তীতনা 3:5 - Garo New Testament

⁵ মামুং নাম্মা কামনা বিয়া আনচিংখো জক্কেৎজা, বিনি খা·সাচাক্কানি গিম্মিনান উখো দাকজক। গিসিক রংথালগিবাচা গিত্তাল দাক্কে আৎচিয়েতে আরো গিত্তাল দাক্কে থারিয়ে বিয়া আনচিংনি খা·থংখো সু·গালে চি·রংএতজক, আরো ইন্দাকেন বিয়া আনচিংখো জক্কেৎজক।

তীতনা 3:5 Iomraidhean Croise

মথিনি চকগিবা নাম্মা খাৎথা 3:11

গিসিক ফিল·জক ইন্নে আংআ না·সংখো চিও রিপ্পলেতিংআ, ইন্দিবা আংনি জা·মানচা রি·বাগিবাদে আংনা বিল্লাকবাত্তা। আংআদে বিনি জা·খপখো রিপ্পিএ রা·নাবা খ্রাজা। বিয়া না·সংখো গিসিক রংথালগিবাও আরো ওয়া·আলো রিপ্পলেতনুয়া।

লূকনি চকগিবা নাম্মা খাৎথা 1:50

জেরাং বিখো মানিয়া বিসংনা বিয়া খা·সাচাক্ক চাসংওনি চাসংনা দাক্কা।

লূকনি চকগিবা নাম্মা খাৎথা 1:54

বিয়া আনচিংনি ফাগিৎচামরাংচা জেখো খু·রাচাক্কামিং, উয়ানদাক্কেন বিয়া বিনি নকখল ইস্রায়েলনা দাকচাকজক। অব্রাহাম আরো বিনি মা·চংনি মান্দিরাংনি সাক্কাও ফাংনাজলনা খা·সাচাক্কানি খাৎথাখো বিয়া গিসিক রা·এ দনজক।”

লূকনি চকগিবা নাম্মা খাৎথা 1:72

বিয়া আনচিংনি ফাগিৎচামরাংনা খা·সাচাকনা আরো বিনি রংথালগিবা খু·রাচাক্কাখো আগানস্খাওদে বিনি খু·মিচেতাখো চু·সকেতনা ইন্নে আনচিংখো জক্কেৎজক।

রোমানরাংনা 11:14

ইনি গিম্মিন জেদাক্কে আংআ আন·থাংনি জাতস্খানি মান্দিরাংনি হা·সিকাখো মিকরাকেতি বিসংওনি মিত্তাম মান্দিরাংখো জক্কেৎনা মা·ন্না।

রোমানরাংনা 11:6

ইসল খা·সাচাক্কেন বাচ্ছিয়ে দন্নোদে উয়া মামুং কামনি বিথি হং·জাসা। ইন্দাকেন হং·ওদে খা·সাচাক্কা চং·মত খা·সাচাক্কা হং·জানুয়ামিং।

রোমানরাংনা 12:2

ইয়া নামগিজা হা·গিলসাকনি রি·য়া-দোআরাংও না·সং আন·থাংথাংখো দা·আ রিপ্পেতাবো, বাত্তেসা ইসলচা না·সংনি গিসিকখো গিত্তাল দাক্কে থারিনা হ·ন্নে চু·গিম্মিক দাক্কে গিত্তাল হং·বো, জেদাক্কে না·সং ইসলনি হা·সিকাখো হা·আইনা মা·ন্না। ইসলনি হা·সিকা নাম্মা, চু·সকগিবা আরো উয়া বিনা খুসি হং·বিয়ানি হং·আ।

রোমানরাংনা 3:20

নিয়ামখো মানিজোকনোন ইসল মান্দিখো দোসগ্রি ইন্নে রা·চাকনুয়া ইন্দাকে হং·জা, ইন্দিবা নিয়ামচান মান্দি আন·থাংথাংনি পাপরাংখো হা·আইনা মা·ন্না।

