon ooshshi, qanaateteththi, hanqoy, zuppeteththi, asa sunth iisoy, zigirsi, otoreteththinne kachchi duus aggenna gaada hirgays.

ኤፌሶኔ ኣሳስ 4:31

Camo yo7o ubbaa hanqo, yiillo, oosh, cashshe, qasseka hankko hara iitateth ubbaa inttefe diggite.

1ታሶሎንቄ ኣሳስ 2:3

Nu inttena zorida zorey iita qofara woykko inttena baleththanaas koyidi gidenna.

1ጺምቶሳስ 3:11

Macca daaqonetikka bonchchettidayta, zigironttayta, qasse wogara dizayta, hano ubbaan ammanettidayta gidanaas bessees.

Titosas 2:3

Hessaththoka cima maccassati ba diza duussan bonchchora dizaytanne lo7o hanoteth asa tamaarsizayta gidetto attiin asa sunth iissizayta woykko woyne cajje ushsha suuken waaxettidayta gidontta mala istta tamaarsa.

Ibirawe 12:1

Hessa gishshas shaara mala nuna yuuyi aadhdhida daro markkati nuus dishin nuna deexxiza toohonne qasse nuna qachchi oykkiza nagara wursi nuuppe wora yeggidi nu sinththan diza woththaa genccaninne dandayan ane woxxoos.

ያቆቤ ኪታ 1:21

Hessa gishshas tunateththinne dalgida iitateththi inttefe kessi yeggidi intte shemppo ashshanaas dandayza intte giddon tokettida qaalaa ashketeththara ekkite.

ያቆቤ ኪታ 3:14

Qasse camonne qanaatey, inttena xalla dosiza hanoy intte wozinan dizaa gidikko otoreteththi inttes siyettofo; tumaakka kaddofte.

ያቆቤ ኪታ 4:11

Ta ishatoo! Intte intte garsan issoy issaa mootopite; ba ishaa mootizaadeynne ba ishaa bolla pirdizaadey wogaa bolla iita haasayeessinne wogaa bolla pirdees; histtiko neni wogaa bolla pirdizaade attiin wogaa naagizaade gidakka.

ያቆቤ ኪታ 4:5

Woykko Geeshsha Maxaafa giddon, «Nunan izi ayssida Ayanay nu izayta gidana mala daro amottees» gizayssi inttes coo mela gidaa misatizee?

ያቆቤ ኪታ 5:9

Ta ishatoo! Intte intte giddon zigirettofte; intte zigirettiko intte bolla pirdettana; pirdanaadey hekko intte penge bolla eqqides.

1ጴጽሮሳ ኪታ 2:16

Intte Xoossas ooththiza asata mala gididi hirgay baynda de7ite attiin intte intte shene mala diza duussaa iitateththaa kammiza miish histtofte.

1ጴጽሮሳ ኪታ 2:22

Izi aykko nagarakka ooththibeenna; iza doonan geney beettibeenna.

1ጴጽሮሳ ኪታ 3:10

Geeshsha Maxaafay giza mala, «De7on daana koyzaynne lo7o gallassata beyanaas koyza asi ba doonappe iita haasayontta malanne ba metershatikka gene haasayontta mala naagetto.

1ጴጽሮሳ ኪታ 4:2

Hessafe guye ba diza wode ubbaan izi daanay iita asho amoteth ooson gidontta dishe Xoossa shene polonna.

1ጴጽሮሳ ኪታ 4:4

Ha7i gidikko intte ha yo7ozan isttara wogay baynda qiixi qiixontta gishshas istti malaletteetessinne inttena cayeettes.

ዮሃኒሳ ኣጁታ 14:5

Istti wordo haasaya erettenna; wosoykka istta bolla baa.