2CO 11:1 - Glavda NT Portion

¹ Am da fa ba ǝrvǝdmahuɗ dǝ kaiya, aandzu ba mǝng zǝr dlaghǝr vakara. Famafǝg kǝ ǝrvidmahuɗ dǝ kaiya!

2CO 11:1 Iomraidhean Croise

Mata 17:17

Kaa ngugarangug nǝ Yesu amaa, “Kuram uudaha zamanna, am maay dǝ fadghǝr biya, am ɓa kǝlaadǝra, ǝn da zǝlma ǝmkyangar nai dǝ kurami? Ən da zǝlma ǝmkyangar nai ɓǝshkur kwanahaani? Ayakam kǝ zǝriin sa vaakwana.”

1CO 1:21

Aɗaba ma tag nǝ dabariya Daadamazhigǝla, uudaha duniya ar sǝrgai kǝ Daadamazhigǝl tǝdvad dabariya biya. Dlakulvakwaha, dzǝghakakadzǝrg nǝ Daadamazhigǝl kǝ lii da katǝg nǝ iin kwa fardǝghǝrtfǝg tǝ iin tǝdvad taa ǝlbǝg marawa kwa ma zharg nǝ uud maay nǝ tlǝrani.

1CO 3:18

Aa valdabi nǝ uudan kǝ ghǝrani, akwama tlǝtlǝgaan nǝ uudan ma ghǝran taaki dadda dabari nǝ iin hulkwa dǝvakai nǝ duniya, aa nǝdal nǝg kǝ ghǝran band dlaga mbakyarvad nal kǝ dadda dyǝmdyǝma.

1CO 4:10

Namdalnǝg kǝ ɗlag mbakyavad tlǝkatǝga, bakǝvakwaha am dǝ dabari nǝ uuram ma tlǝkatǝga! kǝm maay dǝ ndzǝɗ nǝmnd biya kuurama am dǝ ndzǝɗa! fa zhiruw nǝ uud tǝ kuurama, vǝlkǝmnd dlaɗ nǝ uuda!

1CO 4:8

Auwa agha dǝvakai nǝng kwa Daadamazhigǝl bi wa vǝlakakvǝlǝg biyi? Akwama bandkwah citsa,aujilbǝg agha naa ghǝr mandki aa vǝlǝk gyagyanbi nǝ uudti?

2CO 11:19

Am ba dyǝmdyǝm nǝ uuram ba vaivaiya, baz hwaɗag kǝskuurama am ɓǝsha dǝgiti ɓagkur nǝ dlaagaha!

2CO 11:21

Ən cinnga zhǝruw nai kǝ taaki mbakyarvad maira ndzǝɗamnd wa ɓagamnda bi kǝ kwanahaan kǝ dǝgitah biya! Akwama mǝng nǝ daddakwa fa ndzǝɗa tsa kushǝgh dǝ dǝgiti tlǝrna, ba kai ndakwana ǝn fǝgaan kǝ ndzǝɗ bandkwaha. Ən tag band dlag naiy kǝ ghaiya vakwana!

2CO 11:4

Aɗaba am haigant ba wats dǝ lii sǝgǝv da vakaruwa. Haiyamanthaig dǝ ǝlbǝgahi ar tagkur nǝ iitǝr tǝghǝr kǝ Yesu, aandzu ba shah dǝ kwa tsagamndkuuru nǝmnda kǝ ǝlbǝg marawana. Haiyamanthaig dlaɓ dǝ hulfa shǝdkwi tagarkur nǝ iitǝra, bakǝvakwaha kwan kǝ shǝdkwa shiɗkwa cacuwanacacuwan bi wa caawama nǝ uur biya. Haiyamanthaig dlaɓ dǝ hulfa ǝlbǝg marawatǝra, aandzu ba shah dǝ kwa caawama nǝ uuram vakamnda.

2CO 12:11

Ɓaganaɓag kǝ dlagǝra, famwaba nǝ uurama. Ma kuuram wa kalkalan kǝ dlǝba kaiya. Aandzu ba tlanal ndau biya, nal bi taaki “mallaha dlakulva gyiya Yesu ruwa” jarkwaraa biya.

2CO 5:13

Kǝm valaagah nǝmnd band nkwa taag nǝ kyalmaha? Aandzun kǝm ba valaaga, kǝm valaag mbakyarvad ndangǝra Daadamazhigǝla. Akwama kǝm valaag bi nǝmnd biya, ba kwa vakaru ci waha.