রোমানরাংনা 3:28

মুয়ানা আনচিং হা·আইয়া, ইসল মান্দিখো বিনি বিবিরা·আনি হা·সেলো দোসগ্রি ইন্নে রা·চাকা, নিয়ামখো মানিয়ানাদে হং·জা।

রোমানরাংনা 4:5

ইন্দিবা জে আন·থাংনি সাক্কাও ফাংচাকগিজা ইসলোসান ফাংচাকা ইসল বিনি উয়া বিবিরা·আনি গিম্মিন বিখো দোসগ্রি ইন্নে রা·চাকা, মুয়ানা বিয়ান পাপীখো দোসগ্রি দাক্কে রা·চাকনা মা·ন্না।

রোমানরাংনা 9:11

আনচিংনি ফাগিৎচাম ইস্‌হাকান উয়া মি·আসা। উয়া বি·সা সাকগ্মিনি আৎচিয়ানি স্খাং জেনসালো বিসং নাম্মা নামজা মামুংখোন দাকখুজা ইসল উনোন রিবিকাখো আগানামিং, “দাল·গিবা চনগিবানি নকখল হং·নুয়া।” ইচা ইসল ফিন্নিকামিং, আন·থাংনি মিকসংআখো চু·সকেৎনা বিয়ান বাচ্ছিয়ে রা·আ; মামুং কামনি হা·সেল বিয়া উখো দাকজা বাত্তেসা বিনি হা·সিকা গিত্তান বিয়া মান্দিখো রিক্কামা।

রোমানরাংনা 9:16

ইন্দাকোদে ইয়া দারাংনি হা·সিকানি সাক্কাও ফাংচাকজা, ইসলনি খা·সাচাক্কাওন ফাংচাকা।

রোমানরাংনা 9:30

ইন্দাকোদে আনচিং ইয়া খাৎথাখোন আগান্নুয়া, গিপ্পিন জাতরাং ইসলনি রা·চাকনা খ্রাগিবা হং·না দাক্কেবা নিজা ইন্দাকোবা বিসংনি বিবিরা·আচান বিসং ইসলনি রা·চাকনা খ্রাগিবা হং·জক।

1ম করিন্থীয়রাংনা 6:11

না·সংও সাবা সাবা উয়ানদাকগিবান হং·আমিং, ইন্দিবা গিত্তেল যীশু খ্রীষ্টও আরো আনচিংনি ইসলনি গিসিকও না·সংখো সু·গালে থাল্লেতজক, ইসলনা মিংএ দিংথাং দাক্কেতজক আরো দোসগ্রি ইন্নে রা·চাকজক।

গালাতীয়রাংনা 2:16

ইন্দিবা চিংআ ইয়া খাৎথাখো হা·আইয়া, নিয়াম মানিয়ানা ইসল মান্দিখো দোসগ্রি ইন্নে রা·চাকজা, বাত্তেসা যীশু খ্রীষ্টখো বিবিরা·আনি গিম্মিনান রা·চাকা। উনি গিম্মিন চিংআবা খ্রীষ্টখো বিবিরা·জক, জেদাক্কে নিয়াম মানিনা হং·জা বাত্তেসা খ্রীষ্টখো বিবিরা·আনি গিম্মিনান দোসগ্রি ইন্নে রা·চাকানি হং·আ; মুয়ানা নিয়াম মানিয়ানি গিম্মিন দারাংখোবা দোসগ্রি ইন্নে রা·চাকজানুয়া।

ইফিষীয়রাংনা 2:4

ইন্দিবা ইসল খা·সাচাক্কাও চু·সকগিবা হং·আ; বিয়া আনচিংখো নাম্মেন খা·সাআ।

ইফিষীয়রাংনা 4:23

উনি ফালো না·সংনি গিসিকখো ইসলচা গিত্তাল দাক্কে রিকখানা রন·বো,

ইফিষীয়রাংনা 5:26

খ্রীষ্টনি মিকসংআ ইয়ান জেদাক্কে বিয়া মন্ডলীখো রংথালেতনা বিনি খাৎথাচা চিও সু·গালে রাসংগ্মাং অবস্থাও আন·থাংনি মিকখাংও রা·বানা মা·ন্না। উয়া সময়ও মন্ডলীও মামুং মারাং নাংআনি চিন বা উয়ানদাকগিবা মামুং দংজানুয়া, বাত্তেসা উয়া রংথালা আরো খাকখেৎ হং·নুয়া।

