2CO 4:2 - Glavda NT Portion

² Maay lambamnd dǝ shǝɓa hulfa dǝga muuniya kwa saa dǝ dǝga tsa zhǝru biya. Maay lambamnd dǝ valuuda ma taa fiid dǝ ǝlbǝga Daadamazhigǝl biya. Kǝm taa ba jiir nǝmnda bat ɓalaɓala. Da ɓag ǝndkwah nǝ uudah kǝ shiida jiirjir kwa ɓagamnda nǝmnd tǝ vuuka Daadamazhigǝl ma ǝrvǝdmauɗaana.

2CO 4:2 Iomraidhean Croise

1CO 4:5

Mbakyarvad kwaha ghudamarbi kǝ shari kǝ uud ma ɓagabi nǝ sart biya, pakamant pakǝga bamma sǝghawisǝg nǝ yaazhǝgǝla. Iin wada marda dǝgitahi shǝɓashǝɓan kwa ma gurtla, da tagdan dlaɓ kǝ dǝgiti tlatlǝg nǝ ǝrvǝdmahuɗuudaha, tǝhalakwah wada caug aandzu ma ba war kǝ kalkala dǝgshǝgaan vak Daadamazhigǝla.

2CO 1:12

Dǝgiti fǝkiiyama kǝ tsa kusghǝgha, aɗaba dzamaghǝramiiyam wa tagkiyamtag taakiya ɓagiyamɓag kǝ ndzǝgan ba cuwaɗaɗ ma duniya bad ǝrvǝdmahuɗ palla, kyambar ndzǝgani kwa ndzamda nǝmnd dǝ kuurama. Ən tagan taakiya ndzǝmnda bad jiira hulfa dǝga Daadamazhigǝla, tǝdvad herǝrra Daadamazhigǝla, kwakyarvad dyǝmdyǝmǝr kwan kǝ duni biya.

2CO 11:3

Ən gǝdzǝg naiya aa nalbi band kwa dzǝghaar dǝ Hauwa, da dzaar dǝ kuuram biya. Valadavalǝg nǝ ghavala bad dyǝmdyǝmǝraana ɓagaɓag kǝ haipa. Am band kwah nǝ uurama, nǝgalnǝg nǝ dzamaghǝraru kǝ dǝga jiirǝr biya, tǝdvad kwaha, am vǝldabi kǝ ghǝraru bak jiirjiir kǝ Tlǝkatǝg biya.

2CO 11:6

Aandzu ba tsaghwad bi nǝ uud kǝ taaghai biya, bakǝvakwah ǝn sǝrgasǝrǝg kǝ dǝgita. Maramndkurdamarg nǝmd kwan aandzu tǝ kwar kǝ ɗuula.

2CO 2:17

Aɗaba kǝmnda kǝm band kyalma uudah biya, kwar taa ǝlbǝg marawa Daadamazhigǝl kiyava tlǝkǝna riibatǝra. Aɗaba aa ɓǝlkǝmdǝt nǝ Daadamazhigǝl kǝskǝmnda, kǝm taa ba jirjir tǝvuukwana, kwakyarvad kǝm lii ɓa tlǝra Tlǝkatǝga.

2CO 5:11

Kiiyam sǝrgasǝrg tsau kǝ dǝgiti tagav dǝ gǝdza Daadamazhigǝla, iin wa kǝm ɓa kǝlaa ndzǝɗamnda ma kǝma sǝdaa kǝ kyalmaha. Sǝrgasǝrǝg nǝ Daadamazhigǝl kǝ ndzǝgana miiyan baɗǝmma, mandlǝg naiya am sǝrgasǝrǝg kǝ kwan ma ǝrvǝdmahuɗaruwa.

2CO 6:8

Fakǝmndarafǝg nǝ uuda, dlaɓa vǝlakǝmnd vǝlǝg nǝ uud kǝ dlaɗa, dlǝbakǝmdǝt dlǝbǝg nǝ uuda, dlaɓa bazdakǝmnda badzǝg nǝ uud kǝ ɗaaga. Nakǝmdadalnǝg nǝ uud kǝ lii taa fiida, bakǝvakwaha kǝm taa ba jiir nǝmnda.

2CO 7:14

Aandzu ba taganartag nai taakiya ǝn tsa kushǝg dǝ kuurama, da nǝmbi damma zhǝru biya. Band kwa tagamndkurnǝmnd kǝ dǝgitah baɗǝm bak jiijiira, bandkwah dlaɓ tsa kushǝghamnd dǝ kuurama nalnǝg bak jiirjiir tǝvuukwa Titusa.