COL 2:2 - Glavda NT Portion

² Maa tǝ naagara maraa ndzan ma waiyakǝva, dlaɓa ar tlǝkǝna kǝ ndzǝɗ ma ǝrviɗmahuɗaatǝra, kiyava tlǝkǝnatlǝg kǝ iitǝr kǝ sǝrgasǝrǝg ba maraw, ar sǝran kǝ dǝga Daadamazhigǝl shiɓashiɓana, kwa iin Kǝristi bad ghǝraana.

COL 2:2 Iomraidhean Croise

Mata 11:25

Ma sarta kwaha wa tagaa nǝ Yesu taakiya, “Ən tagak uus Daada, Yaazhigǝla ghǝrazhigǝl ard duniya, aɗaba shiɓǝghtǝrvashiɓǝg kǝ dǝgitahaanǝn kǝ lii dǝ dabariya ard lii sǝrgasǝrga, kaa martǝrdamarǝg kǝskǝghǝg kǝ zǝr zarhaha.

Mata 11:27

“Badǝm nǝ dǝgitaha, vǝlghwavǝlǝg nǝ Daadara. Maay wa sǝrgasǝrǝg kǝ Zǝriin biya bamma Daada. Dlaɓa maay wa sǝrgasǝrǝg kǝ Daadiin biya, bamma Zǝriina ard kwa haigant Zǝriin marardana.

Mata 13:11

Kaa ngutǝraangug kǝ Yesu, amaa, “Haiyakuranthaig nǝ uud am sǝra kǝ dǝgiti shǝɓashǝɓan ma tlǝkǝsǝra Daadamazhigǝla, kiyava iitǝra vǝlavtǝr biya.

1CO 14:31

Baɗǝmmaruwa am tagatag kǝ ǝlbuga Daadamazhigǝla, ba da palla palla, kiyava tsagan kǝ uudaha, dlaɓa ar tlǝkǝna kǝ ndzǝɗa.

1CO 2:12

Cauwamnda shidkwa duunibi nǝmnd biya, cauwamnda shikwa cacuwana cacuwana vak Daadamazhigǝla, kiyava nǝghǝgakanǝghǝg kǝskǝmnd kǝ dǝgitahi vǝlakǝmnd ba gyagyaana.

GAL 3:28

Mbakyarvad kwaha, madlabi taakiya Yahud waha Kǝrdi wah biya, ma zǝra hǝnyaha ma ɛɛv biya, ma uus waha ma ghwalǝv biya, badǝm am ba dǝgit pall ma Kǝristiya.

COL 1:26

Kwan kǝ ǝlbǝgǝn ǝn tagkur naiy na, dǝgit shiɓashiɓan ba sagalan ma zǝrazǝra, aɗaba ndakwana maravtǝrdamarǝg kǝ yaa dadda gata yaazhigǝla.

COL 1:27

Naaga Daadamazhigǝl mara sǝran nǝ uudahan kǝ dyaka hyahǝrǝn ma dǝgan shiɓashiɓan kwa ndanga, kwa fa nǝ iin kiyava lii ar Yahudahǝn biya, dǝgitǝn shiɓashiɓanna, iin Kǝristi kwa dǝ shifǝg ma kǝ uurama, am dǝ fantar ndzǝga ǝmtaɗ dǝ iin ma ndangǝraana.

COL 1:9

Cinngamnda ba nǝmnd kǝ ǝlbǝgna, ghacamnda bi kǝ dzǝgwazhigǝl mbakyarvad kǝ uuram biya, kǝm ba ghala Daadamazhigǝl ma righkurǝt dǝ sǝrgasǝrg ma dabariya ard nǝghgakanǝghǝga.

COL 2:19

Hulfa kwan kǝ uuda, ǝmtsavǝt bi tǝ Kǝristi kwa iin nǝ ghǝr tǝ vǝgh biya. Aɗaba iin wa hǝkya vǝgh baɗǝma kwa matlamatlan dǝ pǝrɗaha, ghubarǝg dlab bandkwa faa nǝ Daadamazhigǝla kiyava ghubarǝga.

COL 3:14

Tǝghǝr kwanahaan baɗǝmma, ɓagamɓag kǝ waiyakǝva, aɗaba waiyakǝv wa matlǝgant kwanahan baɗǝm tǝ dǝgit palla.

COL 4:3

Am dzǝgwan kǝ zhigǝl ɗlab kǝskǝmnda, kwa da wurkǝmndant nǝ Daadamazhigǝl kǝ ɗuul kiyava taa ǝlbǝgaana, kǝm tagtǝr kǝ uudah kǝ ǝlbǝga Kǝristi shiɓashiɓana. Mbakyarvad dǝgitin shiɓashiɓanǝn wa ɓǝlakwaɗǝm nǝ uud ma guda bǝrfǝga.

COL 4:8

Ɓǝlanantɓǝlǝg da vakaruwa aɗaba am sǝran kǝ ndzǝgana lapiyamnda, dlaɓa fǝkurna kǝ ndzǝɗa.