2CO 13:4 - Glavda NT Portion

⁴ Aandzu ba hǝrtavǝthǝrtǝg nǝ Yesu tǝdvad mara ndzǝɗa, bakǝvakwaha dǝ shifǝg nǝ iin tǝdvad ndzǝɗa Daadamazhigǝla. Aandzu ba kiyam maira ndzǝɗ nǝ miiyam ma Yesu, bakǝvakwaha kiyam dǝ shifǝg ma Yesu tǝdvad ndzǝɗa Daadamazhigǝla mbakyarvad tlǝrǝn ɓagamnd nǝmnd ma kuurama.

2CO 13:4 Iomraidhean Croise

1CO 1:25

Adaɓa dǝgiti ma zharga nǝ uud mandki dlagǝr wa ɓaga nǝ Daadamazhigǝla, juujig kǝ dabariya uuda, dǝgiti ma tlatlǝg nǝ uud hǝtsalhǝtsǝg nǝ Daadamazhigǝla juujig nǝ iin kǝ ndzǝɗ uud baɗǝmma,

1CO 15:43

Riivariig nǝ iin bamma dlaɗa, ciivantciig ma ndangǝra, riivariig ma maira ndzǝɗa ciivantciig dlaɓ ma ndzǝɗǝra.

1CO 2:3

Sagawar ba zǝngw da vakaruuwa ǝn maay ndzǝd biya, tǝg nǝ vǝghara mbakyavad ɗlaɗlawura.

1CO 6:14

Ciighant ciig nǝ Daadamazhigǝl kǝ Yaazhǝgǝl ma gǝtlaha, bandkwah dlaɓ nǝ miiyama da ciikiyamciig nǝ uud tǝdvad ndzǝɗaana.

2CO 10:10

Aɗaba tagav taakiya,“Wakiitaha Bulusa ba dladlaɗana ard ndzǝɗa, akwama ba iin dǝ ghǝran wa vakamiiyama, maay nǝ iin taaghai dǝ ndzǝɗ biya, dlaɓa ǝlbǝgahaana tlalbi kǝ dǝgiti biya.”

2CO 12:10

Mbakyarvad kwaha nǝghǝghanakanǝghǝg dǝ hǝtsǝgalhǝtsǝgara, ard zaa hǝtǝr ma vǝga kwa ɓaghwi nǝ uuda, ard huɓa dlaɗa, ard mbahǝlla, ard dǝgitahi dzaghardzag mbakyarvad Tlǝkatǝga. Aɗaba akwma hǝtsanalhǝtsǝga, ǝn da tlǝkǝna ma sartakwah nai kǝ ndzǝɗa.

2CO 13:9

Kǝm hwaɗag nǝmnda akwama hǝtsamndalhǝtsǝga, aɗaba am tlǝkǝna nǝ uuram kǝ ndzǝɗa. Ɗlaɓa kǝm dzǝgwazhǝgǝl am nal ba kǝ uudah jiirjiira.