2CO 7:9 - Glavda NT Portion

⁹ Ndakwana ǝn hwaɗaaga , aandzu ba cǝnnganubi kǝmtakǝra kwa badzankurdanai kǝ ǝrvǝdmahuɗ biya, aɗaba badzǝga ǝrvǝdmahuɗaru wa fakura pǝlla ghǝra am ɓadlǝna kǝ hǝnkalaruwa. Badzǝga ǝrvǝdmahuɗaruwa hulfa kwa naag nǝ Daadamazhigǝla, mbakyarvad kwaha ɓagamndkurabi kǝ haip tǝghǝr kǝ dǝgiti ɓagamndkura nǝmnd biya.

2CO 7:9 Iomraidhean Croise

Mata 3:8

Ɓagamɓag kǝ dǝgitahi da mardamarg taaki pǝlamapǝlǝg kǝ ghǝra.

2CO 1:12

Dǝgiti fǝkiiyama kǝ tsa kusghǝgha, aɗaba dzamaghǝramiiyam wa tagkiyamtag taakiya ɓagiyamɓag kǝ ndzǝgan ba cuwaɗaɗ ma duniya bad ǝrvǝdmahuɗ palla, kyambar ndzǝgani kwa ndzamda nǝmnd dǝ kuurama. Ən tagan taakiya ndzǝmnda bad jiira hulfa dǝga Daadamazhigǝla, tǝdvad herǝrra Daadamazhigǝla, kwakyarvad dyǝmdyǝmǝr kwan kǝ duni biya.

2CO 2:16

Kiyava lii tǝ duula ǝmtsǝga, bǝtbǝtna vaka ǝmtsǝga, kwa saa dǝ ǝmtsǝga, kiyava lii tlarkǝnatlǝg kǝ katǝga, bǝtbǝtna iin shifǝga kwa saa dǝ shifǝga. Maay daddakwa dzǝgwantdzuug kǝ ɓa kwan kǝ tlǝr biya.

2CO 7:8

Aandzu ba badzakurdabadzǝg nǝ wakiitar kǝ ǝrvǝdmahuɗa, njikwa biya. Ndza badzanda badzǝg kǝ ǝrvǝdmahuɗa ma sartakwa ndza wura aɗaba sǝranasǝrǝg taaki ndza tapghant tapǝg nǝ wakiitar kǝ ǝrvǝdmahuɗaruwa, aandzu ba dǝga sart ǝnkyǝkwaha.