2CO 5:1 - Glavda NT Portion

¹ Sǝryamasǝrg taakiya akwama dlagavnadlag nǝ tsakwamǝn kwa kiiyam ndzǝga nǝ miiyama mavakaina, kwa iin nǝ vǝghǝghamiiyama dǝga kwan kǝ duniya, ɓagakiymaɓag nǝ Daadamazhigǝl bad ghǝran kǝ hǝnyah ma ghǝrazhigǝla. Kwan kǝ hǝnyaha ndǝra nǝ uud biya, da ndzǝg nǝ iin ba tangw dama zǝrazǝrra.

2CO 5:1 Iomraidhean Croise

Markus 14:58

“Cinngamndacinng tagadatag taakiya, ‘Ən dlagnadlag kǝ vǝgya Daadamazhigǝlǝn kwa ndǝraran nǝ uudaha, ǝn ndǝrant kwatlǝrǝn bamma hǝng hǝkǝrɗa, kwa ndǝrg uud biya.’ ”

1CO 3:9

Adaba kǝm tsahwahaha ɓa tlǝra Daadamazhigǝl nǝmnda, kuurama am guuha Daadamazhigǝla dlaɓa ndǝrgaana.

2CO 4:7

Bakǝvakwaha, kǝmyamǝn kiiyam dǝ kwan kǝ hyahǝra ma gatǝga, kiiyam band tǝfuwa luuwa. Niiyamalmǝg band ǝndkwaha, aɗaba marvǝdan taakiya ndzǝɗi kwa juujig baɗǝmma sal vak Daadamazhigǝla, sal vakamnd biya.

2CO 5:4

Ma sarta kwa kiiyam ndzǝgan nǝ miiyam dǝ vǝgha kwan kǝ duniya, kiiyam ngiiga mbakyarvad dlaɗa kwa kiiyam huɓǝg nǝ miiyama. Kwakyarvad kiiyam na tagguva dǝ vǝgha kwan kǝ duni biya, ma naaga miiyama ma kiiyama tlǝkǝna kǝ sǝɗav kwa dǝga ghǝrazhigǝla, aɗaba dǝgit dǝ shifǝga tangw dama zǝrzzǝrra gwiighantgwiig kǝ dǝga ǝmtsǝga baɗǝmma.

COL 2:11

Ɓagakura ma iin dlaɓ nǝ uud kǝ aguvaca, hulfa aguvacǝn ɓag nǝ uud dǝ dǝv biya. Sakurdasǝg nǝ uud sagal ma haipaharu kwa naag nǝ vǝgh baɗǝmm, ma sarta kwa ɓagakura nǝ Kǝristi kǝ aguvaca.