2CO 4:5 - Glavda NT Portion

⁵ Mbakyarvad kǝm taa ǝlbǝg marawa ghǝramnd biya, bamma dǝga Yesu Tlǝkatǝga, taakiya iin Yaazhǝgǝla, kǝm band kwatǝnaharu nǝmnd mbakyarvad Yesu.

2CO 4:5 Iomraidhean Croise

Mata 23:8

Aiciya, aa ɗaakur bi nǝ uud dǝ ‘Dadda Tsaga Dǝgiti’ biya, aɗaba Dadda Tsagkur Dǝgit ba palla, am ba zaraabah baɗǝmma.

Mata 3:11

“Ən ɓagkur dǝ yu nai kǝ tsuufǝg kiyava mara taaki pǝlamapǝlǝg kǝ ghǝra, mǝng nǝ dadda kwa jakwaraajig dǝ ndanngǝr da sagau tǝ halara, tlanalbi nai aandzu kǝ kǝssa kimbakaan biya. Da ɓagkur dǝ Shǝɗkwa Daadamazhigǝla, ard kaar nǝ iin kǝ tsuufǝga.

1CO 1:23

Kǝm taa ǝlbǝg marawa tlǝkatǝga kwa ǝmtsan tǝ tlaɓa hǝrtǝga kwa nal kǝ ɗuula mbǝɗǝg kǝ yahudaha, ɗlaba dǝga dlagǝr vak lii ar yahudah biya.

1CO 10:33

Ɓagamɓag band kwa ǝn ɓag naiya. Ən ɓa kǝla ndzǝɗar ma ciinguu aandzu ma ba war kǝmtakǝr dǝgitahi ǝn ɓag naiy baɗǝmma, kwakyarvad ghǝrar pal wan ɓag naiy biya,ǝn ɓag kwakyarvad uudah ba dyǝkka, aɗaba maraa tlǝkǝna kǝ katǝgga.

1CO 12:3

Aɗabad kwaha ǝn naagan am nǝghakan taakiya, maay nǝ daddakwa shǝdkwa Daadamazhigǝl wa ɓatlǝr dǝ iin da taakiya,“Tlafatlafan nǝ Yesu biya,!” dlaɓa maay nǝ wada tagdatag taakiya,“Yesu Yaazhǝgǝl nǝ iin biya,” bamma daddakwa shǝdkwa cacuwana cacuwanan wa ɓa tlǝr dǝ iina.

1CO 15:47

Uuda zǝnngwa ndǝrava dǝ haaya, sal ma haaya. Dǝga buwa sahi ma ghǝrazhigǝla.

1CO 2:2

Adaba nguɗanant nguɗǝg ma ǝrvǝdmahudɗar taakiya, ma sartǝn ǝn da ndzǝga nai ǝmtad dǝ kuuramna, ǝn da maay tsagkur aandzu ndau biya, ba ǝlbǝg tǝghǝr kǝ yesu tlǝkatǝga,kwa hǝrtavǝt hǝrtǝga.

1CO 4:15

Aandzu am bad lii tsaga dǝgit ma tlǝkatǝga kwa kǝdlǝvtǝrnabiya, am maay dǝ daadah dyak biya. Ba jijia nanalnǝg nai kǝ daad kǝskuuram ma tlǝkatǝga yesu tǝdvad lang kurda ǝlbǝg marawa.

1CO 8:6

Bakǝvakwaha, ba pal nǝ Daadamazhigǝl kǝskǝmnda. Kwa iin Daadamazhigǝla Daada kwa baɗǝm nǝ dǝgitah dzǝghar ba vakaana, Kwa kiyam ndzǝgan nǝ miyam kwakyarvad iina, Yaazhǝgǝl ba palla, iin yesu tlǝkatǝga, kwa baɗǝm nǝ dǝgitaha dzǝghar tǝdvad iina, dlaɓa kiyam ndzǝgan tǝdvad iina.

2CO 1:19

Mbakyarvad Zǝra Daadamazhigǝla Yesu Tlǝkatǝga, wa tagan naiya ard Sila ard Timoti kǝ ǝlbǝg maraw tǝghǝra, dǝga taaki “Aana”ard “Aa” biya, ba kǝlahǝnga ba “Aana”.

2CO 1:24

Kwakyarvad kǝm naa markuura ndzǝɗ tǝghǝr kǝ fadghǝraru biya, maaya, kiyam ɓaa ba tlǝr ǝmtaɗa, kiyava hwaɗag kǝskuurama, mbakyarvad am ghacan bad ndzǝɗ ma fadghǝraruwa.

GAL 5:13

Zaraabaha, ɗahakurantɗahǝg nǝ uud kiyava kwaraghǝra. Famfǝg kǝ kyǝmiya analbi nǝ kwaraghǝraru kǝ dǝga ɓa dǝgiti naag nǝ vǝgh biya. Dlakulvakwaha ɓagamɓag kǝ tlǝr dǝ kwaraghǝraru am waigan kǝ zaraabaharuwa.