তীতনা 3:7 - Garo New Testament

⁷ জেদাক্কে আনচিং ফাংনাজলনি জাংগিনি খা·দংআখো মা·ন্নে ইসলনি গিম্মিকখো মান·রিকগিবা হং·আ। ইন্দাকে হং·না মান·জক, মুয়ানা ইসলনি খা·সাচাক্কাচা আনচিংখো দোসগ্রি দাক্কে রা·চাকজক।

তীতনা 3:7 Iomraidhean Croise

মথিনি চকগিবা নাম্মা খাৎথা 25:34

“উনি জা·মানো রাজা আন·থাংনি জাক্রাচা দংগিবা মান্দিরাংনা আগান্নুয়া, ‘না·সং জেরাং আংনি ফানি ফাত্তিয়াখো মান·জক, রি·বাবো। হা·গিলসাক হা·বাচেংওনি না·সংনা দাকসোগিবা সংনকখো মান·রিকবো।

মার্ক 10:17

যীশু দা·আবা রামাচানা হং·খাতবাও সাকসা মান্দি খাতবায়ে বিচা রি·বাজক আরো বিনি মিকখাংও জা·স্খু দে·ম্মে আগানজক, ‘‘ও স্খিগিবা, না·আ সাকসা নাম্মা মান্দি। আংনা আগানবো, ফাংনাজলনি জাংগিখো মান·রিকনা আংআ মুয়াখো দাকনুয়া?’’

রোমানরাংনা 11:6

ইসল খা·সাচাক্কেন বাচ্ছিয়ে দন্নোদে উয়া মামুং কামনি বিথি হং·জাসা। ইন্দাকেন হং·ওদে খা·সাচাক্কা চং·মত খা·সাচাক্কা হং·জানুয়ামিং।

রোমানরাংনা 3:24

ইন্দিবা খ্রীষ্ট যীশু পাপনিখো মান্দিখো জক্কেৎনা দাকচাকজক আরো উয়া জক্কেতাচান খা·সাচাক্কানি হ·ন্না গিত্তা বিবিরা·গিবারাংখো দোসগ্রি ইন্নে রা·চাকা।

রোমানরাংনা 3:28

মুয়ানা আনচিং হা·আইয়া, ইসল মান্দিখো বিনি বিবিরা·আনি হা·সেলো দোসগ্রি ইন্নে রা·চাকা, নিয়ামখো মানিয়ানাদে হং·জা।

রোমানরাংনা 4:16

উনি গিম্মিন মান্দিনি বিবিরা·আ গিত্তা ইয়া খু·রাচাক্কাখো চু·সকেতা, জেদাক্কে ইয়া ইসলনি খা·সাচাক্কানি হ·ন্না গিত্তা হং·না মা·ন্না। আরো উনি গিম্মিন অব্রাহামনি দেরিচ্ছু-সু·রিচ্ছু গিম্মিকনান ইয়া খু·রাচাক্কা বিবিন চু·সকনুয়া। নিয়ামনি নিং·আও দংগিবা মান্দিরাংনাসান ইয়া খু·রাচাক্কা চু·সকনুয়া ইন্দাকেদে হং·জা, জে মান্দিরাং অব্রাহামনি বিবিরা·আ গিত্তান বিবিরা·আ বিসংনাবা ইয়া খু·রাচাক্কা বিবিন চু·সকনুয়া।

রোমানরাংনা 4:4

কাম দাক্কে মজুরি মান·গিবাদে হ·ন্নানি হং·জা, উয়াদে মা·ন্নাগিবাসা।

রোমানরাংনা 8:17

আনচিং দেদ্রাং হং·এ দংওদে ইসল বিনি দেদ্রাংনা জেখো হ·ন্না খু·রাচাকজক আনচিং উখো মা·ন্নুয়া। খ্রীষ্টন ইসলচাখো উখো মা·ন্নুয়া আরো আনচিংবা বিমুং উখো মা·ন্নুয়া, মুয়ানা আনচিং খ্রীষ্টমুং দুক চাক্কোদে বিমুং রাসংখোবা মা·ন্নুয়া।

1ম করিন্থীয়রাংনা 6:11

না·সংও সাবা সাবা উয়ানদাকগিবান হং·আমিং, ইন্দিবা গিত্তেল যীশু খ্রীষ্টও আরো আনচিংনি ইসলনি গিসিকও না·সংখো সু·গালে থাল্লেতজক, ইসলনা মিংএ দিংথাং দাক্কেতজক আরো দোসগ্রি ইন্নে রা·চাকজক।

গালাতীয়রাংনা 2:16

ইন্দিবা চিংআ ইয়া খাৎথাখো হা·আইয়া, নিয়াম মানিয়ানা ইসল মান্দিখো দোসগ্রি ইন্নে রা·চাকজা, বাত্তেসা যীশু খ্রীষ্টখো বিবিরা·আনি গিম্মিনান রা·চাকা। উনি গিম্মিন চিংআবা খ্রীষ্টখো বিবিরা·জক, জেদাক্কে নিয়াম মানিনা হং·জা বাত্তেসা খ্রীষ্টখো বিবিরা·আনি গিম্মিনান দোসগ্রি ইন্নে রা·চাকানি হং·আ; মুয়ানা নিয়াম মানিয়ানি গিম্মিন দারাংখোবা দোসগ্রি ইন্নে রা·চাকজানুয়া।

গালাতীয়রাংনা 3:29

না·সং খ্রীষ্টনি হং·জক ইন্নে অব্রাহামনি দেরিচ্চুবা হং·জক। আরো ইসল জেখো র·ন্না অব্রাহামচা খু·রাচাক্কামিং না·সংবা উখো মান·রিকগিবা হং·জক।

