1CO 13:2 - Glavda NT Portion

² Aandzu ba mana sǝrgasǝrg kǝ taa tlayangǝra, ǝn nǝghaakan kǝ dǝgitah shiɓashiɓan baɗǝmma, dlaɓa ǝn mǝng dǝ dyǝmdyǝma baɗǝmma, ard fadǝghǝr ba vaivaiya, kwan da gantgǝg kǝ aghwa, akwama ǝn maay dǝ wayaikǝvǝr biya, maay nǝ dǝgiti ǝn tuuk vakai naiy biya.

1CO 13:2 Iomraidhean Croise

Mata 13:11

Kaa ngutǝraangug kǝ Yesu, amaa, “Haiyakuranthaig nǝ uud am sǝra kǝ dǝgiti shǝɓashǝɓan ma tlǝkǝsǝra Daadamazhigǝla, kiyava iitǝra vǝlavtǝr biya.

Mata 17:20

Aiyam nǝ Yesu taa kǝ iitǝra, “Kwakyarvad hǝtsalhǝtsǝg nǝ fadghǝraruwa, ǝn tagkurtag kǝ jiira, akwamaa mǝng nǝ fadghǝraru ba hǝɗikǝn band zǝra mastada, mammaa tagardatag kǝ aghwǝn taakiya, ‘Ciig vaakwana, dǝg da vaakwaha,’ maa ciiga. Maa maay nǝ dǝgiti pilkurvaapilǝg biya.

Mata 21:19

Nǝghgha ba nǝ Yesu kǝ uufa ghǝgyiv tǝ ghaiya ɗuula, kaa dagau kǝ iin da tǝvǝgh kǝ uufina, tlakǝna bi aandzu dau tǝvakai biya, ba hyǝmiya. Amaa taa kǝ uufiina, “Ba dǝm agha maadlai gwiya ya zǝr biya.” Tǝhala kwaha kaa ghulǝg kǝ uufiina.

Mata 21:21

Kaa ngutǝrang kǝ Yesu, amaa, “Bak jiir wan tagkurtaga, akwamamma mǝng dǝ fadghǝra, dlaɓa am maay ɓaa ndaundau biya, mammaa ɓagaɓag kwa juujigg kǝ dǝgiti na ɓagara nai kǝ uuffa ghǝgyivna, am tagardatag dlaɓ kǝ aghwǝn taakiya, ‘Ciig vaakwana dǝg damma yuwa haiya,’ maa ciiga.

1CO 11:4

Baɗǝm nǝ ghwalvi dzǝgwazhǝgǝl ma ɓa dǝga jappǝra mbuusambuusan ghǝraana fǝgharabi kǝ maalan biya.

1CO 12:28

Ma huɗa dlamakǝlaaa lii gatǝg Yesu, faafǝg nǝ Daadamazhigǝl kǝ lii ɓagar tlǝr kǝ Yesu kǝ dǝga zuungwa, dǝga buwa tlayanngaha, dǝga hǝkǝrɗa lii tsaga dǝgita, ka lii ɓa dǝgaha jappǝra, ka lii vǝlavtǝr vǝlga mbahuudaha, ard lii mǝlgaru kǝ uudaha, ard lii fakyǝmi tǝ tlǝra lii gatǝga, ard lii sǝrga taa ghaiyah shah shaha.

1CO 13:1

Aandzu ba mana sǝrgasǝrg kǝ taa ghaiya uudaha shah shaha ard dǝga zǝrɓǝlgaha Daadamazhigǝla, akwama ǝn maay dǝ wayakǝvǝr biya, nanalnǝg band talenlenga kwa tlaav ba gyaagyanna, aandzu gangga kwa tlaav ba dyǝk dyǝkka,

1CO 13:3

Aandzu ma vǝlandavǝlǝg kǝ dǝgiti ǝn dǝvakai nai baɗǝmma, ǝn vǝldan dlaɓ kǝ vǝghara hǝvara kaara, akwama ban maay dǝ wayakǝvǝr biya, ǝn maay dǝ dǝkshiga aandzu ndaw biya.

