2CO 2:3 - Glavda NT Portion

³ Kwa viindankura nai kǝ kwah kǝ wakiita, aɗaba iin naiya taakiya akwama danǝvdǝga ǝn tlara kǝ uudahi kwa dlayatǝr kǝ fǝgwa hwaɗaga, ar da badzǝwadan kǝ ǝrvǝdmahuɗ biya. Aɗaba fandǝghǝrtfǝg naiy taakiya, akwama ǝn da hwaɗaga naiya, baɗǝmmaru ndakwani am da hwaɗaga.

2CO 2:3 Iomraidhean Croise

1CO 4:21

Aitsa, auwama kǝsgaka nǝ uurami,ǝn dagau davakaru dǝ kiiɓni, nii ǝn markurda kǝ wayakǝvǝrhi?

2CO 1:15

Mbakyarvad haiyananthaig naiy kwana, iin wa nahan naiy kǝ sagau da vakaru ba zǝngwa, aɗaba am tlǝkǝna kǝ bark shig buwa.

2CO 1:23

Ba Daadamazhigǝl nǝ shidara, akwama fiid wan tag nai taakiya kwa gwiiya na bi nai dagal dama korinti biya, mbakyarvad aa gwiiya fankuraabi kǝ dlaɗ biya.

2CO 12:11

Ɓaganaɓag kǝ dlagǝra, famwaba nǝ uurama. Ma kuuram wa kalkalan kǝ dlǝba kaiya. Aandzu ba tlanal ndau biya, nal bi taaki “mallaha dlakulva gyiya Yesu ruwa” jarkwaraa biya.

2CO 12:21

Ən gǝdza taakiya akwama da gwiiyanagwiig da vakaruwa, da fǝgwafǝg nǝ Daadamazhǝgǝlar kǝ cinnga zhǝruwa tǝ vuukwaruwa. Ən gǝdza haik badza ǝrvǝdmahuɗ kǝskai mbakyarvad uudah ba dyǝkka kwa ndzar ɓa ba haip wura, lii pǝlarabi kǝ ghǝr vaka ɓa gwaragwar biya, ard ɓa fǝdǝra ard gata duula cǝnga ǝmtakǝra dǝga tsa zhǝruwa.

2CO 13:10

Iin wa viindankura nai kǝ kwana aandzu ban maay ǝmtaɗ dǝ kǝ uuram biya, aɗaba akwama sanǝvsǝga, aa da nal bi kǝ barari kǝskai ǝn da vǝlkur kǝ dlaɗ dǝ mara ndzǝɗǝn kwa vǝlghwa nǝ Yaazhǝgǝla, ndzǝɗa fǝgaraadǝfǝga, dǝga badzǝg dǝ badzǝg biya.

2CO 2:9

Na viindkura kwan kǝ wakiita mbakyarvad ǝn fǝsha kuurama, aɗaba ǝn sǝran mbatak am da gatǝgaan kǝ ǝlbǝgi tagankur ba kǝlahǝnga.

2CO 7:12

Ma sarta kwa viindananai kǝ kwah kǝ wakita, ndza maay lambar dǝ uudi kwa ɓaga haip biya, aandzu ma daddakwa ɓagǝvara nǝ haipa. Dlakulvan wana viindkuranai kiyava markurdan ba da palla pal taaakiya sǝrgasǝrg nǝ Daadamazhigǝl haiyamanthaig dǝ kǝmnda ba vaivaiya.

2CO 7:16

Ən hwaɗag ndakwana mbakyarvad haiyananthaig dǝ kuurama bak jiirjiira.

2CO 7:6

Daadamazhǝgǝli kwa fǝgara ndzǝɗ kǝ daddakwa gǝdzǝga, fakǝmndafǝg kǝ nzdǝɗ dǝ sagauwa Titusa.

2CO 7:8

Aandzu ba badzakurdabadzǝg nǝ wakiitar kǝ ǝrvǝdmahuɗa, njikwa biya. Ndza badzanda badzǝg kǝ ǝrvǝdmahuɗa ma sartakwa ndza wura aɗaba sǝranasǝrǝg taaki ndza tapghant tapǝg nǝ wakiitar kǝ ǝrvǝdmahuɗaruwa, aandzu ba dǝga sart ǝnkyǝkwaha.

2CO 8:22

Ɓǝlamndantɓǝlǝg kǝ zǝrabamiiyam ǝmtaɗ dǝ iitǝra, kwa shǝg ba dyǝk kǝm ba fishǝgaana dlaɓa famndǝghǝrtfǝg dǝ iin tǝghǝr kǝ dǝgitah shah-shaha. Ndawana gwiiya fǝgharafǝg kǝ mǝlkurumǝlǝg mbakyarvad haiyakurǝrhaig dǝ kuurama.

GAL 5:10

Mbakyarvad hweɗa miyam ma Kristiya, fandghǝrfǝg naiy taakiya am maay gata kwatlǝrn kǝ ǝlbǝg shah dǝ dǝgar biya. Daddakwa na ciya hǝnkalaruwa da vǝlvarvǝlǝg nǝ dlaɗa, aandzu ba war nǝ iina.