গালাতীয়রাংনা 4:7

ইনি গিম্মিন না·সং নকখল হং·জাজক দেসা হং·আ। না·সং দেআন হং·ওদে ইসল জেখো র·ন্না খু·রাচাক্কা উখো না·সং মান·রিকনুয়া।

2 থিষলনীকীয়রাংনা 2:16

আনচিংনি গিত্তেল যীশু খ্রীষ্ট আন·থাং আরো আনচিংনি ফাগিবা ইসল না·সংনি খা·থংও খা·দংএতখানা আরো গিম্মিক নাম্মা কামও আরো খাৎথাও না·সংখো খেম·খেম দনখানা। বিয়ান চিংনা খা·সাজক আরো খা·সাচাক্কে বন·চাংগিজা দিদিআখো আরো হান·সেংআ গাপ্পা খা·দংএতাখো হন·জক।

তীতনা 1:2

ফাংনাজলনি জাংগিখো মা·ন্না খা·দংএ আংআ খ্রীষ্টনা দাকচাকে রি·য়াংইংজক। হা·গিলসাক হং·না স্খাংআন ইসল, জেআন বু·আখো আগানজা, বিয়া ইয়া জাংগিখো র·ন্না খু·রাচাক্কামিং।

তীতনা 2:11

ইসলনি জে খা·সাচাক্কাচা পাপওনি জক্কাখো মা·ন্না উখো গিম্মিক মান্দিরাংচান ফারাকা হং·জক।

তীতনা 2:13

আরো আনচিংনি চুবাৎগিবা ইসল আরো জক্কেৎগিবা যীশু খ্রীষ্টনি রাসংগ্মাং ফারাকানি খুসিগ্মাং খা·দংআ চু·সকনা গিম্মিনান গিসিক নাংএ নিচাকে দংআ।

ইব্রীয়রাংনা 1:14

সা·গ্রেরাং দিমদাকান দাকচাকে হন·গিবা গিসিক হং·জামা? জেরাং পাপওনি জক্কাখো মা·ন্নুয়া বিসংনা দাকচাকে হ·ন্না ইন্নেন বিসংখো ওয়াত্তেতজক।

ইব্রীয়রাংনা 11:7

জেখো উনোবা নিকখুজা উনি গিম্মিনো ইসল নোহখো সিমসাকেতামিং। নোহ ইসলখো অলাখিগিবা হং·আমিং ইন্নে ইসলনি খাৎথাখো বিবিরা·এ গি·সা জাহাস থারিয়ামিং, জেদাক্কে বিনি নকনি মান্দিরাং জকনা মা·ন্না। নোহ বিনি বিবিরা·আচান হা·গিলসাকখো দোসগ্মাং ইন্নে ফিন্নিকামিং আরো ইসলচা দোসগ্রি ইন্নে রা·চাকনা খ্রাগিবা হং·আনি বিলখো মা·ন্নামিং, জেখো বিবিরা·আনি গিম্মিনোসান মা·ন্না।

ইব্রীয়রাংনা 11:9

ইসল জে হা·সংখো অব্রাহামনা হ·ন্না খু·রাচাক্কামিং বিয়া বিবিরা·আনি গিম্মিনান সংগিপ্পিননি মান্দি হং·এ উয়ো সংদংআমিং। বিমুং জেরাং উয়া আপসান খু·রাচাক্কানি ফাত্তিয়ানি বাকখো মান·ফামিং উয়া ইসহাক আরো যাকোব গিত্তা দাক্কে বিয়াবা তাম্বুরাংও দংনুয়ামিং;

ইব্রীয়রাংনা 6:17

ইসল জেখো হ·ন্না খু·রাচাক্কামিং, জেরাং উখো মা·ন্নুয়া বিসংনা বিয়া ইয়া মিকচেতাও নাম্মেথাল্লে ফিন্নিকনা হা·ম্মামিং, বিয়া জেখো থিক দাকজক উয়াদে আরবা দিংথাং হং·জাংআ। ইনি গিম্মিন বিয়া মিকচেতাচা ইখো ফিন্নিকজক, বিয়া জেখো থিক দাকজক উয়াদে হং·নুয়ান হং·নুয়া।

যাকোব 2:5

খিন্নাবো, আংনি খা·সাগিবা জংআদারাং। ইয়া হা·গিলসাকনি মিক্রোনও দিল্লা-চন্না মান্দিরাংখো ইসল বিবিরা·আও মা·ন্নে চা·গিবা হং·না বাচ্ছিয়ে রা·জামা? জেরাং ইসলনা খা·বাকা উরাংখো বিয়া জে সংনকখো র·ন্নুয়া ইন্নে খু·রাচাক্কামিং, উয়া সংনকখো মান·রিকনাবা ইসল বিসংখোন বাচ্ছিয়ে রা·জামা?

পিতর 3:7

উয়ানদাক্কেন না·সং জেরাং সেগিবা হং·আ, না·সং বুদ্ধিখো জাকখালে জিকমুং দংখামবো। বিসং না·সংনি বিলগ্রিগিবা বাজু হং·আ, আরো বিসংবা না·সংমুং ইসলনি খা·সাচাক্কে রন·গিবা গিত্তা জাংগিখো মা·ন্নুয়া। উনি গিম্মিন বিসংখো মান্দিরা·বো জেদাক্কে না·সংনি বি·আও চাংফেংআখো মান·জা।