1CO 13:8

Maay ghyǝnng nǝ waiyakǝvǝra ba tangw dama zǝrazǝr biya, taa tlayanngǝra da dagal zamanana, taa ghayah dlaɓa zǝgga, dyǝmdyǝmǝra da ghyǝnnga.

1CO 14:29

Lii taa tlayanngǝra, aa tagartag ba nǝ uud buwa ma hǝkǝrɗ kǝ ǝlbǝga. Kyalmaha ar tsǝgwa hyǝmiya dǝgiti tagava.

1CO 14:39

Mbakyarvad kwaha zaraabahaara, nahamnahǝg kǝ taa ǝlbǝga Daadamazhigǝla, tsamarǝvbi dlaɓ kǝ uud kǝ taa ghaiy dǝ kwatlǝr kǝ ghaiyah biya.

1CO 14:4

Daddakwa taa ghai shahshaha mǝlgaru bak kǝ ghǝraana, aɗaba daddakwa taa tlayanngǝra mǝltǝru kǝ dlamakǝlaaa lii gatǝga.

1CO 15:51

Ciinngamciinga, ǝn tagkurtag kǝ dǝgiti shiɓashiɓana! kiyam da baɗǝm ǝmtsǝg biya, aiciya da gwiiyav nǝ garava miiyam baɗǝmma,

1CO 16:22

Baɗǝm nǝ daddakwa maay waiya Yaazhǝgǝl biya tlafatlafana. Aseg, Yaazhǝgǝla!

1CO 4:1

Da sǝrkǝmnda ka ǝnkwan nǝ uud kǝm lii ɓatlǝra yaazhǝgǝla, kwavǝlatǝr nǝ Daadamazhigǝl kǝ langyi sǝrga jiirahan kwa shiɓashiɓanna,

1CO 7:19

Ɓagaɓagan nǝ aghuvaca, ɓagabi nǝ aghuvacbiya,maay nǝ dǝgiti tuukvakai nǝ iini, tsufa adzahadzaha Daadamazhigǝl wa marawa.

1CO 8:4

Aiciya, tǝghǝr kǝ zaa dǝg zǝgi kwa vǝlvar kǝ ghǝlla, kiyam sǝrgasǝrg taakiya, baɗǝm ma duuniya , maay nǝ dǝgita tuukvakai nǝ ghǝllah biya, dlaɓa kiyam taakiya Daddamazhigǝl ba palla, maay nǝ watlǝrn biya.

2CO 12:11

Ɓaganaɓag kǝ dlagǝra, famwaba nǝ uurama. Ma kuuram wa kalkalan kǝ dlǝba kaiya. Aandzu ba tlanal ndau biya, nal bi taaki “mallaha dlakulva gyiya Yesu ruwa” jarkwaraa biya.

GAL 5:16

Naagara, ɓagamɓag kǝ ndzǝgani naag nǝ Shiɗkwa Daadamazhigǝla. Akwama ɓagamaɓag ǝndkwana, am maay gata ndzǝgana vǝgh biya.

GAL 5:22

Dǝgiti vǝlǝg nǝ Shiɗkwa Daadamazhigǝla iin nǝ waiyakǝva, ard panahnaha ǝrviɗmahuɗa, ard gabǝrǝra, ard fa ǝrviɗmahuɗa, ard jiira,

GAL 6:3

Akwama tlatlǝgan nǝ uudan taakiya mǝng nǝ dǝgit tuuk vakai nǝ iina, mbats maay nǝ dǝgiti tuuk vakai nǝ iin biya, valaba ghǝraana.

COL 1:26

Kwan kǝ ǝlbǝgǝn ǝn tagkur naiy na, dǝgit shiɓashiɓan ba sagalan ma zǝrazǝra, aɗaba ndakwana maravtǝrdamarǝg kǝ yaa dadda gata yaazhigǝla.