2 তীমথিয় 1:9

ইসলান আনচিংখো পাপওনি জক্কেৎজক আরো রংথালে জাংগি থাংএতনা রিক্কামজক। আনচিংনি মামুং কামনি হা·সেল বিয়া ইখো দাকজা, বাত্তেসা বিনি মিকসংআ আরো খা·সাচাক্কানি গিম্মিনোন দাকজক। হা·গিলসাক হং·চেংনা স্খাং খ্রীষ্ট যীশুও বিয়া বিনি খা·সাচাক্কাখো আনচিংনা হ·ন্নামিং,

তীতনা 3:4

ইন্দিবা জেনসালো আনচিংখো জক্কেৎগিবা ইসলনি খা·সাচাক্কা আরো খা·সা ফারাকজক উনো বিয়া পাপওনি আনচিংখো জক্কেৎজক।

ইব্রীয়রাংনা 10:22

উনি গিম্মিন বিবিরা·আও জে খেম·খেমা রি·বাআ, হাই, আনচিং উয়া চু·সকগিবা খেম·খেমাও খাকখেৎ খা·থংও ইসলনি মিকখাংচা রি·য়াংনা; মুয়ানা দোসগ্মাং চানচিয়ানি জাকওনি আনচিংনি খা·থংখো হান·চি গোসাত্তে রংথালেতজক আরো গ্রিকা চিচা আনচিংনি বে·এনখো সু·গালজক।

ইব্রীয়রাংনা 4:16

উনি গিম্মিন হাই, আনচিং খেনগিজা ইসলনি খা·সাচাক্কানি সিংহাসননি মিকখাংচা রি·য়াংনা, জেদাক্কে নাংআনি সময়ও উয়োনি আনচিং বিনি খা·সানিক্কাখো আরো খা·সাচাক্কাখো মা·ন্না।

ইব্রীয়রাংনা 6:6

আরো উনি জা·মানো খ্রীষ্টওনি ফি·ল্লে রি·য়াংজক, বিসংখো দা·আবা গিত্তাল দাক্কে গিসিক ফি·ল্লানি রামাও রিমবানা মান·জা। ইয়াদে হং·না মান·জা, মুয়ানা বিসং আন·থাংআন ইসলনি দেফান্থিখো দা·আবা চিসলো দাৎখাপিংজক আরো গিম্মিকনি মিকখাংও বিখো মান্দিরা·জাংজক।

পিতর 1:3

আনচিংনি গিত্তেল যীশু খ্রীষ্টনি ইসল আরো ফাগিবানি রাসং হং·খানা। যীশু খ্রীষ্টখো সিয়াওনি থাংচাএতি ইসল বিনি বাং·বাত্তা খা·সাচাক্কাও আনচিংখো গিত্তাল দাক্কে আৎচিয়েতজক। উনি গিম্মিনো আনচিং গি·সা থাংগিবা খা·দংএতাখো মান·জক,

পিতর 2:10

সালসাদে না·সং ইসলনি মান্দি হং·জামিং, ইন্দিবা দা·আওদে হং·জক; সালসাদে না·সং খা·সাচাক্কাখো মান·জামিং, ইন্দিবা দা·আওদে মান·জক।

পিতর 3:21

ইয়া হং·জক রিপ্পলানি গি·সা ছবি দা·আও না·সংখো জেআন জক্কেতা। রিপ্পলা না·সংনি বে·এননিখো ময়লাখো থাল্লেতা ইন্দাকে হং·জা; ইসলচা ইয়া গি·সা রংথালা চানচিয়ানি হং·আ। যীশু খ্রীষ্টনি সিয়াওনি থাংচাএ চাখাতাচা না·সংখো জক্কেতানি হং·আ।