তীতনা 2:7 - Garo New Testament

⁷ গিম্মিকোন না·আ বিসংচা নাম্মা কামনা দাক্কে ফিন্নিকগিবা হং·বো। নাং·নি স্খিয়াও জেদাক্কে নামগিবা মিকসংআ দংআ, উয়ো জেদাক্কে নাংএগিজা সক্কেগিজা গিসিক দংজা।

তীতনা 2:7 Iomraidhean Croise

2য় করিন্থীয়রাংনা 1:12

জেনি হা·সেল চিংআ রাসং দাক্কা উয়া ইয়ান-চিংনি চানচিয়া ইখো সাক্ষি হ·ন্নিংআ, ইসলনি হন·গিবা রংথালাও আরো স্রংআও চিংআ গিম্মিক মান্দিনি গিসেপো মংসংদে না·সংনি গিসেপো জাংগি মিৎথাংজক। উয়া জাংগিখো চিংআ হা·গিলসাকনি হা·আইয়াও মিৎথাংএতজা বাত্তেসা ইসলনি খা·সাচাক্কাও মিৎথাংএতজক।

2য় করিন্থীয়রাংনা 2:17

আন·থাংথাংনি নামগ্মিনা গিম্মিন জেরাং ইসলনি খাৎথাখো রা·এ বাদিংআ চিংআ উয়ানদাকগিবা মান্দিরাং গিত্তা হং·জা; বাত্তেসা খ্রীষ্টমুং নাংরিমে ইসলনি মিকখাংও ইসলনি ওয়াত্তেতা মান্দি গিত্তা চিংআ খাকখেৎ খা·থংওনি খাৎথা আগানা।

2য় করিন্থীয়রাংনা 4:2

মান্দিরাং থুম্মুয়ে খ্রাচা·আনি জে কামরাংখো দাক্কা চিংআ উরাংখো রেকথেক দাকজা। চিংআ কামরাংও বু·আনি মামুংখো দাকজা, ইসলনি খাৎথাও মামুং বু·আনিখো দনজা। বাত্তেসা চিংআ ইসলনি বিবিখো ফারাকে বিনি মিকখাংওন মান্দি গিম্মিকনি গিসিকচা আন·থাংথাংখো রা·চাকনা খ্রাগিবা দাক্কে ফিন্নিকা।

2য় করিন্থীয়রাংনা 8:8

ইখো আংআ গি·য়েতিংজক ইন্দাকেদে হং·জা, ইন্দিবা গিপ্পিনরাংনি গিসিক নাংআনি খাৎথাখো না·সংনা আগানে আংআ পরীক্ষা দাক্কে নিনা হা·ম্মা না·সংনি খা·সা বাসিক খাকখেৎ হং·আ।

ইফিষীয়রাংনা 6:24

আনচিংনি গিত্তেল যীশু খ্রীষ্টনা জেরাংনি খা·সাআ খেম·খেম দংআ বিসং গিম্মিকনি সাক্কাও ইসলনি খা·সাচাক্কা দংখানা।

ফিলিপীয়রাংনা 1:10

ইন্দাকোদে নামবিবিয়াখো না·সং হা·আইচাকে বাচ্ছিয়ে রা·না মা·ন্নুয়া। উনোদে না·সং যীশু খ্রীষ্টও খাকখেৎ জাংগিনি বিথিচা চু·সকে খ্রীষ্টনি রি·বানি সালোনা দিপ্পাৎ খাকখেৎ আরো দোসগ্রি দংনা মা·ন্নুয়া, আরো ইনি হা·সেল ইসলনি রাসং আরো মিৎথেলা হং·নুয়া।

2 থিষলনীকীয়রাংনা 3:9

না·সংচানি দাকচাকাখো মা·ন্না চিংনি বিল দংজা ইন্দাকে হং·জা, ইন্দিবা না·সং জেদাক্কে চিং গিত্তা রি·য়া উনি গিম্মিনান চিংআ ইন্দাকে কাম দাক্কে না·সংনা ফিন্নিকামিং।

1 তীমথিয় 4:12

না·আ ফান্থি ইন্নে দারাংবা নাং·খো চন্নিকজাখানা। খু·সুক আগানাও, রি·য়া-দোআও, খা·সাও, বিবিরা·আও আরো রংথালাও বিবিরা·গিবারাংচা না·আ দাকফিন্নিকগিবা হং·বো।

1 তীমথিয় 5:10

ইনাআগ্রেবা নাম্মা কামনা বিনি মিংসিংআ দংনা নাংনুয়া। ইন্দাকা নাম্মা কামরাংও দংআ - বি·সা-আংদিরাংখো নিরকা, চাচ্চি সকবাগিবারাংনা দাকচাকে হ·ন্না, ইসলনি মান্দিরাংনি জা·চকখো সু·গালে হ·ন্না, জেরাং দুকও গা·আকা বিসংনা দাকচাকা, আরো দিংথাং নাম্মা কামরাংও দংফা।

তীতনা 3:8

ইয়া খাৎথা বিবিরা·না খ্রাগিবা হং·আ। আংআ হা·ম্মা, না·আ ইয়া বিদিংরাংও দিংচিকবো, জেদাক্কে ইসলখো জেরাং বিবিরা·জক বিসং গিপ্পিনরাংনা দাকচাকানি কামও আন·থাংথাংখো বিমচিপাও দন্না গিসিক র·ন্না। মান্দিরাংনা ইয়ারাং নাম্মা আরো দাকচাকানি হং·আ।

পিতর 5:3

না·সংনি নিং·আও জেরাং দংআ বিসংনি সাক্কাও দা·আ গিত্তেল হং·আবো, বাত্তেসা ইন্দাকগিবা হং·বো জেদাক্কে না·সংখো নিক্কে বিসং স্খিনা মা·ন্না।