2CO 10:1 - Glavda NT Portion

¹ Ba kai Bulus dǝ ghǝrara , ǝn ghalakurama, kwa ɗaakwa nǝ uud, “Daddakwa dǝ hǝnkala” akwaman ǝmtaɗ dǝ kuurama, akwama ǝn maay ǝmtaɗ dǝ kuuram biya “Ən daddakwa mbǝgar kǝ uuda” ma barka kalaliya ard hǝnkala Tlǝkatǝga,

2CO 10:1 Iomraidhean Croise

Mata 11:29

Cinngamcinng kǝ dǝgiti ǝn tagkur naiya, bandkwa bǝlvar nǝ zuuki ma kungy kǝ kawa uusǝga, am tsagaan dlaɓa vakara. Aɗaba kaiya ǝn kalaliya ǝn maay naaghǝr biya, dlaɓa am tlǝknatlǝg kǝ gabǝr ma ǝrviɗmahuɗaharuwa.

Mata 21:5

“Tagamtǝrtag kǝ uudaha Wurshalima, ‘Wayam nǝ tlǝksaru da vakaaruwa, kalaaliya uuda nǝ iina, dagal tǝ aghyunngwa, zǝra aghyunngw wa dagal nǝ iin tǝ vakaiya.’ ”

1CO 2:3

Sagawar ba zǝngw da vakaruuwa ǝn maay ndzǝd biya, tǝg nǝ vǝghara mbakyavad ɗlaɗlawura.

1CO 4:10

Namdalnǝg kǝ ɗlag mbakyavad tlǝkatǝga, bakǝvakwaha am dǝ dabari nǝ uuram ma tlǝkatǝga! kǝm maay dǝ ndzǝɗ nǝmnd biya kuurama am dǝ ndzǝɗa! fa zhiruw nǝ uud tǝ kuurama, vǝlkǝmnd dlaɗ nǝ uuda!

1CO 4:21

Aitsa, auwama kǝsgaka nǝ uurami,ǝn dagau davakaru dǝ kiiɓni, nii ǝn markurda kǝ wayakǝvǝrhi?

2CO 10:10

Aɗaba tagav taakiya,“Wakiitaha Bulusa ba dladlaɗana ard ndzǝɗa, akwama ba iin dǝ ghǝran wa vakamiiyama, maay nǝ iin taaghai dǝ ndzǝɗ biya, dlaɓa ǝlbǝgahaana tlalbi kǝ dǝgiti biya.”

2CO 10:2

Ən ghalakuurama, famwabi ǝn mbukurǝs akwama da danǝvdǝg da vakaru biya, aɗaba ǝn sǝrgasǝrǝg ǝn da mbǝtǝrasmbǝg kǝ lii taaki dǝgiti kǝm ɓag nǝmnda, ba dǝga duniya.

2CO 10:7

Zharamzharǝg kǝ dǝgit bat ɓalaɓala! akwama tagaatag nǝ uudan taaki dǝga tlǝkatǝg nǝ iina, aa gwiiya dzamǝg nǝ uudanǝn kǝ ghǝra, da nǝghǝgakanǝghǝg nǝ iin taakiya ba kǝmnd ndakwani kǝm dǝga tlǝkatǝga.

2CO 11:21

Ən cinnga zhǝruw nai kǝ taaki mbakyarvad maira ndzǝɗamnd wa ɓagamnda bi kǝ kwanahaan kǝ dǝgitah biya! Akwama mǝng nǝ daddakwa fa ndzǝɗa tsa kushǝgh dǝ dǝgiti tlǝrna, ba kai ndakwana ǝn fǝgaan kǝ ndzǝɗ bandkwaha. Ən tag band dlag naiy kǝ ghaiya vakwana!

2CO 11:30

Akwama nalnǝg ba jiirjir kǝskai tsakushǝgha, ǝn tsakushǝgh dǝ dǝgitahi kwa mara hǝtsǝgalhǝtsǝgara.

2CO 12:5

Ən tsǝgan nai kǝ kushǝgh dǝ uudana, ǝn tsǝgabi kǝ kushǝgh dǝ ghǝrar biya, bamma tǝghǝr kǝ dǝgitahi kwa mara hǝtsǝgalhǝtsǝgara.

2CO 3:12

Mbakyarvad kiiyam mǝng dǝ hulfa kwan kǝ fantaara, iin wa kiyam mǝng dǝ ndzǝd ba vaivaiya.

2CO 5:20

Mbakyarvadkwaha kǝm dlakulva gyiya tlǝkatǝg nǝmnda, mandki ba Daadamazhigǝl dǝ ghǝraan wa taaghai tǝdvad kǝmnda. Ma ɗaaga Tlǝkatǝga, kǝm ghaala kuurama ɓadlamvaɓadlǝg dǝ Daadamazhigǝla am nal kǝ tsaghwahaana, lii ɓa tlǝghum dǝ iin biya.

2CO 6:1

Ma huɗa tlǝri ɓagamnd nǝmnd ǝmtaɗ dǝ Daadamazhigǝla, kǝm ghalakuuramǝn tlamkǝnatlǝg kǝ herǝrra Daadamazhǝgǝlna, duuwamarsbi nal ba gyagyan biya.

2CO 7:4

Haiyankurǝthaig ba vaivaiya, ǝn tsa kushǝgh dlaɓ dǝ kuurama. Ərvidmahuɗara ba panahnah ba vaivaiya. Aandzu ba kǝm huɓa dlaɗa, ǝrvǝdmahuɗara ba dzaiya.

GAL 4:13

Am sǝrgasǝrǝg taakiya yang biyin ɓagana naina, iin wa wurghwant ɗuua lankur ǝlbǝg maraw ba zǝngwa.

GAL 5:2

Aiciya, cinngamcinnga, kai Bulus wa tagkur kwana, akwama haiyamanthaig ɓagkuraa nǝ uud kǝ aguvaca, mbats maay nǝ tlǝra Kristi vakaru biya.

COL 1:23

Akwama am zaa ba vuuk dǝ fadghǝraruwa, am ghaca ba tǝ vakaiya, ɗuuwamar bi kǝ fantara kwam dǝvakai nǝ uuram kwa cinngam ma ǝlbǝg marawǝn biya. Kwan kǝ ǝlbǝga maraw kwa tagavtǝr aanji kwar kǝ dǝgitahi vǝrɗyava ma miizhangǝl kǝ ghǝrazhigǝla, kai Bulus wa nanal kǝ dadda ɓa tlǝra.