COL 3:1 - Glavda NT Portion

¹ Ciyakurǝtciig tsau nǝ Daadamazhigǝl dǝ shiifǝg ǝmtaɗ dǝ Kǝrisiya, gatamgatǝg kǝ dǝgitahi kwa maghǝrzhigǝla, vakavaki dǝ Kǝristiya, kwa cihurgan tǝ dǝva kafa Daadamazhigǝla.

COL 3:1 Iomraidhean Croise

Mata 22:44

“‘Am nǝ Yaazhigǝl taa kǝ Yaazhigǝlara, “Cihuracihurǝg tǝ dǝvaa kafara bamma nandalnǝg kǝ tlǝghumahagh da mizhangyil kǝ shigahagha.” ’

Mata 26:64

Aiyam nǝ Yesu taa kǝ iina, “Band kwagha tagda nǝnnga. Ən tagkurtag baɗǝmma, ciigǝt ndakwana am da nǝghǝganǝghǝg kǝ Zǝra Uuda cihurgan tǝ dǝvaa kafa Dadda Ndzǝɗa, sii ma akumba zhigǝla.”

Mata 6:20

Bammam dzaharu kǝ alman kǝ ghǝraru ma ghǝrazhigǝla, vakavaki da badzǝda bi nǝ agatla ard kwalaviyavi biya, dlaɓa vakavaki da dǝgaa bi nǝ gǝlah ar da ghǝlu biya.

Mata 6:33

Gatamgatǝg kǝ tlǝkǝsǝra Daadamazhigǝl ba zǝnngwa, ard dǝgiti naag nǝ iina. Da vǝlkurvǝlǝg kǝ kwanahaan kǝ dǝgitah baɗǝmma.

Markus 12:36

“Dauda kataghǝran ndakwi, tǝdvad Shǝɗɗǝkw Daadamazhigǝl tagaatag taakiya, “ ‘Am Yaazhigǝl taa kǝ Yaazhigǝlara, Ndzandzǝg tǝ dǝvaa kaffara, Bamma fantǝraafǝg kǝ tlǝghumahagh da mazhangyil kǝ shǝgahagha.’ ”

Markus 14:62

Ngwangw nǝ Yesu taakiya, “Aana ba kaiya. Am da nǝghanǝghǝg kǝ Zǝra Uuda ndzǝgan tǝ dǝvaa kaffa Daadamazhigǝl ǝmkyaɗaka, dlaɓa da saay ma akumba zhigǝla.”

Markus 16:19

Tǝhala kwa tagatǝra nǝ Yaazhigǝl Yesu kǝ kwanǝn kǝ ǝlbǝga, kaa kǝsvantkǝsǝg dǝvdǝt damma ghǝrazhigǝla, ndza kǝ iin tǝ dǝvaa kaffa Daadamazhigǝla.

2CO 4:18

Kwakyarvad dǝgitahi zharǝg nǝ gyiya wa kǝm fǝg nǝmnd kǝ taaɗ tǝ vakai biya, bamma dǝgitahi kwa nǝghvabiya. Aɗaba dǝgitahi kwa nǝghǝvanǝghǝga da zǝlmabi nǝ zamanan kǝ dagal biya, dǝgitahi kwa nǝghǝvabiya dǝga tangw damma zǝrazǝrra.

COL 2:20

Əmtsamaǝmtsǝg tsau ǝmtaɗ dǝ Kǝristiya, dlaɓa sakurdasǝg sagal mazhagyil kǝ ndzǝɗa kwan kǝ duuniya. Aujilbǝg am ɓa ndzǝgan band lii gwastan ar ba dǝga duuniyi? aujilbǝg am haiganthaig dǝ adzahadzah kwa tsag nǝ uud duuni,

COL 3:2

Dzamamdzamǝg ba kǝ dǝgitahi kwa ma ghǝrazhigǝla, ndavambi kǝ dǝgitahi kwa ma duuni biya.